02 Dhjetor 2022

Pazari me tema të diplomës, mbrojtja e temës është bërë një formalitet

Prishtinë, 24 maj - Në kuadër të ciklit të diskutimeve të forumit “Zilja”, është organizuar tryeza e radhës e Koalicionit për Integritet dhe Transparencë në Universitete, tryeza është udhëhequr nga organizata Çohu e cila ka përditësuar hulumtimin lidhur me “shit-blerjen e temave të diplomës”.

Një pjesë e studentëve nuk përgatitën profesionalisht që të përgatitin temën e diplomës vetë dhe për këtë arsye e blejnë temën të gatshme, të cilën edhe e mbrojnë para mentorëve dhe komisioneve përkatëse.

Kjo tregon për cilësinë e dobët të studimeve në nivelin e lartë arsimor dhe mosangazhimin e profesorëve për të mentoruar siç duhet studentët.  

Pjesë e panelit në tryezë ishin Elton Bahtiri - prorektor për cilësi dhe zhvillim akademik në UP, Blerim Rexha, profesor në Fakultetin e Inxhinierisë Elektrike dhe Kompjuterike në UP, Xhavit Rexhaj, profesor në kolegjin AAB dhe Shkëlzen Gashi, aktivist.

Në tryezë u tha se lindja e kësaj dukurie ka ndodhur për shkak se një pjesë e konsiderueshme e profesorëve nuk po e kryejnë punën siç duhet dhe se mbrojtja e temës është bërë një formalitet.

Gjatë diskutimit u tha se është e domosdoshme që të ndërmerren disa hapa për ta parandaluar këtë dukuri, e të cilat janë: Kryerja është temës së diplomës të realizohet me një monitorim të vazhdueshëm nga mentori i temës, të ketë një mekanizëm mbikëqyrës në aspektin përmbajtjesor të temave, i cili në formë të mostrave do ta bënte një monitorim të tillë, temat e diplomës të publikohen në platformat online nga institucionet e arsimit të lartë si dhe të vihet në përdorim një softuer i cili do të detektonte përmbajtjet e njëjta të temave të diplomës, përkatësisht një softuer anti-plagjiat.

 
 

Kalendari

Ngjarjet e datës 2 dhjetor 2022

- Grupi i Miqësisë me Mbretërinë e Bashkuar takohet me delegacionin nga Parlamenti i Mbretërisë së Bashkuar. (Ndërtesa e Kuvendit, salla C301,ora 9:15)

- Ministrja e Drejtësisë, Albulena Haxhiu, nesër në kuadër të fushatës globale "16 Ditët e Aktivizmit Kundër Dhunës me Bazë Gjinore" do të lansoj Kurrikulën për Programet e Trajtimit të Dhunës. (Hotel Sirius, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyron Projektligjin për Zyrtarët Publik dhe Projektligjin për Pagat në Sektorin Publik. (Ndërtesa e Kuvendit, salla N506, ora 10:00)

- Ministria e Bujqësisë, Pylltarisë dhe Zhvillimit Rural organizon konferencën me donatorët për sektorin e bujqësisë me titull "Orientimet Strategjike për Zhvillimin e Sektorit të Bujqësisë, Pylltarisë dhe Zhvillimit Rural”. (Hotel “Swiss Diamond”, ora 10:00)

- UNFPA Zyra në Kosovë organizon trajnim me gazetarë që do të trajtoj temën e menaxhimit të krizave të komunikimit, si dhe raportimin medial lidhur me Regjistrimin e popullsisë. (Prishtinë, ora 10:00)

- Komisioni për Punë të Jashtme dhe Diasporë takohet me delegacionin nga Parlamenti i Mbretërisë së Bashkuar. (Ndërtesa e Kuvendit, salla C301, ora 10:30)

- Në kuadër të Festivalit Ndërkombëtar të Filmit “Art Without Limit International Film Festival” mbahet programi i për fëmijë, ku do të shfaqen filmat e animuar me pjesmarrës nxënësit e disa shkollave të Prishtinës dhe Lipjanit ku dhe do të ketë performancë me titull “Terapia muzikore” nga qendra burimore “Përparimi” në Prishtinë dhe një performancë nga një këngëtare e re Tirana e cila është anëtare e Down Syndrome në Tiranë! (Kino Armata, ora 11:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike interviston Alpin Dogan, Kryeshef Ekzekutiv në KEDS; Serhat Mesut Dinc, Kryeshef Ekzekutiv në KESCO dhe  Alper Erbas, Kryeshef Ekzekutiv në KEDS për periudhën 2019-2021. (Ndërtesa e Kuvendit, salla N204, ora 13:00)
 
- Shefi i misionit përcjellës të zgjedhjeve të Bashkimit Evropian, Lukas Mandl, së bashku me ambasadorin e BE-së, Tomáš Szunyog, do të mbajnë një konferencë për shtyp për të prezantuar gjetjet preliminare dhe konkluzione mbi gjendjen e zbatimit të rekomandimeve të Misionit të BE-së për Vëzhgimin e Zgjedhjeve 2021. (Hotel Sirius, ora 14:15)

- Organizata jo-qeveritare "You Can Do" organizon ngjarjen "Darka e Erret" ku zyrtar lokal edhe ndërkombëtar , profesorë e aktivistë do të darkojnë në erresirë totale dhe te diskutojnë rreth pozites se personave me aftesi te kufizuar në shoqëri dhe hapat konkret qe duhet te ndermeren për ketë komunitet. (Restaurant LUXOR në magjistralen Prishtinë - Obiliq, ora 17:00)