16 Nëntor 2018

Nostrifikimi i diplomave ka probleme me Serbinë dhe disa shtete tjera

Prishtinë, 7 shkurt - Ministri i Arsimit, Shkencës dhe Teknologjisë, Shyqiri Bytyqi ka raportuar sot në mbledhjen e Komisionit Parlamentar për të Drejtat e Njeriut për çështjen e nostrifikimit të diplomave të fituara në universitete të Serbisë.

Shkas për këtë mbledhje ka qenë një peticion i komununitetit boshnjak, të cilët nuk arrijnë të punësohen në Kosovë, për shkak të mosnostrifikimit të diplomave, e që është obligim ligjor për punësim.

Me këtë rast, ministri Bytyqi theksoi se në procesin e nostrifikimit ka pasur probleme edhe me shtete të tjera, por, siç dihet sa i përket nostrifikimit të diplomave të fituara në Serbi ka imlikime politike.

Ministri sqaroi se gjatë bisedimeve në Bruksel janë arritur dy marrëveshje në këtë drejtim. Marrëveshja e parë e arritur në vitin 2011 ka dhënë rezultate në këtë drejtim, ku përmes organizatës SPARK (e financuar nga BE), janë shqyrtuar një numër i madh i aplikacioneve. Ndërsa, sa i përket marrëveshjes së dytë të vitit 2016, ende nuk është arritur ndonjë rezultat për shkaqe teknike dhe politike.

Ministri Bytyqi theksoi se janë duke u ndërmarrë hapa në këtë drejtim dhe tashmë është caktuar një koordinator nga ana e Qeverisë dhe pritet edhe emërimi i një personi përgjegjës për nostrifikimin e këtyre diplomave.

Ministri iu përgjigj edhe pyetjeve të anëtarëve të Komisionit rreth funksionimit të Qendrës NARIC, për të cilën tha se tashmë janë evidentuar problemet që kanë shkaktuar pritjet e gjata për nostrifikim të diplomave të fituara në vende të ndryshme dhe kanë filluar të merren masat për të vënë rregull.

Gjatë këtij takimi është theksuar se në të njëjtën vështirësi ndodhen edhe shqiptarët që jetojnë në shtetin serb që kanë mbaruar studimet në Kosovë.

 

Kalendari

Ngjarjet e datës 16 nëntor 2018 - Mbahet takimi i radhës i Grupit Ndërministror për të Drejtat e Njeriut në Republikën e Kosovës. (Ndërtesa e Qeverisë, salla P-38, ora 9:00)

- Kryeministri Ramush Haradinaj merr pjesë në takimin e Grupit Koordinues Ndërministror për të Drejtat e Njeriut në Republikën e Kosovës. (Ndërtesa e Qeverisë, ora 9:00)

- Zyra e BE-së dhe Këshilli i Evropës do të bashkëorganizojnë një konferencë në kuadër të projektit të përbashkët kundër Krimit Ekonomik e cila do të përqëndrohet në rezultatet e vlerësimit pajtueshmërinë e Kosovës me standardet evropiane dhe ndërkombëtare në fushat e anti-korrupsionit, pastrimit të parave dhe luftimit të financimit të terrorizmit. (Swiss Diamond Hotel, ora 9:15)

- Mbahet seanca e jashtëzakonshme e Kuvendit të Republikës së Kosovës në të cilën do të mbahet debat parlamentar sipas kërkesës së 42 deputetëve për mbajtjen e seancës së jashtëzakonshme lidhur me dështimet dhe skandalet në politikën e jashtme të Republikës së Kosovës. (Kuvendi i Kosovës, ora 10:00)

- Koalicioni i Organizatave për Mbrojtjen e Fëmijëve organizon konferencën për avancimin e shërbimeve sociale. (Hotel Sirius, ora 10:00)

- Universiteti “Isa Boletini” nga Mitrovicë në bashkëpunim me Universitetin “Aleksandër Mosisiu” nga Durrësi organizojnë konferencën ndërdisiplinore ndërkombëtare "Vazhdimësia historike dhe ndryshimi: Ballkani në kontekst evropian dhe global". (Kampusi i ri i Universitetit “Isa Boletini” në Mitrovicë, ora 10:00)

- Koordinatori Nacional për Kulturë, Rini dhe Sport, Rexhep Hoti do të mbajë takim informues me Drejtorët Komunalë të Arsimit në Republikën e Kosovës ku do të shpaloset Programi Nacional për Rininë. (Hotel International në Veternik, ora 10:00)

- Ministria e Administrimit të Pushtetit Lokal organizon ceremoninë solemne për projektet e përzgjedhura për financim në kuadër të Thirrjes së Parë të Programit IPA BNK Mali i Zi – Kosovë 2014-2020. (Hotel International Prishtina, ora 12:00)

- Shfaqet për gazetarë premiera vendore të filmit të metrazhit të gjatë “Nëntori I ftohtë/Cold November” me regji të Ismet Sijarina ku pas shfaqes se filmit do të zhvillohet një konferencë për media ku prezent do të jenë disa prej protagonisteve kryesor. (Cineplexx në Albi Mall, ora 12:00)

- Sindikata e Pavarur e Sektorit Privat mban takim me punëtorët e Llamkosit. (Salla e Kuvendit Komunal të Vushtrrisë, ora 13:00)

- Lëvizja Vetëvendosje mban konferencë për media. (Zyrët qendrore te Vetëvendosjes, ora 14:00)

- Mbahet takimi i deputetëve të Kuvendit të Republikës së Kosovës me qytetarë të Drenasit. (Shtëpia e Kulturës në Drenas, ora 14:00)

- Kryeministri Ramush Haradinaj merr pjesë në inaugurimin e fillimit të punimeve të rrugës së qarkores së Gjakovës. (Rruga Gjakovë - Prizren, ish Fabrika e Elektromotorëve, ora 14:00)

- Muzeu i Kosovës organizon hapjen e ekspozitës “Moti i Madh” kushtuar Heroit të Kombëtar të shqiptarëve Gjergj Kastrioti-Skënderbeu. (Muzeu i Kosovës, ora 18:00)