17 Shkurt 2019

Zyra e Këshillit të Evropës nis një iniciativë të arsimit përfshirës në Kosovë

Prishtinë, 26 shtator - Zyra e Këshillit të Evropës në Prishtinë do ta bëjë hapjen e projektit të arsimit me titull Përkrahja e përafrimit përmes arsimit për demokraci dhe të mësuarit të gjuhëve (PPAD).
 
Projekti PPAD do të punojë me deri në 10 shkolla fillore dhe të mesme të Kosovës për të nxitur një imazh pozitiv të shumë-gjuhësisë lokale dhe rajonale dhe shumëllojshmërisë kulturore si bazë për mësimin e suksesshëm të gjuhëve dhe dialogun ndërkulturor.

Ky projekt i arsimit do të përqendrohet në nxitjen e përafrimit ndërmjet komuniteteve të ndryshme në Kosovë, duke krijuar mundësi për dialog ndërmjet individëve dhe komuniteteve ndërsa duke zhvilluar besim të ndërsjellë përmes arsimit dhe mësimit të gjuhëve. 
 
Ky projekt do të zgjas 24 muaj dhe zbatohet nga Këshilli i Evropës dhe bashkë-financohet nga Norvegjia dhe Këshilli i Evropës.
 
Kjo iniciativë e Këshillit të Evropës ka potencialin për të kombinuar iniciativat në bazë në shkolla dhe komunitet me projektet e bazuara në shkollë, zhvillimin e kapaciteteve, partneritetet me shkolla, debatet publike dhe rezultatet e hulumtimit për shkëmbim më të mirë kulturor dhe gjuhësor. Projekti PPAD do të zbatohet në tri faza:
 
Faza 1: Studimi bazë mbi përfaqësimet gjuhësore dhe kulturore të të rinjve, mundësitë dhe pengesat për mësimin e gjuhës dhe arsimi për demokraci  
 
Faza 2: Zhvillimi i kapaciteteve dhe ngritja e vetëdijes përmes projekteve të bazuara në shkollë dhe shkëmbimit ndërkombëtar ndërmjet shkollave
 
Faza 3: Debatet publike, analiza, rekomandimet e politikave dhe publikimi
 
Projekti PPAD është pjesë e Pasqyrës së aktiviteteve të bashkëpunimit në Kosovë. Ky projekt zbatohet nga Këshilli i Evropës dhe bashkë-financohet nga Norvegjia dhe Këshilli i Evropës.
 
Znj. Isabelle Servoz-Gallucci, Shefe e Zyrës së Këshillit të Evropës në Prishtinë, Znj. Sarah Keating, Shefe e Sektorit për Bashkëpunim dhe Ngritje të Kapaciteteve, Departamenti i Arsimit i Këshillit të Evropës, Arber Geci, zëvendësministri i Ministrisë së Arsimit, Shkencës dhe Teknologjisë dhe Slaviša Mladenović, Komisioner për Gjuhët, Zyra e Komisionerit për Gjuhët, do të paraqesin projektin dhe do t'i përgjigjen pyetjeve nga përfaqësuesit e mediave.
 

Kalendari

Ngjarjet e datës 17 shkurt 2019 - Qeveria e Kosovës mban mbledhje festive për nder të 11-vjetorit të Pavarësisë. (Ndërtesa e Qeverisë, ora 8:00)

- Ngritja solemne e Flamurit të Republikës së Kosovës për nder të 11-vjetorit të Pavarësisë në të cilën marrin pjesë presidenti Hashim Thaçi, kreu i Kuvendit, Kadri Veseli dhe kryeministri Ramush Haradinaj. (Hapësira mes ndërtesës së Kuvendit dhe Qeverisë, ora 8:30) 

- Presidenti Thaçi, kryeparlamentari Veseli dhe kryeministri Haradinaj vendosin kurora lulesh te shtatorja e ish-presidentit Ibrahim Rugova. (Sheshi “Ibrahim Rugova”, para Kuvendit, ora 8:45) 

- Presidenti Thaçi, kryeparlamentari Veseli dhe kryeministri Haradinaj vendosin kurora lulesh në Kompleksin Memorial “Adem Jashari” në Prekaz. (Prekaz, ora 9:40)

