16 Dhjetor 2019

Prezantohet raporti për zbatimin e MSA-së dhe ERA-s në fushën e Arsimit

Prishtinë, 2 gusht - Organizata për Demokraci, Anti-korrupsion dhe Dinjitet, ÇOHU!, organizon konferencë në të cilën do të publikohet raporti monitorues “Reforma në fushën e Arsimit dhe Aftësimit Profesional –Zbatimi i Marrëveshjes së Stabilizim Asociimit (MSA) dhe Agjendës për Reforma Evropiane (ERA) për vitin 2018”.

Në konferencë do të prezantohen gjetjet e hulumtimit të cilat tregojnë për shkallën e zbatimit të MSA-së dhe ERA-s si dhe ndikimin e masave të iniciuara në Institucionet e Arsimit dhe Aftësimit Profesional (IAAP).

Përveç monitorimit të zbatimit të masave të planifikuara hulumtimi paraqet edhe sfidat e përgjithshme të Institucioneve të Arsimit dhe Aftësimit Profesional, si  cilësia, financimi, mungesa e pajisjeve, pamundësia e ofrimit të punës praktike për nxënësit si dhe mungesa e bashkëpunimit me tregun e punës.

 

 

 

Kalendari

Ngjarjet e datës 16 dhjetor 2019

- Policia e Kosovës, konkretisht Drejtoria e Policimit në Bashkësi dhe Preventivë dhe Komiteti Lokal për Siguri Publike nga komuna e Vushtrrisë organizon takimin e nëntëmbëdhjetë të Këshillit Ekzekutiv të Komiteteve Lokale për Siguri Publike. (Hotel Emerald, ora 10:00) 
 
- Komuna e Deçanit dhe Ministria e Arsimit vendosin gurthemelin për ndërtimin e objektit të ri të Shkollës Fillore të Mesme dhe të Ulët 'Lidhja e Prizerenit'. (Deçan, ora 12:00) 

 

- Mbahet ceremonia e dorëzimit të pajisjeve mjekësore për Klinikën e Neonatologjisë dhe Pediatrisë në Spitalin e Mitrovicës, pajisje keto të financuara nga partneri jonë Raiffeisen Bank në Kosovë.  (Spitali i Mitrovicës, Klinika e Neonatologjisë, ora 14:00)