24 Shtator 2020

Rektorët e Universiteteve Publike diskutojnë për regjistrimin e studentëve

Mitrovicë, 1 korrik - Në Universitetin e Mitrovicës “Isa Boletini” (UMIB), u mbajt të hënën mbledhja e Konferencës së Rektorëve të Universiteteve Publike të Kosovës, ku u bisedua për sfidat dhe problemet aktuale me të cilat përballen këto universitete.

Në mbledhje u shqyrtuan tri pika të rendit të ditës; numri i studentëve që do të regjistrohen në vitin akademik 2019/2020, statutet e përkohshme të katër universiteteve dhe akreditimi institucional.

Sa i përket numrit të studentëve që do të regjistrohen në vitin akademik 2019/20, të pranishmit u pajtuan që t’i drejtohen me një kërkesë ministrit të Arsimit, që të lejohet regjistrimi i studentëve të komuniteteve pakicë dhe atyre jashtë Kosovës mbi numrin e përgjithshëm të lejuar sipas akreditimit.

Kjo u vlerësua si masë e domosdoshme në mënyrë që të mos dëmtohen shumë programe studimore nëpër universitete, duke pasur parasysh se shumë prej kuotave për studentët e komuniteteve dhe atyre jashtë Kosovës nuk plotësohen.

Ndërsa sa i përket statuteve të përkohshme që kanë 4 nga 7 universitet publike, u dakorduan që të krijohet një grup i përbashkët për hartimin e tyre dhe procedimin sa më të shpejtë për miratim në Kuvendin e Kosovës.

U vlerësua se statutet e përkohshme janë duke penguar zhvillimin e këtyre universiteteve, prandaj shtrohet nevoja që sa më shpejtë të miratohen statutet e përhershme.

Në mbledhje u diskutua edhe për shqetësimet në lidhje me rekomandimet e ekspertëve të jashtëm për disa universitete sa i përket akreditimit institucional. 

Për këtë dhe çështje të tjera me rëndësi për universitet është biseduar të hënën edhe në një takim që rektorët kanë zhvilluar me ministrin e Arsimit. 
  

 

Kalendari

Ngjarjet e datës 24 Shtator 2020

- Ministrja e Kulturës, Rinisë dhe Sportit, Vlora Dumoshi viziton Komunën e Ferizajt. (Objekti i Komunës Ferizaj, ora 9:30)

- Në kuadër të Javës së sporti, Federata e Pingpongut në bashkëpunim me Departamentin e sportit të MKRS do të organizoj një aktivitet promovues për pingpongun në Pejë. (Sheshi Dukagjini në Pejë, ora 10:00)

 - Ministrja e Kulturës, Rinisë dhe Sportit, Vlora Dumoshi viziton Mural Fest. (Muralet e qytetit në Ferizaj, ora 10:00)

- Komuna e Prizrenit fillon projektin e Drejtorisë së Shëndetësisë për Kujdesin Geriatrik me ç'rast kryetari i Komunës së Prizrenit, Mytaher Haskuka, nënkryetari i Komunës së Prizrenit, Visar Shehu dhe drejtoresha e Drejtorisë së Shëndetësisë, Narqize Arënliu Hoxhaj do të prononcohen për media. (Nisja do të bëhet nga objekti i Qendrës Kryesore të Mjekësisë Familjare, ora 10:00)

- Mbledhja e komisionit për Shëndetësi dhe Mirëqenie Sociale në të cilën do të shqyrtohet plani i punës së Komisionit për sesionin vjeshtor 2020. (Ndërtesa e Kuvendit, salla N10, ora 10:30)

 - Ministrja e Kulturës, Rinisë dhe Sportit, Vlora Dumoshi merr pjesë në ndarjen e certifikatave për të rinj të trajnuar për ndërmarrësi. (Qendra e Inovacionit në Ferizaj, ora 11:00)

- Zëvendësguvernatori për Mbikëqyrje Financiare, Sokol Havolli dhe Kryetari i Autoritetit Kosovar të Konkurrencës, Valon Prestreshi mbajnë konferencën për media. (Auditoriumi i BQK-së, ora 11:30)

-  Mbahet mbledhja e komisionit për të Drejtat e Njeriut, Barazi Gjinore, për Persona të Pagjetur dhe Peticione në të cilën do të shqyrtohet Projektligji për mbrojtje nga dhuna në familje. (Ndërtesa e Kuvendit, salla N302, ora 13:00)
 
 - Ministrja e Kulturës, Rinisë dhe Sportit, Vlora Dumoshi merr pjesë në aktivitet me misionin e OSBE-së. (Muzeu i Kosovës, ora 14:00)