- Në 11 vjetorin e shpalljes së pavarësisë të Kosovës, anëtarë të kryesisë së LDK-së bashkë më struktura të saj, bëjnë homazhe te varri i Presidentit Historik të Kosovës, Dr. Ibrahim Rugova. (Velani, ora 10:00)

- Komuna e Gjilanit organizon homazhe  te varrezat e dëshmorëve. (Gjilan, ora 10:00)

- Federata e Ping-Pongut e Kosovës (FPPK) organizon turneun “Dita e Pavarësisë”.  (ShMU “Tefik Çanga”, Ferizaj, ora 10:00)

- “Star Kids” do të performojnë në sheshin “Skënderbeu” për nder të Pavarësisë. (Sheshi “Skënderbeu” në Prishtinë, ora 10:00)

- Kuvendi i Kosovës mban seancë solemne për nder të 11-vjetorit të Pavarësisë. (Kuvendi i Kosovës, ora 10:45) 

- Komuna e Gjilanit organizon akademi solemne dhe program artistik nga Shkolla e Muzikës në Gjilan. (Teatri i Qytetit, ora 11:00)

- Trupat e Forcës së Sigurisë së Kosovë parakalojnë me rastin e 11-vjetorit të Pavarësisë së Kosovës. (Prej Sheshit “Nënë Tereza” deri te Sheshi “Ibrahim Rugova”, ora 12:20)

- Me rastin e 11-vjetorit të Pavarësisë së Kosovës organizohet koktej për të gjithë të ftuarit në Parakalimin e Trupave të FSK-së. (Hotel “Swiss Diamond”, ora 13:00)

- Dega e Lidhjes Demokratike të Kosovë në Gjilan bën përurimin e bustit të ish-presidentit Ibrahim Rugova (Gjilan, ora 13:00)

- Përfaqësues të organizatave studentore organizojnë një “protestë artistike” në lidhje me vonesën e liberalizimit për qytetarët e Kosovës. (Sheshi “Zahir Pajaziti”, ora 13:00) 

- Komuna e Vushtrrisë organizon manifestimin qendror për shënimin e 11-vjetorit të Pavarësisë. (Kalaja e Qytetit, Vushtrri, ora 13:00)

- Kryeministri Ramush Haradinaj pret në takim deputetët nga Mbretëria e Bashkuar, John Grogan dhe Martin Vickers. (Ndërtesa e Qeverisë, ora 14:00)

- Shoqata e Gastronomëve të Prishtinës, në bashkëpunim me Qeverinë e Kosovës, organizon një event simbolik për Pavarësi. (Sheshi “Skënderbeu”, ora 14:00) 

- Kryetari i Kuvendit të Kosovës, Kadri Veseli, dhe ministri i Kulturë, Rinisë dhe Sportit, Kujtim Gashi, përurojnë Palestrën Sportive në Shtime. (Shtime, ora 15:00)

- Kryeministri Ramush Haradinaj pret në takim delegacionin 17-anëtarësh nga Shtetet  e Bashkuara të Amerikës, të kryesuar nga Senatori James Inhofe. (Ndërtesa e Qeverisë, ora 15:00) 

- Komuna e Lipjanit organizon koncert festiv për 11-Vjetorin e Pavarësisë. (Qendra e Kulturës “Tahir Sinani”, Lipjan, ora 15:00)

- Ansambli Kombëtar i Këngëve dhe Valleve “Shota” mban koncert festiv për Pavarësi. (Sheshi “Zahir Pajaziti”, Prishtinë, 18:00)

- Për 11-vjetorin e Pavarësisë së Kosovës bëhet ndezja e organizuar e fishekzjarrëve. (Sheshi “Zahir Pajaziti”, Prishtinë, ora 18:30)

- Me rastin e 11-vjetorit të Pavarësisë së Kosovës organizohet pritja shtetërore nën përkujdesjen kryeministrit Ramush Haradinaj. (Hotel “Venus”, magjistralja Prishtinë-Ferizaj, ora 19:30)

- Mbahet koncerti festiv për nder të 11-vjetorit të Pavarësisë së Kosovës. (Sheshi “Zahir Pajaziti”, Prishtinë, ora 20:00)