05 Dhjetor 2019

Ohio Northern University trajnon profesorët e Fakultetit Juridik në UPZ

Prishtinë, 11 nëntor - Në Universitetin “Ukshin Hoti” në Prizren, të hënën ka nisur punimet Punëtoria : Pedagogjia ligjore, me mësimdhënësit e Fakultetit Juridik.

Punëtoria organizohet nga Ohio Northern University - ONU dhe financohet nga Departamenti Amerikan i shtetit, Byroja për Çështje Ndërkombëtare të Narkotikëve dhe Zbatimit të Ligjit (INL), me profesorë me përvojë nga SHBA.

Tema të punëtorisë janë: Teknika dhe Sfidat në  Mësimdhënie dhe Mësimin Interaktiv dhe Aplikimi i teknikave mësimore interaktive: Të mësuarit ndërveprues: Kërkime neurologjike; Njohja e qasjeve të ndryshme për të mësuar; dialogu socratik; Puna në grup; Prezantimet; Teknologjia; Përcaktimi i teknikave për t'u përdorur;. Motivimi i studentëve: Ndryshimi i pritjeve në klasë; Promovimi i përgatitjes së klasës; Ballafaqimi me studentë që nuk marrin pjesë; Ballafaqimi me monopolizimin e studentëve; Përmbledhja dhe konsolidimi i të mësuarit; Balancimi i mbulimit me zhvillimin e aftësive analitike.

Aplikimi i teknikave interaktive në materiale të ndryshme: Vendimet gjyqësore, Studimet e rasteve, Legjislacioni dhe traktatet, Traktate dhe tekste

Kalendari

Ngjarjet e datës 5 dhjetor 2019 - Asociacioni i Gazetarëve të Kosovës në bashkëpunim me Misionin në Kosovë të Organizatës për Siguri dhe Bashkëpunim në Evropë organizon konferencën për gazetarët e zhdukur dhe të vrarë në Kosovë. (Hotel Swiss Diamond, ora 9:30)

- Shoqata nacionale e mjedrës “Mjedra e Kosoves” se bashku me donatorët e saj GIZ,  USAID, SWISS Caritas, organizojnë konferencën e nivelit kombëtar të mjedrës “Konferenca e 4-të e Mjedrës në Kosovë”. (Emerald Hotel, ora 9:30)

- Zyra e Vullnetarëve të Kombeve të Bashkuara dhe UNICEF do të shënojnë Ditën Ndërkombëtare të Vullnetarëve 2019 me moton 'Të Bëjmë Punë Vullnetare për një Ardhmëri Gjithëpërfshirëse'. (Qendra për Komunitete Termokiss në Prishtinë, ora 10:00)

- Me rastin e 5 Dhjetorit, Ditës Ndërkombëtare të Vullnetarizmit, Kolegji Heimerer organizon konferencën “Thuaj Po vullnetarizmit". (Kolegji Heimerer, ora 11:00)

- Qendra Kosovare për Studime Gjinore organizon konferencën “Fuqizimi i të drejtave të barabarta pronësore të grave në Kosovë”. (Hotel Sirius, ora 11:00)

- Aleanca Kosovare e Bizneseve dhe rrjeti i marketeve Viva Fresh Store organizojnë hapjen e Ekspozimit dhe Promovimit të Prodhimeve Vendore në kuadër të “Javëve të Biznesit Kosovar 2019” me moto: Unë Konsumoj Produkte Vendore, Po JU? (Objekti i Viva Fresh Store në Veternik, ora 13:00)

- Ministria e Kulturës, në bashkëpunim me Zyrën e Kryeministrit, OSBE-në, Zyrën e UNICEF-it, UN Volunteers dhe OJQ-në Lens, do të jenë nikoqirë të njërës nga ngjarjet më të mëdha të të rinjve për të shënuar Ditën Ndërkombëtare të Vullnetarizmit, me moton ndërkombëtare “Volunteer for an inclusive future”. (Hotel Emerald, ora 15:00)

- Galeria e Ministrisë së Kulturës organizon hapjen e ekspozitës së titulluar "Albanian Village Life - Isniq, Kosovo 1976", të fotografes dhe shkrimtares suedeze, Ann Christine Eek e cila përbëhet nga fotografi bardh e zi të realizuar në vitet e 1970-ta gjatë qëndrimit të saj në rajonin e Dukagjinit në Kosovë. (Galeria e Ministrisë së Kulturës, ora 19:00)

- Baleti Kombëtar i Kosovës shfaq premierën e katërt për vitin 2019, shfaqjen “Exil”. (Teatri Kombëtar, ora 19:00)