07 Korrik 2020

Studentët kanë nevojë për punë praktike në bizneset e anamoravës

Gjilan, 15 tetor - Fakulteti Ekonomik i Universitetit Publik të Gjilanit “Kadri Zeka” në Gjilan, ka organizuar një takimin me  përfaqësues të Biznese që veprojnë në anamoravë, ku u diskutua për të ardhmen e Fakultetit (programet studimore) dhe mundësitë e bashkëpunimit dhe praktikës për studentët.

Fillimisht Dekani i Fakultetit Ekonomik Xhevat Sopi, ka falënderuar pjesëmarrësit në takim  që ishin përfaqësues të bizneseve që veprojnë në Gjilan, derisa para tyre ka prezantuar hulumtimin e bërë  me rreth 130 studentë të diplomuar të UKZ-së për të parë se si e kanë gjetur ata veten  ne tregun e punës pas studimeve,  dhe po ashtu prezantoi draft planin për programet e reja studimore.

Kryetar i Bordit Industrial të Universitetit “Kadri Zeka” Xhelal Selimi, në fjalën e tij tha se bizneset e anamoravës duhet të paraqesin interesimin e tyre dhe t’i drejtohen Universitetit për  kërkesat  e studentëve për punë praktike, sepse siç tha ai, për bizneset është shumë e rëndësishme të kenë të sofistikuar teknologjinë e të cilën studentët e UKZ-së e njohin sepse e kanë studiuar shumë mirë.

Edhe përfaqësuesit tjerë të bizneseve  theksuan se Universiteti “Kadri Zeka” në Gjilan ka programe të mira të studimit, mirëpo sipas tyre studentët  kanë nevojë për punë praktike në mënyrë që të përvetësojnë njohuritë e fituara gjatë kohës së studimit, që do të thotë se ata duhet të dinë nga afër punën e prodhimit, zhvillimit dhe gjithçka tjetër që lidhet me prodhimin.

Gjatë takimit të pranishmit pas disa diskutimeve,  bënë sugjerimet e tyre për atë çfarë mund të përmirësojë UKZ në vazhdim.

 

Kalendari

Ngjarjet e datës 7 Korrik 2020 - Dr. Basri Sejdiu do të mbajë konferencë për media lidhur me vendimin e Bordit Drejtues për shkarkimin nga detyra e drejtorit të përgjithshëm të SHSKUK. (QKUK, ora 11:00)

- Ministri i Drejtësisë Selim Selimi do të vizitoje Komunën e Prishtinës. (Ndërtesa e Komunës së Prishtinës, ora 11:00)

- Kryetari i Sindikatës së Pavarur të Sektorit Privat të Kosovës, Jusuf Azemi do të mbaj takim me Ministren e financave, znj. Hikmete Bajrami me të cilën do të bisedoj lidhur me pagesën e pagave të  punëtorëve nga pakoja emergjente, tërheqjen e mjeteve për punëtorë nga fondi i kursimeve si dhe eliminimin e gabimeve teknikeve gjatë  aplikimit për pakon fiskale emergjente. (Kabineti i ministres Bajrami, ora 11:00)

- Kryetari i Sindikatës së Pavarur të Sektorit Privat të Kosovës, Jusuf Azemi pas takimit me Ministren e financave, znj. Hikmete Bajrami do të mbaj konferencë për shtyp, ku do të ju njoftojë lidhur me këtë takim. (Zyret e Sindikatës në objektin e ish Gërmisë, ora 11:45)

- Lëvizja Vetëvendosje! mban konferencë për media në të cilën flet nënkryetari Besnik Bislimi. (Zyret e LV-së në Arbëri, ora 12:00)

- Ministri i Drejtësisë, Selim Selimi, do të  mbajë konferencë për media për Kodin Civil. (Holli i Ministrisë së Drejtësisë, ora 14:00)

- Organizatat e dala nga Lufta e UÇK-së dhe Shoqata e ish të Burgosurve Politik, që janë Këshill Organizues i Protestave mbajnë sot konferencë për medie. (Selia qendrore e Organizatës së Veteranëve të Luftës së UÇK-së në Prishtinë, ora 14:00)

- Me hapjen e ekspozitës multimediale në hapësirat e SENSE Qendrës në Pulë, Qendra për Drejtësi Tranzicionale në bashkëpunim me Fondin për të Drejtën Humanitare Kosovë nisin kampanjën me titull: Srebrenica 25: Së bashku kundër virusit të mohimit në ditën kur në vitin 1995 ka rënë Srebrenica. (Transmetim direkt livestream http://srebrenica.sensecentar.org, ora 17:00)

- Komuna e Rahovecit mban dëgjim publik me banorët të fshatrave Malësi e Vogël dhe Gexhë. (Objekti i Shkollës Fillore të Mesme të Ulët “Skender Kastrati” në fshatin Malësi e Vogël, ora 19:00)

- Komuna e Rahovecit mban dëgjim publik me banorët të fshatrave Ratkoc, Dejnë, Vrajak dhe Bratotin. (Objekti i Shkollës  Fillore të Mesme të Ulët “4 Dëshmorët” në fshatin Ratkoc, ora 20:00)