03 Mars 2021

Avril Haines emërohet në krye inteligjencës kombëtare te SHBA-ve

Washington, 21 janar - Senati amerikan ka miratuar emërimin e drejtores amerikane të inteligjencës Avril Haines me një shumicë shumë të madhe votash, duke e bërë atë gruan e parë që do të jetë drejtore e inteligjencës kombëtare. Ajo u votua me 84 vota pro dhe 10 kundër.

Ish-numri 2 i agjencisë qendrore të inteligjencës (CIA), 51-vjeçarja do të mbikëqyrë dhe koordinojë aktivitetet e CIA-s, Agjencisë së Sigurisë Kombëtare (NSA) dhe 15 agjencive të tjera të inteligjencës amerikane.

Ajo pason John Ratcliffe, një republikan i Teksasit dhe besnik i Trump, i cili u konsiderua gjerësisht se kishte shumë pak përvojë për këtë pozitë.

Kalendari

Ngjarjet e datës 3 Mars 2021 - Kolegji Ndërkombëtar i Biznesit në Mitrovicë inauguron projektin “Fuqizimi i autonomisë universitare dhe rritja e llogaridhënies e transparencës së universiteteve të Ballkanit Perëndimor”. (Selia e Kolegjit IBCM, ora 9:00)

- Mbahet seanca gjyqësore kundër të pandehurit Enis Ramadani për vepren penale 'Mbajtja në pronësi, kontroll ose posedim të paautorizuar të armëve'. (Gjykata Themelore në Ferizaj, ora 9:30)

- Avokati i Popullit, Naim Qelaj viziton ekspozitën për fëmijët e vrarë gjatë luftës “Na ishte një herë që kurrë mos qoftë”. (Biblioteka “Hivzi Sylejmani” në Prishtinë, lagjja Dardania, ora 10:00)

- Parlamenti i dytë rural shqiptar organizon konferencë për të diskutuar sfidat dhe veprimet konkrete për mirëqenien e banorëve të zonave rurale. (Platforma Zoom, ora 10:00)

- Pas rritjes së numrit të rasteve me COVID-19 në Gjilan, kryetari i Komunës, Lutfi Haziri, mban konferencë për media pas takimit të Komitetit për menaxhimin dhe parandalimin e përhapjes së COVID-19. (Zyra e krytarit Haziri, ora 10:30)

- Ministria e Kulturës, Rinisë dhe Sportit organizon ceremoninë e shpërndarjes së librave të botuar dhe të blerë me financimin e Departamentit të Kulturës në MKRS. (Biblioteka Kombëtare e Kosovës, ora 11:00)