22 Maj 2019

UPZ pret ekspertët e jashtëm për riagreditimit institucional dhe programor

Prizren, 15 maj - Universiteti “Ukshin Hoti” në Prizren të mërkurën ka pritur në vizitë ekspertët e jashtëm në kuadër të procedurës së riagreditimit Institucional dhe programor.

Në këtë kuadër është mbajtur takimi me menaxhmentin me në krye Rektorin Prof. Asoc. Dr. Ismet Temaj, përfaqësuesit e sigurimit të cilësisë, takimi me drejtuesit e programeve studimore, vizita turne e objekteve dhe infrastrukturës, takim me stafin mësimdhënës, takimi me studentët, takimi me të diplomuarit dhe takimi me punëdhënësit e të diplomuarve dhe aktorëve të jashtëm.

Rektori Temaj në takim theksoi se universiteti gjendet në një fazë të rëndësishme të zhvillimit dhe si drejtues si ri i këtij universiteti mirëpret rekomandimet e ekspertëve të akreditimit.

Ai shtoi se në vizionin e tij që ka shpalosur për këtë universitet ka paraparë adresimin e shumë çështjeve që janë prioritet për të arritur standarde sa më të larta, për të cilën do të punojë bashkë me stafin e tij menaxhues. 

Aktualisht në UPZ janë gjashtë fakultete, ndërsa gjendet në procedurë të riakreditimit institucional dhe të riakreditimit të dy programeve studimore në Fakultet Ekonomik, dy në Fakultetin e Shkencave Kompjuterike, programi i Juridikut në Bachelor dhe një program i ri në nivelin Master në Juridik.  

Kalendari

Ngjarjet e datës 22 maj 2019 - Ministri i mjedisit dhe planifikimit hapësinor, Fatmir Matoshi, do të pres në takim ministrin e Mjedisit dhe Turizmit të Shqipërisë, Blendi Klosi, me të cilin do të diskutojnë mbi bashkëpunimin mes dy ministrive në fushën e mjedisit. (Kabineti i ministrit Matoshi, ora 9:00)

- Mbahet takimi i Grupit të Vecantë për Reformën e Administratës Publike GVRAP. (Ministrinë e Administratës Publike, salla e takimeve kati 18, ora 9:30)

- Instituti për Politikë të Jashtme të Kosovës organizon konferencën 'Politika e jashtme e Kosovës në këndvështrim shkencor'. (Hotel Sirius, ora 9:30)

- Shoqata e Inovacionit Financiar mban konferencë për media në të cilën prezanton aktivitetet e shoqatës. (Hotel Sirius, ora 10:00)

- Ministri i Tregtisë dhe Industrisë, Endrit Shala, do të takohet me ministrin e Turizmit dhe Mjedisit i Republikës së Shqipërisë, Blendi Klosi, i cili do të jetë i shoqëruar nga  kryetarët e Bashkive të Vlorës dhe Himarës, përkatësisht Dritan Leli dhe Jorgo Goro, si dhe nga një grup operatorësh turistikë. (Ndërtesa e Ministrisë së Tregtisë, ora 10:30)

- Shefi i Komandës së Bashkuar të  Aleancës në Napoli, admiralit James Foggo viziton Ministrinë e Mbrojtjes të Republikës së Kosovës. (Ministria e Mbrojtjes, ora 11:15)

- Grupi i asambleistëve të Prishtinës, mbajnë konferencë për medie. (Selia e LDK-së, ora 11:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit mban dëgjim publik për Projektligjin për Referendum. (Ndërtesa e Kuvendit, salla C 405, ora 11:00)

- Ministria e Mjedisit dhe Planifikimit Hapësinor në bashkë organizim më MASHT, Universitetin e Prishtinës, komunën e Dragashit, OJQ- të mjedisore  do të shënojnë Ditën Ndërkombëtare të Biodiversitetit. (Kampingu “Limth”, në hapësirat e Parkut Kombëtar “Sharri”, komuna e Dragashit, ora 12:00)

- Në shenjë nderimi dhe respekti për të rënët dhe të gjithë ata që përjetuan masakrën në burgun e Dubravës më 1999 mbahet tubimi përkujtimor për shënimin e 20 vjetorit të kësaj masakre. (Hapësirat e burgut të Dubravës, ora 12:00)

- Zyra e Koordinatores Zhvillimore të OKB-së, së bashku me Komunën  e Obliliqit dhe Let’s do it Kosova organizojnë aktivitet të mbjelljes së fidanëve në Ditën Ndërkombëtare të Biodiverzitetit. (Banesat e Plemetinës në fshatin Plemetinë, Komuna e Obiliqit, ora 14:00)

- Kuvendi i Republikës së Kosovës organizon Ditët e Kuvendit me qytetarët e Lipjanit. (Kuvendi Komunal i Lipjanit, orën 14:00)