21 Qershor 2018

Në testin e maturës për kopjim u përdorën edhe orët e mençura

Prishtinë, 6 qershor - Testi i Maturës në këtë vit ka treguar më shumë rezultate pasi që është bërë ndarja në regjione.

Fehmi Hysenaj kryetar i Komisionit Shtetëror të Maturës, tha se me këtë ndarje ka pasur menaxhim më të mirë në organizim.

“Edhe vendimi për tu ndaluar qasja me telefona celular për nxënësit ka sjellë rezultate, po ashtu edhe vendimi për t'i dënuar komisionerët që do të mund të bëjnë shkelje, vendimi për mos pagesë të testit etj, kanë sjellë frymë të re”, theksoi Hysenaj sot në emisionin e mëngjesit “Mirëmëngjesi Kosovë”, në Radio Televizionin e Kosovës (RTK).

Sipas tij mangësia është se prindërit edhe nuk janë vetëdijesuar ende për të mos marrë me vete pajisje teknologjike. “Ka të përjashtuar nga testi për ata nxënës që kanë përdorur mjete, si telefona dhe orë digjitale”, tha ai.

Hysenaj bëri me dije se të dënuarit do të mund të humbin vetëm këtë afat të testit të maturës. “Ne presim që kjo matje të jetë më reale. Ne edhe me komunat diskutojmë për të pasur rezultat më të mirë. Edhe zyrtarët komunal na thonë se ky proces në këtë vit ka pasur më shumë suksese. Ky është rezultat, si i profesorëve ashtu edhe i nxënësëve”, theksoi ai.

Kalendari

Ngjarjet e datës 22 Qershor 2018 - Mbahet mbledhja e Kryesisë së Kuvendit me kryetarët e grupeve parlamentare. (Ndërtesa e Kuvendit, salla  C-301, ora 9:00) 

- Kryeministri Ramush Haradinaj merr pjesë në manifestimin për nder të Ditës së Komunitetit Egjiptian. (Ndërtesa e Qeverisë – salla P-31, ora 10:00)

- Mbahet mbledhja e Komisionit për Administratë Publike, Qeverisje Lokale dhe Media në të cilën do të behët shqyrtimi i Raportit vjetor të Radio Televizionit të Kosovës. (Ndërtesa e Kuvendit, salla N 10, ora 10:00)

- Për nderë të Ditës Ndërkombëtare të Shërbimit Civil, Ministria e Administratës Publike, gjegjësisht Departamenti i Administrimit të Shërbimit Civil, do të organizoj takim për shënimin e kësaj dite​. (Salla e Madhe të ish-Pallatit “Rilindja”, ora 10:00)

- Mbahet mbledhja e Komisionit për Punë të Brendshme, Siguri dhe Mbikëqyrjen e Forcës së Sigurisë së Kosovës në të cilën do të diskutohet rreth procesit të anëtarësimit të Kosovës në INTERPOL. (Ndërtesa e Kuvendit, salla N 303, ora 10:00)

- Kryeministri Ramush Haradinaj merr pjesë në mbledhjen e Qeverisë së Republikës së Kosovës. (Ndërtesa e Qeverisë, ora 11:00)

- Në kuadër të “Javës Kundër Korrupsionit” të mbështetur nga Ambasada e SHBA-së në Kosovë, koalicioni i OJQ-ve “Java Kundër Korrupsionit 2017” organizon konferencë për media, për të shpalosur ndikimet e raportimeve të rasteve në kuadër të “Javës Kundër Korrupsionit". (Hoteli Sirius, ora 11:15)

- Ministri i Kulturës, Rinisë dhe Sportit, Kujtim Gashi do të vizitojë Komunën e Kamenicës ku do të takohet me Kryetarin, Qëndron Kastrati. (Komuna e Kamenicës, ora 14:00)

- Në vazhdën e aktivitetit "Ditët e Kuvendit", mbahet takimi i deputetëve të Kuvendit të Republikës së Kosovës me qytetarë të Pejës. (Teatri profesional “Istref Begolli”, ora 14:00)

- Aleanca Franceze në Prishtinë organizon kuiz muzikor. (Sheshin Zahir Pajaziti, ora 19:00)