20 Nëntor 2017

Ulrike Lunacek viziton programin e edukimit qytetar 'Demos-ti'

Prishtinë, 31 tetor - Organizata Kosovare për Talent dhe Arsim - TOKA ka bërë të ditur së përfaqësuesja e Parlamentit Evropian Ulrike Lunacek do ta vizitojë programin e edukimit qytetar ‘Demos-ti’.

Ky program është nisur para 10 vjetëve në Parlamentin Austriak dhe pas implementimit në Mal të Zi, tashmë ka dy vjet që është aktiv në Kosovë.

Programi ‘Demos-ti’ realizohet në kuadër të Planit të Kuvendit të Kosovës për Hapje dhe Transparencë Parlamentare. Ai përkrahet nga Fondacioni ERSTE dhe implementohet nga OJQ TOKA.

Në kuadër të programit ‘Demos-ti’, nxënësit e klasave 5-9 të shkollave anembanë Kosovës kanë mundësinë që të mësojnë në mënyrë interaktive për demokracinë dhe institucionet demokratike në Kosovë, të vizitojnë Kuvendin dhe të prodhojnë një gazetë ose video me atë se çka kanë mësuar (këtu mund t’i gjeni videot dhe gazetat e publikuara deri më tani).

Mbi 5,000 nxënës nga më se 45 shkolla të 12 komunave të Kosovës kanë qenë mysafirë të Kuvendit në kuadër të programit ‘Demos-ti’, shumë prej të cilëve kanë aplikuar për të marrë pjesë më shumë se një herë.

Kujdestari i klasës VII-1 Dëfrim Piraj nga shkolla fillore "Halil Alidema" në Pozheran të Vitisë ka theksuar: ’Demos-ti’ i shkëput nxënësit nga aktivitetet rutinore dhe i fut ata në një horizont të të menduarit ndryshe, duke u krijuar një vetëbesim më të madh në raport me vlerat e tyre dhe kapacitetet e intelektit të tyre.  

Në kuadër të këtij programi, nxënësit kanë mundësi herëpasherë të intervistojnë përfaqësues të institucioneve nga Kosova dhe jashtë saj. Nesër, nderin ta takojnë znj. Lunacek dhe t’i bëjnë pyetje rreth demokracisë do ta kenë nxënësit e klasës së V-të nga fshati Dobërllukë në Komunë të Prishtinës.  
 

Kalendari

Ngjarjet e datës 20 Nëntor 2017 - Kryeministrit të Republikës së Kosovës, Ramush Haradinaj dhe Kongresmeni Amerikan në Kosovë, Eliot Engel, bejnë homazhe tek Pllaka përkujtimore për viktimat hebraike në Kosovë. (Oborri i Qeverisë së Kosovës, ora 7:45)

- Lansohet Fondacioni Kosovar i Mileniumit entitet ky i cili do t'i implementoj projektet e agjensionit federal amerikan MCC në Kosovë. (Swiss Diamond Hotel, ora 9:30 - mediat duhet te vendosin kamerat, ora 8:00)

 - Me rastin e vizitës së Kongresmenit Amerikan në Kosovë, Eliot Engel, Qeveria e Kosoves mban mbledhje solemne. (Ndërtesa e Qeverisë, ora 8:00 - Mediat mund të marrin pamje dhe të përcjellin mbledhjen solemne nga Press Qendra)

- Kryeministrit të Republikës së Kosovës, Ramush Haradinaj dhe Kongresmeni Amerikan në Kosovë, Eliot Engel mbajne konferencën e përbashkët për shtyp e Kryeministrit Haradinaj dhe Kongresmenit Engel. (Ndërtesa e Qeverisë, ora 9:00)

- Asociacioni i Gazetarëve të Kosovës mban konferencë ku do të prezantojë raportin e dytë në lidhje me lirinë e mediave dhe sigurisë së gazetarëve. (Orion Conference Centre, ora 10:00)

- Ministri i Arsimit, Shkencës dhe Teknologjisë, Shqyri Bytyqi do të marrë pjesë në Konferencën përmbyllëse të Javës kundër braktisje së shkollimit, me moton “Mundësi të barabarta në arsim për të gjithë”. (Ndërtesa e MAShT, ora 10:00)

- Kryeministri Ramush Haradinaj merr pjesë në konferencën për lansimin e fondacionit Sfidat e Mileniumit në Kosovë. (Hotel Swiss Diamond, ora 10:00)

- Me rastin e Ditës së Konventës Ndërkombëtare për të Drejtat e Fëmijës, Zyra e UNICEF në Kosovë, Save the Children dhe Koalicioni i OJQ-ve për Mbrojtjen e Fëmijëve - KOMF, organizojnë marshin e fëmijëve për të drejtat e tyre. (Sheshi Zahir Pajaziti, ora 10:00)

- Me rastin e Ditës së Konventës Ndërkombëtare për të Drejtat e Fëmijës në Kuvendin e Kosovës do të mbahet seancë e drejtuar nga fëmijët, me temën “Fëmijët udhëheqin Kuvendin”. (Salla e mbledhjeve plenare, ora 10:30)

- Hapet foto ekspozita me 140 fotografi nga dëbimi masiv me dhunë i shqiptarëve nga Toplica apo Sanxhaku i Nishit në vitin 1877/ 1878. (Muzeu i Kosovës, ora 11:00)
 
- Ministri i MTI-së, Bajram Hasani do ta pretë në takim zëvendëskryeministrin e Shqipërisë, Senida Mesi, me bashkëpunëtorë. (Ndërtesa e MTI-së, ora 12:30)

- Fakulteti i Edukimit ne Prishtinë organizon konferencën përfundimtare të Projektit Tempus të mbështetur nga Bashkimi Europian “Modernizimi i Përgatitjes së Mësimdhënësve në Universitetin e Prishtinës”. (Fakulteti i Edukimit, ora 13:00)

- Universiteti “Kadri Zeka”në Gjilan për herë të parë do të fillojë me studimet Master ku do te organizoj hapja  solemne e studimeve Master. (Objekti i Universiteti te Gjilanit, ora 14:00)

- Mbahet mbledhja e Kryesisë së Kuvendit me kryetarët e grupeve parlamentare. (Ndertesa e Kuvendit, salla  C-301, ora 15:00)

- Përfaqësuesi në Kongresin e SHBA-së, Eliot Engel do ta vizitojë fabrikën e paneleve solare “Jaha”. (Fabrika e paneleve solare “Jaha” afër aeroportit Adem Jashari, ora 15:15)

- Kryeministri Haradinaj pret në takim Jonathan Nash, kryeshef ekzekutiv i MCC. (Ndërtesa e Qeverisë, ora 16:00 - Mediat mund të marrin pamje dhe pas takimit do të ketë konferencë për shtyp)

- Hapet ekspozita retrospektive e Halil Muhaxherit “Në shqetësime dhe heshtje”. (Galeria Kombëtare e Kosovës, ora 19:00)