27 Shkurt 2020

UPZ lidhë marrëveshje bashkëpunimi me Universitetet e Tiranës

Prizren, 27 shtator  - Universiteti “Ukshin Hoti” në Prizren ka arritur marrëveshje bashkëpunimi me Universitetin Shtetëror të Tiranës dhe Universitetin Evropian të Tiranës. Marrëveshje përkatëse është lidhur të enjten gjatë vizitës që ka zhvilluar Rektori Temaj dhe Prorektori Nimani me bashkëpunëtorë në Tiranë, në takime të ndara. 

Universitetet do të zhvillojnë bashkëpunim në fushën e arsimit, kërkimit dhe fushat e tjera të interesit të dyanshëm, të vendosin projekte kërkimore të përbashkëta dhe të kryejnë raportet e përbashkëta, të përfshijë punonjës akademik nga pala tjetër në aktivitete kërkimore, të organizojnë së bashku kërkime akademike rreth temave të përcaktuara më parë, shkëmbejnë informacione akademike, organizojnë kurse të përbashkëta afatshkurta dhe me afat të gjatë dhe seri leksionesh mbi tema të përcaktuara më parë, të shkëmbejnë eksperienca rreth procesit të mësimdhënies dhe metodave në mënyrë që të përmirësohet eficenca e studimit, të shkëmbejnë studentë për kurse apo praktika, etj..

Palët mund të organizojnë programe diplomimi për specialist dhe për diploma masteri, dhe gjithashtu borde vlerësimi të rëndësishme për përgatitjen dhe mbrojtjen e disertacionit të doktoraturës. Palët mund të shkëmbejnë anëtarë të fakulteteve për studimet e post-doktoraturës sipas parimit të reciprocitetit.

Rektori i Universitetit “Ukshin Hoti” në Prizren, Prof. Asoc. Dr. Ismet Temaj, e ka vlerësuar lartë arritjen e këtyre marrëveshjeve të bashkëpunimit, duke theksuar se do të shkojnë në funksion të arritjes së objektivave për bashkëpunim konkret me universitetet në regjion dhe më gjerë.

Prof. Dr. Mynyr Koni , Rektor i Universitetit Shtetëror të Tiranës dhe Prof. Dr. Nevila Nika, rektor i Universitetit Evropian të Tiranës, po ashtu e vlerësuan lartë arritjen e kësaj marrëveshje dhe theksuan se kjo marrëveshje shkon në kuadër të arritjen e interesave të përbashkëta në fushën e arsimit të lartë.

Gjatë vizitën delegacioni nga UPZ vizitoi edhe Ambasadën e Republikës së Kosovës në Tiranë, ku u takuan me Sekretarin e kësaj ambasade, z. Adem Sallauka, i cili ka shërbyer si Sekretar i Përgjithshëm i UPZ kohë më parë. 

Kalendari

Ngjarjet e datës 27 shkurt 2020 - Kryeministri Albin Kurti pret në takim Komandantin e KFOR-it, Michele Risi. Ndërtesa e Qeverisë, ora 8:40 - vetëm pamje)

- Shefja e Zyrës së Bashkimit Evropian në Kosovë, Nataliya Apostolova do të marrë pjesë në eventin përmbyllës të projekti të BE-së për mbështetjen e shërbimeve korrektuese dhe sprovuese të Kosovës, i cili do të mbahet në Prishtinë. (Hotel Emerald, ora 9:00)

- Nën organizimin e Sindikatës së Pavarur të Sektorit Privat të Kosovës, punëtorët e sigurimit fizik të Rektoratit të Universitetit të Mitrovicës do të protestojnë për shkeljet e tyre ligjore nga ana e kompanisë e cila edhe pse është vërtetuar që ju ka borxh punëtorëve asaj nuk i intereson kjo. (Para Rektoratit të Universitetit të Mitrovicës, ora 10:00)

- Mbahet  seanca e Kuvendit të Komunës së Gjilanit. (Salla e mbledhjeve të Kuvendit të Komunës së Gjilanit, (ish objekti i gjykatës. ora 10:00)

- Kryeministri Albin Kurti pret në takim zëvendës presidentin e Parlamentit Evropian, Rainer Wieland. (Ndërtesa e Qeverisë, ora 10:00 - vetëm pamje)

- Koalicioni i OJQ-ve për Mbrojtjen e Fëmijëve në partneritet me rrjetin Kraeeyn organizon konferencën për publikimin e “Politikës rekomanduese për zhvillimin në fëmijërinë e hershme”. (Hotel Sirius, ora 10:00)

- Mbahet mbledhja e rregulltë e Kuvendit Komunal të Mitrovicës. (Salla e Kuvendit të Komunës së Mitrovicës, ora 10:00)

- Zyra e Bashkimit Evropian në bashkëpunim me komunën e Prishtinës do ta përuroj çerdhen në lagjen Kalabria në Prishtinë. (Lagjja Kalabria, ora 10:30)

-  OJQ-së Aktiv bën prezentimin e letrës ‘Vlerësimi i të drejtave dhe lirisë në komunitetet Serbe të Kosovës’, mbështetur nga Qendra Ndërkombëtare Olof Palme. (Hotel Sirius, ora ora 11:00)

- Komisioni për Integrim Evropian bën shqyrtimin e draft-planit të punës së komisionit për vitin 2020. (Ndërtesa e Kuvendit, salla N 204, ora 11:00)

- Kryetarja e Kuvendit të Kosovës, dr. Vjosa Osmani, pret në takim nënkryetarin e Parlamentit Evropian, Rainer Wieland, (Kabineti i kryetares Osmani, ora 11:30 - vetëm pamje)

- Nënkryetari i Komunës së Gjilanit, Arbër Ismajli, me bashkëpunëtorët pret në takim zëvendësministren e Arsimit, Sportit dhe Rinisë të Shqipërisë, Lorena Haxhiu. (Zyra e kryetarit, ora 13:30)

- Mbahet mbledhja e Qeverisë së Republikës së Kosovës. (Ndërtesa e Qeverisë, ora 16:00)

- Fondacioni Shtatëmbëdhjetë organizon hapjen e Ekspozitës INFRARED: Additions në Fushë Kosovë. (Rr. e Pejës të rrethi në Fushë Kosovë, ora 18:00)