15 Dhjetor 2018

ORCA përgëzon fakultetet me më shumë punime për profesor në UP

Prishtinë, 22 dhjetor - Organizata për Rritjen e Cilësisë në Arsim (ORCA) ka organizuar një aksion në terren. Ky aksion ka për qëllim përgëzimin publik të katër fakulteteve me më së shumti punime në Universitetin e Prishtinës.

Banerat përgëzues janë vendosur pranë fakulteteve për qëllim të njoftimit të studentëve të tyre që fakultetet e tyre kanë më shumë punime për kokë profesori se fakultetet tjera.

Fakultetet me më shumë punime për kokë profesori, sipas raportit të ORCA-s “Integriteti Akademik i Profesorëve në Universitetin e Prishtinës”, janë: Fakulteti i Bujqësisë dhe Veterinarisë me 5.3 punime për profesor, Fakulteti i Mjekësisë me 5.08 punime për profesor, Fakulteti i Shkencave Matematike-Natyrore me 4..9 punime për profesor, si dhe Fakulteti i Edukimit me 2.33 punime për profesor.

Kalendari

Ngjarjet e datës 15 dhjetor 2018 - Mbahet mbledhja e Kryesisë së Kuvendit në të cilën do të shqyrtohet kërkesa e 42 deputetëve për mbajtjen e seancës së jashtëzakonshme për miratimin e Projekt-rezolutës mbi procesin e dialogut për normalizimin e marrëdhënieve në mes të Republikës së Kosovës dhe Republikës së Serbisë. (Ndërtesa e Kuvendit, salla  C-301, ora 10:00)

- Rrjeti i Grave të Kosovës organizon Kuvendin Vjetor të 16-të të Anëtareve. (Hotel Sirius, ora 10:30)

- Presidenti i Republikës së Kosovës, Hashim Thaçi, bën homazhe tek shtatorja e Heroit të Kosovës, Zahir Pajaziti. (Shtatorja e Zahir Pajazitit në Prishtinë, ora 11:00)

- Gjimnazi "Hasan Nahi", organizon testin fazës së parë te garës e inteligjencës "Eureka". (Gjimnazi "Hasan Nahi", ora 11:00)

- Autostrada Biennale organzon konferencën vjetore “Revolucioni Jemi Ne - La Rivoluzione Siamo Noi” në të cilën prezanton "Autostraden Bienaleve: Libri i Përbashkët". (Muzeu Arkeologjik në Prizren, ora 11:00)

- Presidenti i Republikës së Kosovës, Hashim Thaçi, bën homazhe tek tek varri i ish-presidentit Ibrahim Rugova, dhe tek varri i veprimtarit të shquar të çështjes kombëtare Adem Demaçi. (Velani, ora 11:15)

- Fëmijët e lagjeve për rreth Parkut së bashku me prindërit e tyre shoqërues do të organizojnë protestën kunder degradimit të Parkut! (Tek anfiteatri në Parkë, ora 12:00)

- Presidenti i Republikës së Kosovës, Hashim Thaçi, bën homazhe tek varrezat e familjes Jashari në Prekaz. (Prekaz, ora 12:00)

- Ambasada Gjermane së bashku me Diakonie Kosova në Mitrovicë organizon tregun tradicional të Krishtlindjeve. (Oborri i Diakonie Kosova në Mitrovicë, ora 15:00)