27 Shkurt 2020

ORCA: Rritet transparenca në Universitetet Publike të Kosovës

Prishtinë, 17 shtator - Në kuadër të hulumtimit që ORCA ka kryer në janar dhe në shtator të vitit 2019, lidhur me transparencën formale institucionale të universiteteve publike, del se brenda pak më shumë se 6 muajsh nga publikimi i parë i pasqyrës së dokumenteve dhe informatave që universitetet duhet t’i kenë në veb faqet e tyre, është shënuar përmirësim i ndjeshëm në shumicën e universiteteve publike.

Në shkurt të vitit 2019, ORCA pati publikuar pasqyrat e transparencës së universiteteve publike ku vërehej një neglizhencë e universiteteve lidhur me publikimin e dokumenteve dhe informatave bazike në veb faqet e tyre të cilat mundësojnë rritjen e transparencës institucionale.

Mirëpo, në Shtator të këtij viti vërehet se kritika publike ka sjellë rezultate të dëshirueshme duke e rritur konsiderueshëm angazhimin e universiteteve për transparencë formale institucionale.

Universiteti me më së shumti përmirësime është Universiteti i Gjakovës i cili nga 15 dokumente sa i ka pasur të publikuara në janar 2019, ka publikuar 21 në shtator 2019. Ai përcillet nga Universiteti i Gjilanit i cili ka pasur 19 dokumente të publikuara në janar 2019, ndërsa tash ka 23.

Në muajin janar 2019, nga 27 dokumente dhe informata të pritura universitetet kishin publikuar si vijon:

Universiteti i Prishtinës 24, Universiteti i Pejës 21, Universiteti i Mitrovicës 20, Universiteti i Gjilanit 19,  Universiteti i Prizrenit 18, Universiteti i Gjakovës 15, Universiteti i Ferizajt 8.

Në muajin shtator 2019, nga 27 dokumente dhe informata të pritura universitetet kishin publikuar si vijon:

Universiteti i Prishtinës 24, Universiteti i Pejës 23, Universiteti i Mitrovicës 22, Universiteti i Gjilanit 23, Universiteti i Prizrenit 19, Universiteti i Gjakovës 21, Universiteti i Ferizajt 8.

ORCA mbetet e përkushtuar në kërkesën për transparencë dhe llogaridhënie të universiteteve publike si dhe do t’ju ofrojë asistencë atyre për arritje e transparencës së plotë.
 

Kalendari

Ngjarjet e datës 27 shkurt 2020 - Kryeministri Albin Kurti pret në takim Komandantin e KFOR-it, Michele Risi. Ndërtesa e Qeverisë, ora 8:40 - vetëm pamje)

- Shefja e Zyrës së Bashkimit Evropian në Kosovë, Nataliya Apostolova do të marrë pjesë në eventin përmbyllës të projekti të BE-së për mbështetjen e shërbimeve korrektuese dhe sprovuese të Kosovës, i cili do të mbahet në Prishtinë. (Hotel Emerald, ora 9:00)

- Nën organizimin e Sindikatës së Pavarur të Sektorit Privat të Kosovës, punëtorët e sigurimit fizik të Rektoratit të Universitetit të Mitrovicës do të protestojnë për shkeljet e tyre ligjore nga ana e kompanisë e cila edhe pse është vërtetuar që ju ka borxh punëtorëve asaj nuk i intereson kjo. (Para Rektoratit të Universitetit të Mitrovicës, ora 10:00)

- Mbahet  seanca e Kuvendit të Komunës së Gjilanit. (Salla e mbledhjeve të Kuvendit të Komunës së Gjilanit, (ish objekti i gjykatës. ora 10:00)

- Kryeministri Albin Kurti pret në takim zëvendës presidentin e Parlamentit Evropian, Rainer Wieland. (Ndërtesa e Qeverisë, ora 10:00 - vetëm pamje)

- Koalicioni i OJQ-ve për Mbrojtjen e Fëmijëve në partneritet me rrjetin Kraeeyn organizon konferencën për publikimin e “Politikës rekomanduese për zhvillimin në fëmijërinë e hershme”. (Hotel Sirius, ora 10:00)

- Mbahet mbledhja e rregulltë e Kuvendit Komunal të Mitrovicës. (Salla e Kuvendit të Komunës së Mitrovicës, ora 10:00)

- Zyra e Bashkimit Evropian në bashkëpunim me komunën e Prishtinës do ta përuroj çerdhen në lagjen Kalabria në Prishtinë. (Lagjja Kalabria, ora 10:30)

-  OJQ-së Aktiv bën prezentimin e letrës ‘Vlerësimi i të drejtave dhe lirisë në komunitetet Serbe të Kosovës’, mbështetur nga Qendra Ndërkombëtare Olof Palme. (Hotel Sirius, ora ora 11:00)

- Komisioni për Integrim Evropian bën shqyrtimin e draft-planit të punës së komisionit për vitin 2020. (Ndërtesa e Kuvendit, salla N 204, ora 11:00)

- Kryetarja e Kuvendit të Kosovës, dr. Vjosa Osmani, pret në takim nënkryetarin e Parlamentit Evropian, Rainer Wieland, (Kabineti i kryetares Osmani, ora 11:30 - vetëm pamje)

- Nënkryetari i Komunës së Gjilanit, Arbër Ismajli, me bashkëpunëtorët pret në takim zëvendësministren e Arsimit, Sportit dhe Rinisë të Shqipërisë, Lorena Haxhiu. (Zyra e kryetarit, ora 13:30)

- Mbahet mbledhja e Qeverisë së Republikës së Kosovës. (Ndërtesa e Qeverisë, ora 16:00)

- Fondacioni Shtatëmbëdhjetë organizon hapjen e Ekspozitës INFRARED: Additions në Fushë Kosovë. (Rr. e Pejës të rrethi në Fushë Kosovë, ora 18:00)