27 Tetor 2020

Qeveria mbështetë nxënësit e shkollave në Medvegjë, Preshevë dhe Bujanoc

Prishtinë, 21 shtator – Me kërkesë të zëvendësministrit të Ministrisë së Financave Agim Krasniqi, Qeveria e Republikës së Kosovës në mbledhjen e rregullt sot ka miratuar ndarjen e mjeteve financiare për sigurimin e librave për nxënësit e shkollave në Medvegjë, Preshevë dhe Bujanoc.

Me këtë rast zv.ministri Krasniqi bëri të ditur se Këshilli Kombëtar Shqiptar, si institucion i vetëm shtetëror në Serbi, me synim që në mënyrë të organizuar të mbron, ruan dhe avancon identitetin kombëtare shqiptar në këtë shtet, ka paraqitur kërkesë pranë Ministrisë së Financave për mbulimin e shpenzimeve për sigurimin e librave në gjuhën shqipe për nxënësit e komunave të Luginës.

“Duke marrë parasysh rëndësinë e kësaj kërkese, Ministria e Financave ka komunikuar edhe me Ministrinë e Arsimit të Republikës së Shqipërisë për t’u koordinuar dhe bashkë-financuar këtë kërkesë. Si rrjedhojë, jemi pajtuar që kërkesën për mbështetje një vlerë prej 140.000 euro, t’i përgjigjemi në pjesë të barabarta, pra në vlerë prej 70.000, të cilat mjete planifikohen të ndahen nga Rezerva”, shtoi zv.ministri Krasniqi.

Gjithashtu me propozim te zëvendësministrit të Ministrisë së Financave Agim Krasniqi Qeveria ndau mjete financiare për pagesën e faturës së primit bruto të sigurimit për muajin Gusht 2020.

Zëvendësministri Krasniqi, me këtë rast, theksoi se Ministria e Financave në bashkëpunim me akterët tjerë ka nënshkruar Marrëveshjen e Bashkëpunimit për mbulimin e primit të sigurimit bruto. Sipas kësaj marrëveshjeje, të gjitha automjetet dhe motoçikletat që hyjnë në Republikën e Kosovës dhe janë subjekt i rregullimit të kësaj marrëveshjeje, ku Qeveria i mbulon 100% pagesën e primit kufitar.

Në mbledhjen e sotme të Qeverisë me kërkesë të zëvendësministrit Agim Krasniqi u miratua edhe Draft Koncept-dokumenti për Regjistrimin e Popullsisë, Ekonomive Familjare dhe Banesave në Kosovë për vitin 2021.

Draft Koncept - dokumenti sipas zëvendësministrit Agim Krasniqi është në pajtim të plotë me politikat Qeveritare, të përcaktuara në Planin vjetor të Punës së Qeverisë 2020-2023, ku përcaktohen objektivat lidhur me fushën e regjistrimit të popullsisë si dhe është pjesë e listës së Koncept - dokumenteve për vitin 2020.

 

Kalendari

Ngjarjet e datës 27 Tetor 2020 - Komisioni për Çështje të Sigurisë dhe Mbrojtjes diskuton lidhur me zhvillimet në Policinë e Kosovës. (Ndërtesa e Kuvendit, salla N303, ora 10:00)

- Kryetari i Komunës së Prizrenit, Mytaher Haskuka dhe drejtori i Drejtorisë së Bujqësisë dhe Zhvillimit Rural, Agron Limani, do të bëjnë shpërndarjen e motokultivatorëve me frezë, në kuadër të prjektit: “Furnizimi me Mekanizëm Bujqësorë”. (Tek parkingu mbrapa Shtëpisë së Bardhë, ora 10:00)

-  Komisioni për Qeverisje Lokale, Administratë Publike, Zhvillim Rajonal dhe Media shqyrotn interpretimin e ligjshmërisë së përzgjedhjes sē drejtorit gjeneral të RTK-së. (Ndërtesa e Kuvendit, salla N302, ora 10:00)

- Ministri i Ekonomisë dhe Ambientit, Blerim Kuçi, raporton në Komisionin për Ekonomi, Punësim, Tregti, Industri, Ndërmarrësi dhe Investime Strategjike, lidhur me emërimet e fundit në bordet e përkohshme; gjendjen dhe veprimet e Qeverisë në Ndërmarrjen Trepça ShA; për funksionimin dhe operimin e hidrocentraleve. (Ndërtesa e Kuvendit, salla N10, ora 11:00)

- Ministri i Ekonomisë dhe Ambientit, Blerim Kuçi nënshkruan Marrëveshje të Mirëkuptimit me Institucionet e Arsimit të Lartë të Kosovës. (Objekti i ish-MZHE-së, ora 11:00)

- Drejtuesit e Federatës Sindikale të Bujqve të Kosovës do të protestojnë. (Para ndërtesës së Ministrisë së Bujqësisë, ora 11:00)

-  Lëvizja FOL organizon forumin online FOL Hapur me ambasadorin e Mbretërisë së Bashkuar  Nicholas Abbott ku nder të tjera do të diskutohet edhe kontributi i Mbretërisë së Bashkuar për qeverisjen e mirë në Kosovë, veçanërisht në procesin e rekrutimit si dhe do të diskutojmë për sfidat kryesore të Kosovës, në të ardhmen e afërt. (Përmes platformës online ZOOM - https://zoom.us/j/97706999692, ora 11:30)

- Kryeministri Avdullah Hoti vendos kurora me lule te shtatorja e Ukë Bytyçit, me rastin e 18 vjetorit të vrasjes së tij. (Oborri i Komunës në Suharekë, ora 12:00)

- Komisioni për Çështje të Sigurisë dhe Mbrojtjes do të zhvillojë një vizitë pune në pikën kufitare në Merdare lidhur me zbatimin e marrëveshjeve Kosovë - Serbi. ​(Pika kufitare në Merdare, ora 12:00)

- Komisioni Hetimor Parlamentar lidhur me procesin e privatizimit në Kosovë interviston ish Ministrin e Tregtisë dhe Industrisë, Bujar Dugolli. (Ndërtesa e Kuvendit, salla C203, ora 13:00)

- Asociacioni i Gazetarëve të Kosovës me mbështetje nga Fondacioni i Kosovës për Shoqëri të Hapur do të publikojë hulumtimin "Ndikimi i Pandemisë Covid-19 në gjendjen ekonomike të gazetarëve, kameramanëve dhe fotoreporterëve". (Hapësira e Fondacionit 17, ora 13:00)

- Ministri i Drejtësisë, Selim Selimi raporton para Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit lidhur e Projektligjin për të drejtën ndërkombëtare Private. (Ndërtesa e Kuvendit, salla C203, ora 13:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton listën e kandidatëve për Anëtarët e Këshillit të Kosovës për Trashëgimi Kulturore. (Ndërtesa e Kuvendit, salla N303, ora 13:00)

-  Komisioni për Punë të Jashtme dhe Diasporë diskuton mbikëqyrjen e zbatimit të Ligjit për shërbimin e jashtëm të Republikës së Kosovës. (Ndërtesa e Kuvendit, salla N302, ora 13:00)

- Komisioni Hetimor Parlamentar lidhur me procesin e privatizimit në Kosovë interviston ish- Drejtore Menaxhuese te AKP-se Mrika Tahiri. (Ndërtesa e Kuvendit, salla C203, ora 14:00)