21 Maj 2019

SBASHK: Blerim Syla e Ndue Kalaj telallë te Ministrit Hamza

Prishtinë, 5 qershor - Sindikata e Bashkuar e Arsimit, Shkencës dhe Kulturës e Kosovës (SBASHK) ka deklaruar se e ka dituar se Ministri Hamza do të dalë kundër Ligjit për statusin e punëtorëve të arsimit shqip të Republikës së Kosovës për vitet e 90-ta , jo për ato që po i thotë tani kudo që po i krijohet mundësia, por më shumë për arsye se  SBASHK-u  nuk pranoi  kërkesën e tij që të ndërpritej greva njëditore e 12 marsit dhe veprimet tjera sindikale. 

Ministri Hamza sipas SBASHK e nisi kështu kundërshtimin ndaj këtij ligji dhe tani nuk e lë inati ta ndryshojë qëndrimin e tij, por SBASHK-un më shumë  se  veprimet e këtij ministri, i ka habitur paraqitja e dy udhëheqësve sindikalë, të cilat duke fshehur mospunën e tyre para anëtarësisë, nuk po lënë gurë pa rrotulluar kundër këtij projektligji, i cili u votua  pas leximit të parë nga shumica e deputetëve shqiptarë dhe SBASHK-u është i sigurt se këta deputetë në shenjë respekti për sakrificën sublime për punëtorëve të arsimit shqip  në vitet e okupimit  do ta votojnë këtë Projektligj edhe pas leximit të dytë dhe kështu do ta shprehin respektin për ata  pishtarë të dijes , të cilët e mbrojtën dritën kundër errësirës.

SBASHK thekson se Blerim Syla në emër të   Federatës sindikale të shëndetësisë dhe Ndue Kalaj në emër të  sindikatës së administratës publike kanë shkuar edhe më larg kundër këtij Projektligji dhe u kanë dërguar shkresa Qeverisë dhe Deputetëve me  kërcënimin se do të ngritin padi   ndaj tyre në gjykata po u bë ky Projektligj  për  pishtarët të dijes.

SBASHK-u është i sigurt se anëtarët e këtyre dy federatave  nuk mendojnë si Syla e Kalaj sepse ata çmojnë lartë kontributin e mësimdhënësve shqiptarë në vitet e 90-ta kur të përballur me furtunat dhe dhunën e pushtuesit nuk e ndalën mësimin për as edhe një ditë dhe se edhe kur dëboheshin dhunshëm nga objektet shkollore i kthenin shtëpitë në shkolla dhe punonin e lëshonin dokumentacionin me vulën dhe emërtimin Republika e Kosovës.

"Ata që e përjetuan atë kohë të okupimit të rëndë e dinë se kush  e sa u angazhua dhe faktet dhe vetë historia flet se ishte arsimi ai që, jo vetëm i tha jo Serbisë, por edhe vazhdoi me përkushtimin dhe me punën duke mbajtur gjallë shkëndijat e dijes dhe ëndrrën për shtetësinë e Kosovës."

"Kjo qëndresë e punëtorëve të arsimit ka mbetur e gjallë në kujtesën e popullit dhe prandaj individët nuk mund ta mohojnë sakrificën sublime të punëtorëve të arsimit në ato vite", thekson SBASHK.

SBASHK ju kujton Kolegëve Syla e Kalaj se sindikatat virtyt e kanë solidaritetin  dhe i gëzohen arritjeve të cilës do sindikatë.

Aq më shumë sipas SBASHK ata është dashur të shprehin këtë solidaritet sepse është SBASHK-u që me angazhime të mëdha e veprime sindikale, edhe pse e mbetur vetëm në këtë angazhim,   arriti të fitojë të drejtën për 0.5 % për çdo vit shërbimi dhe  frytet e kësaj arritje i  shijuan edhe të gjithë të punësuarit në sektorin publik pa bërë ndonjë angazhim të veçantë për këtë.

"Kujtojmë se kryetari Syla i shëndetësisë ka kohë që është angazhuar edhe kundër Ligjit  për sigurimet shëndetësore, ligj të cilin janë duke e pritur që sa kohë gjithë të punësuarit në Kosovë."

"Syla e   Kalaj për të fituar simpatinë e Ministrit  Hamza janë bërë pjesë e zyrës së tij për informim  dhe i janë bashkuar kundërshtimeve të tij pa as edhe një argument kundër Projektligjit për vitet e 90-ta. "

"Syla e Kalaj kanë shënuar rastin e parë në botë kur  një sindikatë ngritët dhe mundohet të pengojë angazhimin dhe arritjet  e një  sindikate  tjetër. SBASHK-un në përpjekje për realizimin e kërkesave të anëtarësisë dhe realizimit të Ligjit për punëtorët e arsimit të viteve të 90-ta e kanë mbështetur edhe sindikatat simotra nga Ballkani, Evropa dhe e tërë bota duke u dërguar letra edhe Qeverisë dhe institucioneve  tjera me kërkesën që këto kresa të realizohen dhe me dëshminë se SBASHK-u gëzon mbështetjen e fuqishme të tyre", pohon në fund SBASHK. 
 

