13 Gusht 2020

SBAShK-u përkrah Garën e Diturisë

Prishtinë, 8 maj - Përveç partnerëve strategjik, Ministrisë së Arsimit, Shkencës dhe Teknologjisë, Ministrisë së Kulturës, Rinisë dhe Sportit, përkrahje të vazhdueshme për implementimin e Programit Nacional për Rininë po ofron edhe Sindikata e Bashkuar e Arsimit, Shkencës dhe Kulturës.

Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti, është takuar sot me Kryetarin e SBAShK-ut, Rrahaman Jasharaj, me të cilin biseduan për Garën e Diturisë e cila do të realizohet në kuadër të Programit Nacional për Rininë.

Koordinatori Hoti e njoftoi kryetarin Jasharaj për ecurinë e përgatitjeve për Garën e Diturisë dhe e falënderoi atë për mbështetjen që po ofron në implementimin e Programit Nacional për Rininë.

“Gara e Diturisë është pjesë e Programit Nacional për Rininë i paraparë për të gjithë nxënësit e Republikës së Kosovës. Jemi në përfundim të përgatitjeve për Garën e Diturisë e cila do të mbahet ditën e shtunë më 11 maj 2019. Ju falënderoj juve për mbështetjen e dhënë për garën e Kreativitetit Kulturor dhe Mendimit Kritik ashtu edhe për Garën e Diturisë”, tha Hoti.

Ndërsa, Kryetari  i SBAShK-ut Jasharaj, ritheksoi përkrahjen e sindikatës që përfaqëson për Programin Nacional për Rininë dhe tha se Gara e Diturisë do të kontribuoj në rritjen e cilësisë së arsimit në vend.

Gara e Diturisë është pjesë e Programit Nacional për Rininë dhe do të organizohet në tri nivele: në nivelin shkollor, komunal dhe republikan. Fituesit e vendeve të para në nivelin shkollor, për secilën lëndë, për secilën gjeneratë do të garojnë në nivelin komunal, pastaj vendet e para të këtij niveli do të garojnë për fituesin e nivelit republikan.​


 

Kalendari

Ngjarjet e datës 13 Gusht 2020

- Komandanti i Forcës së Sigurisë së Kosovës, Gjenerallejtënant Rrahman Rama raporton para Komisionit për Çështje të Sigurisë dhe Mbrojtjes. (Ndërtesa e Kuvendit, salla N10, ora 9:00)

- Vazhdimi i seancës plenare të Kuvendit të Republikës së Kosovës. (Salla e Kuvendit, ora 10:00)

- Ministrja e Kulturës, Rinisë dhe Sportit, Vlora Dumoshi, viziton Komunën e Deçanit. (Objekti i Komunës se Deçanit, ora 10:00)

- Ministri i Infrastrukturës, Arban Abrashi, do të nënshkruaj memorandum bashkëpunimi për financimin e projekteve infrastrukturore me kryetarin e komunës së Istogut, Haki Rugova. (Komuna e Istogut, ora 10:00)

- Policia e Kosovës organizon ceremoninë e prerjes së shiritit të objektit të Stacionit Policor për Mbikëqyrje të Kufirit në Radavc ku pjesëmarrës do të jenë Drejtori i Përgjithshëm i PK-së, përfaqësues të ICITAP-it Amerikan dhe personalitete të larta vendore, përfshirë epror të PK-së. (Radavc, rruga Vitomiricë - Kullë, ora 11:00)                                              

- Drejtoria e Shëndetësisë e Komunës së Prizrenit do të bëjë hapjen e pjesës së renovuar të QKMF-së, ku do të punojë ndërrimi i tretë ku i pranishëm do të jetë kryetari i Komunës së Prizrenit, Mytaher Haskuka dhe drejtoresha e DSH-së, Narqize Arënliu Hoxhaj. (QKMF në Prizren, ora 12:00)