17 Janar 2018

Përurohen investimet në çerdhet "Ngjyrat" dhe "Gëzimi Ynë"

Prishtinë, 27 dhjetor - Kryetari i Komunës së Prishtinës Shpend Ahmeti, bashkë me ambasadoren turke në Kosovë znj. Kıvılcım Kılıç si dhe përfaqësuesit e TIKA-s. përuruan sot projektet e ndërtimit të anekseve e mobilimin e tyre në çerdhet ‘Ngjyrat” në Hajvali dhe “Gezimi Ynë” në Ulpianë dhe rregullimin e oborrit në çerdhen “Gëzimi  Ynë”.

“Ka një kohë që  kemi bërë kërkesë në TIKA për financimin e projekteve të natyrës socilale. Rreth dy muaj më parë kemi bërë përurimin e këndit të lodrave në Parkun e Qytetit si dhe para disa muajve kemi pranuar një donacion për fermerët e Prishtinës me makina mjelëse."

"Ndërsa sot bëjmë përurimin e dy investimeve në dy çerdhe të Prishtinës, aneksin dhe mobilimin e çerdhes ‘Ngjyrat” në Hajvali dhe aneksin, mobilimin dhe rregullimin e oborrit të çerdhes “Gezimi Ynë” në Ulpianë."

"Ndërsa në vitin 2018 ne na presin edhe projekte të tjera që do të I realizojmë në bashkëpunim me TIKA-n. Do të bashkëpunojmë në projektin për Qendrën për Autizëm e Sindrom Down, përmes ndihmës së Qendrës në Konya të Turqisë dhe projektin e Xhamisë të Çarshisë “ theksoi Kryetari Ahmeti me ç’rast falënderoi TIKA-n dhe ambasadën turke për ndihmën e vazhdueshme dhe të rëndësishme që po i japin Komunës së Prishtinës.

Ambasadorja Kılıç tha se është e gëzuar që sot është prezente në përurimin e këtyre dy projekteve shumë të rëndësishme për komunitetin, posaçërsiht për fëmijët dhe të ardhmen e tyre.

“Ky bashkëpunim me Komunën e Prishtinës sigurisht se do të vazhdojë edhe në të ardhmen me projekte të tilla konkrete. Shpresojmë se në një kohë shumë të shkurtër do të na shihni sërish bashkë duke përuruar projekte të tjera”, u shpreh ajo. 

Kalendari

Ngjarjet e datës 17 Janar 2018 - Mbahet mbledhje e Komisionit për Shëndetësi, Punë dhe Mirëqenie Sociale në të cilën do të behët shqyrtimi i projektligjit për ndërmarrjet sociale. (Ndërtesa e Kuvendit, sallaN 303, ora 10:00)

- Në kuadër të organizimeve në 550-vjetorin e vdekjes së Skënderbeut dhe Vitit Mbarëkombëtar të Skënderbeut, nesër më 17 janar 2018, zhvillohen homazhe te shtatorja e Skënderbeut. (Shtatorja e Skënderbeut, ora 10:00)

- Mbahet mbledhja e Komisionit për Administratë Publike, Qeverisje Lokale dhe Media në të cilën do të behët shqyrtimi i raportit të punës së Komisionit, për vitin 2017 si dhe shqyrtimi i draft-planit të punës së Komisionit, për vitin 2018. (Ndërtesa e Kuvendit, salla N204, ora 10:00)

- Për nder të 18 vjetorit të themelimit të Administratës Tatimore të Kosovës, do të mbahet shënimin simbolik të këtij përvjetori, në të cilin pjesëmarrës do të jenë Kryeministri i Republikës së Kosovës Ramush Haradinaj, Ministri i Financave Bedri Hamza, palët e interesit dhe donatorët. (Qendra e Shërbimit të Tatimpaguesve, ish-ndërtesa e Gërmisë, ora 11:00) 

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit,  salla  C 301, ora 11:00)

- Prezantohen projektet e studentëve, të cilët do të pasqyrojnë punën që është bërë gjatë semestrit dimëror 2017/18. (Fakulteti i Edukimit, ora 11:00)

- Mbahet mbledhje e Komisionit për të Drejtat, Interesat e Komuniteteve dhe për Kthim në të cilën do të behët shqyrtimi i Projektligjit për Tatimin në Pronën e Paluejtshme, me raport amandamente të Komisionit funksional për Buxhet dhe Finanaca. (Ndërtesa e Kuvendit, salla N 303, ora 12:00)

- Ministri i Ministrisë së Inovacionit dhe Ndërmarrësisë, Besim Beqaj do të vizitojë kompaninë e prodhimit të produkteve farmaceutike “Trepharm”. (Hapësirat e “Trepharm” në Sllatinë, ora 12:30)

- Komuna e Gjilanit ben zbulimin e bustit te heroit Gjergj Kastrioti - Skenderbeu. (Sheshi kryesore para zyres se kryetarit ne Gjilan, ora 13:00)

- Mbahet Akademi kushtuar 550 vjetorit të Skënderbeut, me ç ‘rast do të promovohet pulla postare e Postës së Kosovës dhe Postës së Maqedonisë në të cilen do të nderohen edhe figurat e shquara të shqiptarëve, Jusuf e Bardhosh Gërvalla dhe Kadri Zeka, në 36-vjetorin e vrasjes së tyre. (Teatri Kombëtar të Kosovës, ora  15:00)

- Komuna e Gjilanit organizon akademin e Flakes se Janarit 2018, qe i kushtohet 550 vjetorit te vdekjes se heroit kombetar Skenderbeu dhe 50 vjetorit te protestave masive per flamurin kombetar. (Teatri i Qytetit, ora 16:00)

- Muzeu i Kosovës, me nismën e "Museum Illyricum" - Zvicër, organizojnë ekspozitë me libra; pulla dhe bankënota nga mesjeta e deri në vitet '30-ta. (Lapidariumin e Muzeut të Kosovës, ora 18:00)

- Hapet ekspozitë 55 portrete për 550-vjetorin e vdekjes së Skënderbeut dhe Vitit Mbarëkombëtar të Skënderbeut. (Swiss Diamond Hotel, ora 18:00)

- Në 550 vjetorin e vdekjes së heroit kombëtar Skenderbeu dhe 50 vjetorit të protestave masive për flamurin kombëtar organizon aktivitetin Peneli i Flakes. (Teatri i Qytetit të Gjilanit, ora 19:00)