19 Nëntor 2019

BE konsideron vendosjen e më shumë sanksioneve ndaj Venezuelës

Bruksel, 5 shkurt - Përfundimi i ultimatumit që vendet e BE-së i kishin dhënë Nicolas Maduros në Venezuelë, për të organizuar zgjedhje të reja dhe të lira, ka sjellë edhe masat e para të shumë vendeve të unionit.

Kështu shumë shtete kanë njohur zyrtarisht Juan Guaidon, presidentin e vetëshpallur, si liderin e Venezuelës, duke u rreshtuar kështu në krah të Uashingtonit, pasi Shtetet e Bashkuara qenë të parat që bënë këtë hap.

Maduro akuzohet se ka drejtuar Venezuelën, vend anëtar të OPEC-ut, në mënyrë diktatoriale, duke shtypur lirinë dhe dëmtuar rëndë ekonominë, dhe për rrjedhojë ka detyruar të largohen nga vendi më tepër se 3 milionë shtetas.

Bashkimi Evropian po konsideron vendosjen e më shumë sanksioneve ndaj qeverisë së presidentit të Venezuelës, Nicolas Maduro, por nuk ka diskutuar mbi embargon e naftës, tha të hënën ministri i jashtëm i Maltës.

“Synimi është që sanksionet mund të jenë mbi individë të caktuar dhe jo për çështje që mund të kenë efekt mbi një ekonomi tashmë të dobësuar”, tha Carmelo Abela për Reuters pas një takimi të ministrave të jashtëm të BE në Bruksel. “Ndalimi i sanksioneve të mëtejshme (sektoriale) nuk përjashtohet, por kryesisht përqendrohemi tek individë të caktuar”, deklaroi ai.

Që nga nëntori i vitit 2017, Bashkimi Evropian ka vendosur një embargo mbi eksportin e armëve dhe pajisjeve për represionin e brendshëm, si dhe ndalimin e udhëtimit dhe një ngrirje të aseteve për mbi 18 zyrtarë të akuzuar për shkelje të të drejtave dhe dëmtim të demokracisë.

Ekspertët thonë se sanksionet e BE-së janë simbolike, ndaj kanë pasur pak ose aspak ndikim mbi politikat e Maduros deri më tani dhe se sanksionet financiare dhe të naftës mund të jenë mënyra e vetme për të detyruar qeverinë të ndryshojë.

Nafta dhe produktet e ngjashme përbëjnë tre të katërtat e eksporteve të Venezuelës në BE, por blloku nuk është i gatshëm të ndërmarrë hapa që mund të përkeqësojnë më tej një ekonomi tashmë në krizë të thellë.

Kalendari

Ngjarjet e datës 19 nëntor 2019 - Banka Qendrore e Republikës së Kosovës organizon konferencën ndërkombëtare të nivelit të lartë me titull: “Rreziqet dhe mundësitë në një sektor financiar dinamik-rruga zhvillimore”, që do të mbahet në kuadër të shënimit të 20 vjetorit të themelimit të BQK-së. (Hotel Swiss Diamond, ora 8:30)

- Presidenti i Republikës së Kosovës, Hashim Thaçi, merr pjesë në shënimin e 20 vjetorit të themelimit të BQK-së. (Hoteli Swiss Diamond, ora 9:00)

- Punëtorët teknik të qendrës studentore, punëtorët teknik të disa shkollave që menaxhohen nga komuna e Prishtinës, punëtorë teknik të Universitetit të Prishtinës, punëtorë të sigurimit fizik të UP-së dhe QMF-ve, punëtorët teknik të disa shkollave në Gjilan do të ndalin punën e tyre në shenjë pakënaqësie për pagën e tyre të ulët. (Protesta mbahet ne vendete e tyre te punës, ora 10:00)

- Komuna e Rahovecit mban mbledhjen e njëmbëdhjetë e rregullt e Komiteti për Politik dhe Financa. (Objekti i Komunës së Rahovecit, ora 10:00)

- Zyra e BE-së në bashkëpunim me Këshillin Gjyqësor të Kosovës do të organizojë një vizitë në Gjykatën Themelore në Prishtinë në të cilën do të diskutojë për zhvillimet dhe arritjet në operacionalizimin dhe digjitalizimin e bazës kombëtare të të dhënave të evidencës penale, e zbatuar nga Sistemi qendror kombëtar i evidencës penale. (Gjykata Themelore e Prishtinës, ora 10:15)

- Mbahet ceremonia e ndërrimit të komandës në mes të Komandantit në largim të KFOR-it, gjeneralmajor Lorenzo D’addario dhe Komandantit në ardhje të KFOR-it, gjeneralmajor Michele Risi. (Kampi i Shtabit të Përgjithshëm të KFOR-it Film City, ora 10:30 - mediet duhet të arrijnë tek Porta kryesore e Kampit Film City jo më vonë se ora 9:30)

- Presidenti Thaçi dhe Kryeministri në detyrë, Ramush Haradinaj, merr pjesë në ceremoninë e ndërrimit të Komandës së KFOR-it. (Film City, ora 10:25)

- Guvernatori i Bankës Qendrore të Republikës së Kosovës, Fehmi Mehmeti dhe Zëvendësdrejtori i Fondi Monetar Ndërkombëtar, Tao Zhang mbajnë konferencë për media. (Swis Diamand Hotel, ora 10:45)

- Zyra e UNICEF-it në Kosovë do të mbajë aktivitet me fëmijët në kuadër të shënimit te 30 vjetorit të Konventës për të Drejtat e Fëmijës. (Sheshin “Zahir Pajaziti”, ora 14:00)

- Kryeministri në detyrë, Ramush Haradinaj, pret në takim ministrin e Mbrojtjes të Italisë, Lorenzo Guerini. (Ndërtesa e Qeverisë, ora 14:00)

- Forumi për Iniciativa Qytetare FIQ organizon publikimin e analizës së Legjislacionit të Kosovës lidhur me Filantropinë dhe OJQ-të, me autor Qerkin Berisha. (Zyret e FIQ, Resource Center në Pejton, ora 14:00)

- Ambasadorja e Francës, Marie-Christine organizon pritje ku do të dekorojë znj.Blerta Zeqiri, ''Kalorëse në Urdhrin e Artit dhe Letërsisë''. (Rezidenca e Francës, ora 18:30)

- HANDIKOS organizon ceremoninë e hapjes së  ekspozitës me fotografi  “EmbraceMe-Kosovo”, me portrete nga jeta e nëntë personave nga Kosova, të punuara nga fotografja holandeze Karin Brongers. (Shtëpia e Evropës, ora 19:00)