15 Korrik 2020

ORCA në solidaritet me studentët maqedonas për arsim cilësor

Prishtinë, 19 shtator - Studentët nga Kosova, aktivistë të ORCA-s, përmes një aksioni simbolik kanë shprehur solidaritetin me kolegët e tyre nga Maqedonia e Veriut.

Duke qenë të informuar se Qeveria e Maqedonisë së Veriut ka vendosur që ta zvogëloj buxhetin për sistemin e edukimit në vlerë prej rreth 12 Milion Euro, me një ulje prej 6 Milion Eurosh vetëm në Arsimin e Lartë, disa studentë aktivistë nga Kosova janë solidarizuar me kolegët e tyre në Maqedoninë e Veriut përmes një aksioni simbolik të mbajtur dje më 18 shtator 2019, para Bibliotekës Kombëtare.

Duke qenë dëshmitarë të kësaj situate, studentët e shteteve të Ballkanit Perëndimorë janë në fillesa të një organizimi rajonal i cili do mbetet aktiv në adresimin e nevojave për reforma të thella në sistemin e edukimit në vendet respektive.

Studentët do të vazhdojnë me aksione të tilla mbështetëse deri në krijimin e një momentumi të ri gjithëpërfshirës, me qellim të ngritjes së çështjeve me interes nacional që lidhen me arsimin cilësor.
 

Kalendari

Ngjarjet e datës 15 Korrik 2020 - Zëvendëskryeminstri Besnik Tahiri viziton Komunën e Gjakovës dhe takon  Kryetarin Ardian Gjini. (Ndërtesa e Komunës së Gjakovës, ora 10:00)

- Komisioni për Punë të Jashtme dhe Diasporë shqyrton shkresën drejtuar komisioneve për politikë të jashtme të parlamenteve të vendeve anëtare të BE-së. (Ndërtesa e Kuvendit, N303, ora 10:30)

- Kryetari i Partisë Demokratike të Kosovës dega në Prizren Shaqir Totaj, mban konferencë për media. (zyret e degës në Prizren, ora 11:00)

- Ambasadori Gjerman Christian Heldt, bashkë me Drejtoreshën Ekzekutive të Grupit për Studime Juridike dhe Politike, Arberesha Loxha dhe Drejtuesin e Ekipit të përfaqësisë së GIZ-it në Kosovë, Mark Barrett në mënyrë virtuale do t’iu drejtohen publikut për të diskutuar rreth prioriteteve të presidencës të Gjermanisë. (Faqja e Ambasadës Gjermane në Facebook: https://www.facebook.com/germany.in.kosovo, ora 11:00)

- Ministrja e Kulturës, Rinisë dhe Sportit, Vlora Dumoshi do të vizitojë Komunën e Istogut ku do te takohet me Kryetarin Haki Rugova. (Komunën e Istogut, ora 13:00)

- Organizata YMCA në bashkëpunim me Ekipin e Kombeve të Bashkuara organizojnë panelin e diskutimit "75 for 75" që nënkupton 75 minuta për 75 vite i cili do të shfaqet premierë në rrjete sociale. (https://www.ymcakosovo.com/75-for-75 & https://www.un.org/en/un75, ora 13:00)

- Ministrja e Kulturës, Rinisë dhe Sportit, Vlora Dumoshi se bashku me kryetarin e Komunës se Istogut vizitojnë sallën e edukatës fizike në Vrellë. (Fshati Vrellë, ora 13:30)

- Ministrja e Kulturës, Rinisë dhe Sportit, Vlora Dumoshi se bashku me kryetarin e Komunës se Istogut vizitojnë stadiumit “Demush Mavraj’’. (Istog, ora 14:00)

- Ministrja e Kulturës, Rinisë dhe Sportit, Vlora Dumoshi se bashku me kryetarin e Komunës se Istogut vizitojnë palestrën e qytetit. (Istog, ora 14:15)