25 Qershor 2018

Ministri Bytyqi u premton nxënësve një arsim me cilësor

Prishtinë, 28 dhjetor -  Ministri i Arsimit, Shkencës dhe Teknologjisë, Shyqyri Bytyqi ka vizituar punëtorinë e demokracisë “Demos-ti”, ku gjatë kësaj dite kanë zhvilluar aktivitetin e tyre nxënësit e klasës së gjashtë të shkollës “Ali Kelmendi” në Vushtrri.

Këtë projekt të Kuvendit të Kosovës, që implementohet nga OJQ “Toka” me nxënësit e Kosovës nga kl. 5 – 9, ministri Bytyqi e vlerësoi si shumë të dobishëm, pasi që u mundëson fëmijëve që të njoftohen për funksionimin e institucioneve.

“Organizimet dhe projektet e tilla janë të dobishme për edukimin e fëmijëve. Ky projekt është i rëndësishëm, sepse i ofron fëmijët më afër institucioneve njëkohësisht ju jep informata më të hollësishme për organet qeverisëse në vend”, tha ai.

Gjatë kësaj vizite, ministri Bytyqi ka bashkëbiseduar me nxënësit dhe është intervistuar nga ata. Ministri iu tha atyre se po punohet shumë që t’iu ofrohet nxënësve të gjithë Kosovës një arsim cilësor. Ndërsa, i ka uruar ata që të arrijnë suksese të larta në mësime në vitin që po vjen.

Drejtoresha e organizatës, “Toka”, Jehona Gjurgjeala tha së projekti “Demos-ti” ka për qëllim që të ju ofroj fëmijëve të të gjitha shkollave në Kosovë mundësinë që të jenë më afër institucioneve të Kosovës.

 

Kalendari

Ngjarjet e datës 26 Qershor 2018 - Ministria e Drejtësisë, me mbështetjen e Zyrës së Bashkimit Evropian në Kosovë, organizon tryezën e kampanjës informuese ”Kodi Civil modern qëndron për diversitet dhe mundësi”. (Shtëpia e Kulturës në Mitrovicë, ora 10:30)

- Komisioni për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi mban dëgjim publik lidhur me Projektligjin  për statusin e punëtorëve të arsimit shqip të Republikës së Kosovës nga viti shkollor 1990/91 deri në vitin shkollor 1998/99. (Ndërtesa e Kuvendit, salla N204, ora 11:00)

- Ish punëtorët e ndërmarrjes shoqërore “Ramiz Sadiku” organizojn protestë. (Përpara Prokurorit të Shtetit në rrugën Luan Haradinaj, ora 11:00)

- Mbahet mbledhja e komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të behët shqyrtimi i Projektligjit për rratifikimin e Marrëveshjes ndërmjet Kosovës dhe Bashkimit Evropian mbi pjesëmarrjen e Kosovës në Programin e Unionit "Konkurrenca e Ndërmarrjeve të Vogla dhe të Mesme", etj. (Ndërtesa e Kuvendit, salla N 10, ora 11:00)

- Drejtori i Kadastrit, Sadudin Berisha nga Komuna e Gjilanti mban konferencë të jashtëzakonshme për mediat, për sqaruar dhe faktuar çështjen e pronës së rrethrrotullimit prapa palestrës së sporteve “Bashkim Selishta”. (Këndi i konferencave në Komunën e Gjilanit, ora 11:00)

- Grupi i Grave Deputete të Kuvendit të Republikës së Kosovës do të mbajë takim në Kaçanik, në të cilin do të diskutohet lidhur me shkëmbimin e përvojave në mes nivelit qendror dhe lokal. (Ndërtesa e Komunës së Kaçanikut, ora 11:00)

 - Mbahet mbledhja e komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit në të cilën do të behët shqyrtimi Projektligjit për plotesimin dhe ndryshimin e Ligjit për Patentë Shofer, etj. (Ndërtesa e Kuvendit, salla N 225, ora 13:00)

 - Mbahet mbledhja e komisionit për Bujqësi, Pylltari, Zhvillim Rural, Mjedis e Planifikim Hapësinor në të cilën do të behët shqyrtimi i Projektligjit për kompleksin memorial Adem jashari në Prekaz, etj. (Ndërtesa e Kuvendit, sallaN 302, ora 13:00)

- Birn dhe Internews Kosova do ta publikojnë Raportin Vjetor të Monitorimit të Gjykatave për vitin 2017. (Ambientet e Objektit A të Pallatit të Drejtësisë, ora 13:30)