24 Maj 2019

Universitetet publike kanë rënë nga provimi i transparencës

Prishtinë, 27 shkurt - Organizata për Rritjen e Cilësisë në Arsim (ORCA) sot ka publikuar një hulumtim për të gjitha universitetet publike të Kosovës.

 Në një tryezë ku morën pjesë akterë të ndryshëm nga fusha e arsimit të lartë, ORCA ka prezantuar të gjeturat e hulumtimit “Transparenca formale e universiteteve publike – Universitetet në provim”.

ORCA në këtë hulumtim ka grumbulluar të dhëna mbi ekzistencën e 27 dokumenteve nga universitetet publike, të cilat përbëjnë informacionin më bazik rreth funksionimit të tyre. Të dhënat janë grumbulluar nga ueb faqet zyrtare të 7 universiteteve publike të vendit.

Në kuadër të hulumtimit ne kemi arritur ta bëjmë indeksimin e transparencës në kontekstin e shpjeguar dhe kemi arritur që këtë indeksim t’ia përshtatim sistemit të notimit në arsimin e lartë në vendin tonë. Asnjë nga universitetet publike nuk ka marrë notën 10 e as 9.

Universiteti i Prishtinës prinë në listën e rezultateve me notën 8. Ky pasohet nga Universiteti i Pejës, i Mitrovicës dhe ai i Prizrenit me notën 7.

Universiteti i Gjilanit është në kufi të kalueshmërisë me notën 6. Ndërkaq Universiteti i Ferizajt dhe ai i Gjakovës kanë rënë nga provimi.

Nga të gjeturat është kuptuar se në shumicën e universiteteve publike mungojnë rregulloret që kanë të bëjnë me zgjedhjen e stafit akademik dhe për të ardhurat financiare të stafit.

Shqetësim serioz sipas ORCA-s mbetet mospërditësimi, ashtu edhe mungesa e dokumenteve të mëhershme sidomos të vendimeve të Senatit, Këshillit Drejtues dhe të Rektorit.

Në tryezën e organizuar sot ka folur edhe drejtori i Organizatës Çohu, Arton Demhasaj, i cili ka prezantuar disa nga hulumtimet e Çohut për politizimin e universiteteve publike.

Pjesëmarrësit tjerë që kanë përfshirë deputetë nga komisioni parlamentar për arsim, dhe kryetari i Këshillit Shtetëror të Cilësisë, po ashtu kanë shfaqur shqetësimet e tyre për transparencën dhe problemet tjera në këto universitete.

Në tryezë ishin të ftuar përfaqësues nga të gjitha universitetet publike, por vetëm Universiteti i Prishtinës ka pranuar ftesën dhe ka marrë pjesë në diskutim. 
 

Kalendari

Ngjarjet e datës 24 maj 2019 - Nisin punimet për rregullimin e rrugës kryesoret të qytetit të Deçanit Rrugës së  Qendrës konkretisht rrugës 'Luan Haradinaj' dhe 'Dëshmoret e Kombit'. (Në afërsi të pikës së karburantit Agonisi Gas në Carrabreg, ora 10:00)

- Mbahet mbledhja e komisionit për Mbikëqyrjen e Financave Publike në të cilën do të behët shqyrtimi i Raportit të Auditimit për raportet financiare dhe atyre të deklarimit financiar të subjekteve politike për vitin 2017. (Ndërtesa e Kuvendit, salla N 302, ora 10:00)

- Kryeministri Ramush Haradinaj merr pjesë në ceremoninë e fillimit të punimeve të rrugës së qytetit të Deçanit. (Sheshi i qytetit në Deçan, ora 10:00)

- Drejtori i Zyrës për Rritje Ekonomike i USAID-it në Kosovë, Brian Martalus, do të mbajë një fjalim në hapjen e Konferencës Ekonomike të Diasporës Shqiptare nga Evropa - B2B. (Hotel Emerald, ora 10:00)

- “Let’s Do It” mban aksion pastrimi në disa fshatra të Hasit, me moton “Për një Has të pastër”. (Fshati Gjonaj tek Ura e Drinit të Bardhë, ora 10:00)

- Drejtoresha e misionit të USAID-it Lisa Magno do të flasë me rastin e prezantimit të gjashtë video udhëzuesve për e-prokurim. (Hoteli Swiss Diamond, ora 10:00)

- Mbledhja e komisionit Ad-hoc për përmirësimin dhe forcimin e procesit zgjedhor në të cilën do të behët shqyrtimi i kërkesës së Grupit për Studime Juridike dhe Politike për pjesëmarrje në Grupin Këshillëdhënës. (Ndërtesa e Kuvendit, salla N 303, ora 10:00)

- Kryeministri Ramush Haradinaj me rastin e përvjetorit të rënies së 16 dëshmorëve të Batalionit Gardist “Shkëlzen Haradinaj” bën homazhe në Kompleksin Memorial “Dëshmorët e Kombit” në Gllogjan. (Kompleksi Memorial “Dëshmorët e Kombit” në Gllogjan, ora 11:00)

- Programi i Kombeve të Bashkuara për Zhvillim, Ministria e Punëve të Brendshme dhe Policia e Kosovës do të shënojnë së bashku Ditën Ndërkombëtare të Grave për Paqe dhe Çarmatim me një konferencë shtypi. (Ambientet e UNDP-së, ora 11:00)

- Kryeministri Ramush Haradinaj me rastin e përvjetorit të rënies së 16 dëshmorëve të Batalionit Gardist “Shkëlzen Haradinaj” bën homazhe në Fshatin Kodrali. (Fshati Kodrali, ora 11:30)

- Presidenti i Republikës së Kosovës, Hashim Thaçi, merr pjesë në Akademinë Përkujtimore për heroin Abdullah Tahiri. (Teatri Kombëtar i Kosovës, ora 12:00)

- Prokuroria Themelore e Pejës organizon konferencën për media ku temë diskutimi do jetë ngritja e dhjetëra aktakuzave për rastin e njohur në opinionin publik si “veteranët e rrejshëm”. (Objekti i Prokurorisë Themelore të Pejës, rruga “Hasan Cermaxhija”. ora 12:00)

- 44 nxënës nga klasa 7 deri në klasën 9, nga të gjitha regjionet e Kosovës do të takohen për të garuar në finalen e garës së tretë vjetore të gërmëzimit.  (Biblioteka kombëtare, ora 13:15)

- Ministria e Kulturës, Rinisë dhe Sportit organizon ceremoninë e ndarjes  së çmimeve “Nikete Dardani”. (Kabineti i Ministrit të Kulturës, ora 13:30)

- Organizuar nga Ministria e Diaspores dhe Investimeve Strategjike dhe Rrjeti i Bizneseve të Diasporës Shqiptare mbahet konferenca ekonomike e diasporës shqiptare nga Evropa më B2B. (Hotel Emerald, ora 20:00)

- Kryeministri Ramush Haradinaj merr pjesë në Konferencën Ekonomike të Diasporës Shqiptare nga Evropa, organizuar nga Ministria e Diasporës dhe Investimeve Strategjike dhe Rrjeti i Bizneseve të Diasporës Shqiptare. (Hotel Emerald, ora 20:00)