Kalendari

Ngjarjet e datës 21 maj 2019 - Komisioni Qendror i Zgjedhjeve mban mbledhjen e radhës. (Selia e KQZ-së, ora 9:00)

- Komiteti për Politik dhe Financa i Komunës së Rahovecit mban mbledhjen e pestë të rregullt në të cilen shqyrton Qarkoren e parë buxhetore të Ministrisë së Financave. (Salla e mbledhjeve të Kuvendit të Komunës së Rahovecit, ora 10:00)

- Ministri i Punës dhe Mirëqenies Sociale, Skender Reqica dhe Avokati i Popullit raportojnë para komisionit për të Drejtat e Njeriut, Barazi Gjinore, për Persona të Pagjetur dhe Peticione lidhur me çështjen e statusit të personave të plagosur në Kosovë, para periudhës së luftës. (Ndërtesa e Kuvendit, salla N 302, ora 10:00)

- Forumi Ekonomik Mbarëkombëtar, në mbështetje të Klubit të Prodhuesve të Kosovës, Dhomës së Tregtisë dhe Industrisë në Tiranë, Odës Ekonomike të Kosovës dhe Bashkimit të Prodhuesve Shqiptarë organizon konferencën “Mundësitë dhe sfidat e marrëdhënieve tregtare Kosovë- Shqipëri”, konferencë kjo e cila do të adresojë problemet dhe barrierat tregtare që prodhuesit e dy të dy vendeve janë duke i hasur. (Hotel Tirana International në Tiranë, ora 10:30)

- “Let’s Do It” organizon aksion për pastrimin e deponisë më të madhe në Rajonin e Pejës, në fshatin Dydesh. (Fshati Dydesh, ora 10:30)

-  Projekti “Mbështetja e Komunikimit të Procesit të Integrimit Evropian”, I financuar nga Zyra e Bashkimit Evropian në Kosovë, në bashkëpunim me Ministrinë e Integrimit Evropian, organizon panel diskutimime temën: Prodhimi vendor dhe tregu i BE-së. (Ndërtesa e Kuvendit Komunal të Kamenicës, ora 10:30)

- Mbahet seancë e veçantë e Kuvendit të Republikës së Kosovës në të cilën do të përkujtohet 20 vjetori i Masakrës në Burgun e Dubravës. (Kuvendi i Kosovës, ora 11:00)

- Ministri i Mjedisit dhe Planifikimit Hapësinor, Fatmir Matoshi do të pres në takim kryetarët e komunave: Prizren, Podujevë, Shtërpc, Obiliq dhe Novobërdë, me të cilët do të nënshkruajë Memorandume të Bashkëpunimit për realizimin e disa projekteve mjedisore të cilat financohen nga Ministria e Mjedisit dhe Planifikimit Hapësinor. (Kabineti i Ministrit Matoshi, ish objekti Rilindja, kati 17, ora 11:00)

- Kryetari i komunës së Istogut, Haki Rugova pret në takim zëvendës ambasadorin bullgar në Kosovë ku do të bëje nënshkrimin e një marrëveshjeje për financimin e një projekti në qerdhën “Gëzimi Ynë” në Istog. (Zyra e krytarit Rugova, ora 11:30)

- Mbahet mbledhja e komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të votohet vendimi i Qeverisë me të cilin autorizohet Komisioni Qeveritar për Privatizimin e Ndërmarrjes Publike "Telekomi i Kosovës". (Ndërtesa e Kuvendit, salla N 10, ora 12:00)

- Universiteti “Kadri Zeka” në Gjilan organizon promovimin e katër librave të profesorëve  të Fakultetit të Edukimit ne UKZ: “Poetika e këngës epike historike”  autore Nevrije Bislimi-Ismaili, “As engjëlli, as djall” autor  Merxhan Avdyli, “Kurrikula dhe të menduarit kritik” autor Mensur Neziri dhe libri “Kërkime në leksikun e Pjetër Bogdanit” i autorit Faton Krasniqi. (Salla A34 në Universitetin “Kadri Zeka” në Gjilan, ora 12:00)

- Mbahet mbledhja e komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit në të cilën do të shqyrtohet raportit vjetor i Komisionit Qëndror të Zgjedhjeve për vitin 2018, etj. (Ndërtesa e Kuvendit, salla C 203, ora 13:00)

- Kryetari i Komunës së Prizrenit Mytaher Haskuka do të bëjë përurimin e parkut dhe këndit të lojërave për fëmijë. (Prapa Shtëpisë së Bardhë në Prizren, ora 13:00) 

- Mbahet mbledhja e komisionit për Bujqësi, Pylltari, Zhvillim Rural, Mjedis e Planifikim Hapësinor në të cilën do të shqyrtohet Projektligjit për mbrojtjen e ajrit nga ndotja. (Ndërtesa e Kuvendit, salla N 303, ora 13:00)

- Ministri i Infrastrukturës dhe Transportit Pal Lekaj merrë pjesë në përurimin e urës së fshatit Topanicë, komuna e Kamenicës. (Fshati Topanicë, rruga Crep - Kamenicë, kilometri i parë, ora 15:00)

- Mbahet Akademi përkujtimore në nderim të 20 vjetorit të rënies së dëshmorëve Kemal Thaqi e Ekrem Gudaqi dhe martirëve të rënë më 21 maj të vitit 1999, Hanife Jaha, Selvije Krivanjeva, Hanife Gudaqi, Ramush Jaha, Baki Bela, Ibush Rrushi, Ramadan Dashi, Fahri Mani, Bahrije Elezi, Sevdije Guri, Hamdi Dashi, Brahim Dashi dhe Fitim Gudaqi. (Shtëpia e Kulturës “Xheladin Kurtaj” në Kaçanik 16:00)