16 Gusht 2022

Anijet bregdetare kineze futen në ujërat territoriale japoneze

Tokio, 21 qershor - Anijet e rojes bregdetare kineze kanë hyrë në ujërat territoriale japoneze rreth ishujve të diskutueshëm Senkaku në Detin e Kinës Lindore, tha roja bregdetare e Japonisë.

Sipas shtabit të rojes bregdetare në Naha të provincës Okinawa, dy anije të rojes bregdetare kineze shkelën ujërat territoriale kombëtare japoneze.

Anijet janë afruar 20 kilometra në jugperëndim të ishullit Uotsuri, duke iu afruar anijeve japoneze të peshkimit në territorin e diskutueshëm në ujërat territoriale japoneze.

Si rezultat i paralajmërimeve të anijeve të rojes bregdetare japoneze për t’u larguar nga zona, anijet që i përkisnin Kinës janë tërhequr.

Transmetuesi publik NHK njoftoi se anijet kineze shkelën ujërat territoriale japoneze për herë të 11-të këtë vit.
 
Në Detin e Kinës Lindore, arkipelagu i quajtur “Senkaku” nga Japonia dhe “Diaoyu” nga Kina, përbëhet nga 5 ishuj dhe 3 shkëmbinj.

Arkipelagu, ku nuk jeton askush, ka shkaktuar mosmarrëveshje të gjata sovraniteti midis dy vendeve.
 

Kalendari

Ngjarjet e datës 16 gusht 2022

- Ministria e Administrimit të Pushtetit Lokal organizon debatin publik për të prezantuar dhe diskutuar rreth draft Strategjisë Kombëtare dhe Planit të Veprimit për Menaxhimin dhe Kontrollin e Qenve me dhe pa Pronar 2022-2028. (Amfiteatri i Qeverisë në ish ndërtesen e Rilindjes, ora 9:00)

- Kryetari i Partisë Demokratike të Kosovës, Memli Krasniqi, do të takojë Presidentin e Republikës së Shqipërisë, Bajram Begaj. (Kuvendi i Kosovës, Salla N204, ora 9:00 - Mediat mund të marrin pamje në fillim të takimit)

- Komuna e Rahovecit organizon degjim publik me biznese dhe grupe te interesit për buxhetin e vitit 2023 dhe Kornizës Afatmesme Buxhetore për vitet 2024-2025. (Salla e Kuvendit Komunal, ora 11:00)