21 Tetor 2018

SPSP paralajmëronë protestë nëse nuk paguhen pagat për punëtorët teknikë

Prishtinë, 7 nëntor - Sot kryetari i Sindikatës së Pavarur të Sektorit Privat të Kosovës (SPSP) Jusuf Azemi me bashkëpunëtorë pati takim me Muhedin Nushin zv. Kryetarin e Komunës së Prishtinës .

Sindikata e Pavarur të Sektorit Privat të Kosovës ka paralajmëruar protestë të punëtorëve teknikë të gjashtë shkollave në Prishtinës, nëse deri në datën 9 nëntor ata nuk i marrin pagat e tyre.

Kjo është bërë e ditur pas takimit që kryetari i kësaj sindikate Jusuf Azemi pati sot me Muhedin Nushin, zv/kryetar i Komunës së Prishtinës.

“Pas bisedave me nënkryetarin e komunës dhe përfaqësuesit të kompanisë, do të pritet ekzekutimi i pagave deri më datën  9 nëntor, dhe nëse edhe pas kësaj nuk do të paguhen pagat, atëherë të premten nga ora 11:00 deri në 12:00 do të protestohet para Komunës së Prishtinës”, thuhet në komunikatë.

Nëse edhe pas datës 10  nëntor nuk do të ketë paga, atëherë punëtorët teknikë të gjashtë shkollave në Prishtinë do të hyjnë në grevë më 14 nëntor.

Kalendari

Ngjarjet e datës 21 tetor 2018

- Shoqëria Civile e Ferizajt organizon MiniMaratonen 5 km "Vrapo për Tetorin" e cila mbahet për tu sensibilizuar me të gjitha vajzat dhe gratë që janë të prekura me kancer të gjirit, dhe të gjitha mjetet e grumbulluara nga ky event do të dhurohen për shërimin e tyre. (Ferizaj, ora 10:00)

- Dita e tretë e Festivalit të Rakisë vazhdon me punëtorin kreative, pjekja tradicone dhe bashkekohore e rakisë, cilësia dhe shija, krijimi i një brendi të rakisë, krijimi i një tregu të përbashkët. (Etnokompleksit të fshatit Kukaj, ora 12:00)

- Lëvizja Vetëvendosje mban konferencë për media. (Zyrat e Vetëvendosjes, ora 13:00)