13 Korrik 2020

BE pritet të propozojë sot përfaqësues të posaçëm për bisedimet Kosovë – Serbi

Bruksel, 17 shkurt - Shefi i politikës së Jashtme të Bashkimit Evropian, Josep Borell, pritej që sot në takimin e ministrave të Jashtëm të bllokut, të hedhë propozimin për emërimin e një përfaqësuesi të posaçëm për Ballkanin Perëndimor, përkatësisht për bisedimet Kosovë – Serbi.

Ende nuk është e qartë se kush mund të jetë ai, por emri më i përmendur është ai i ministritë të Jashtëm të Sllovakisë, Miroslav Lajçak.

Borrell tha se në atë post duhet të jetë “dikush që e njeh rajonin”, ndërsa ministri Lajçak as nuk e mohoi e as nuk e pohoi një mundësi të tillë.

Propozimi duhet të miratohet nga të gjitha vendet e bllokut mes të cilëve ka rezerva rreth zotit Lajçak, i cili sikurse zoti Borrell, ish ministër i Jashtëm i Spanjës, vjen nga një prej pesë vendeve që nuk e njohin pavarësinë e Kosovës.

Kalendari

Ngjarjet e datës 13 Korrik 2020 - Kryetari i Komunës së Gjilanit, Lutfi Haziri e hap fushatën e korrje-shirjeve. (Fushata e korrje-shirjeve nis në mes të fshatave, Livoq i Poshtëm dhe Velekincë, ora 10:00)

- Kryeministri Avdullah Hoti, i shoqëruar nga ministri i Bujqësisë, Besian Mustafa dhe nga ambasadori i Gjermanisë në Kosovë, Christian Heldt do të vizitojë kompaninë “SOWI KOSOVA” në Bajgorë të Komunës së Mitrovicës. (Bajgorë - Mitrovicë, ora 11:00)

- Vazhdon seanca plenare e Kuvendit në të cilën do të shqyrtohet Projektligjit për plotësimin dhe ndryshimin e Ligjit mbi ndarjet buxhetore për Buxhetin e Republikës së Kosovës për vitin 2020. (Salla e Kuvendit, ora 14:00

- Kryeministri Avdullah Hoti raporton në Kuvendin e Kosovës lidhur me menaxhimin e pandemisë COVID-19. (Salla e Kuvendit, ora 16:00)