24 Shtator 2018

Mësimdhënësve u njihet statusi i viteve të 90-ta

Prishtinë, 11 prill - Projektligji për statusin e punëtorëve të arsimit shqip në Republikën e Kosovës nga viti shkollor 1990-91 deri në vitin 1998-99 është miratuar sot nga Qeveria e Kosovës, duke e përmbyllë kështu premtimin e dhënë nga Kryeministri Ramush Haradinaj për trajtimin e profesorëve që dhanë kontribut në arsimin e Kosovës në këtë periudhë historike, duke ndërtuar sistemin e pavarur arsimorë.

Tani kontribut dhënësit në arsim, të kësaj epoke do të përfitojnë më shumë të ardhura mujore, falë vendimit të sotëm të Qeverisë së Kosovës.

Me këtë rast kryeministri i Republikës së Kosovës, Ramush Haradinaj, kërkoi nga edukatorët, drejtuesit e shkollave dhe nxënësit që të kthehen në shkolla dhe t’i përkushtohen procesit të mësimit dhe rezultateve konkrete në testin e PISA-as.

Bazuar në vendimin e sotëm të Qeverisë, pajisjet për teknologjinë informative do të lirohen nga dogana, si nismë për të siguruar qëndrueshmëri në zhvillimin ekonomik. Ngjashëm, me një vendim tjetër të Qeverisë së Kosovës, janë liruar nga dogana importi i pjesëve rezervë për subjektet e regjistruara si subjekte prodhuese në Administratën Tatimore të Kosovës.

Gjithashtu është iniciuar negocimi i Marrëveshjes mes Qeverisë së Republikës së Kosovës dhe Qeverisë së Republikës së Maltës për shmangien e tatimit të dyfishtë dhe parandalimin e evazionit fiskal dhe tatimit në të hyra dhe kapital.

Një marrëveshje e tillë është miratuar që të nis edhe në mes të Qeverisë së Republikës së Kosovës dhe Qeverisë së Republikës së Lituanisë.

Qeveria i ka dhënë dritën jeshile edhe Koncept dokumentit për parandalimin dhe kontrollin e integruar të ndotjes në Republikën e Kosovës, dokument ky që identifikon problemet dhe sfidat që lidhen me përmirësimin e legjislacionit ekzistues që rregullon procedurën e lejimit të aktiviteteve të caktuara industriale, bazuar në direktivat e BE-së dhe në përpjekje për të përmirësuar ambientin dhe shëndetin.

Po sot, Kabineti Qeveritar ka miratuar vendimin për shpronësimin e pronave për interes publik, prona këto që preken nga ndërtimi i rrugës nacionale Prishtinë-Pejë dhe gjenden në zonën kadastrale Sllatinë e Madhe të komunës së Fushë Kosovës dhe në një pikë tjetër të rendit të ditës Kabineti Qeveritar është informuar për propozimin e mekanizmit punues për Asociacionin e Komunave me shumicë serbe në Kosovë.

Kryeministri ka shtruar nevojën e zbatimit të Ligjit për sponsorizime dha ka informuar kabinetin qeveritar se është duke pritur propozimin e partnerit qeverisës për pozitën e Ministrit të Punëve të Brendshme nga ana e Aleancës Kosova e Re.

 

Kalendari

Ngajrjet e datës 24 shtator 2018 - Mbahet mbledhja e Komisionit për Administratë Publike, Qeverisje Lokale dhe Media në të cilën do të behët shqyrtimi i Projektligjit për Transmetuesin Publik të Kosovës, shqyrtimi i Projektligjit për Pagat në Sektorin Publik, etj. (Ndërtesa e Kuvendit, salla N204, ora 10:00)

- Misioni i OSBE-së do të publikojë dy raporte që kanë të bëjnë me legjislacionin dygjuhësh dhe respektimin e të drejtave gjuhësore në Policinë e Kosovës, në kuadër të aktiviteteve të shumta për shënimin e Ditës Evropiane të Gjuhëve. (Swiss Diamond Hotel, ora 10:30)

- Grupi për Studime Juridike dhe Politike organizon tryezën e Diskutimit me temë "Monitorimi i Planit Strategjik të KPK-së: Ku po qëndron sistemi prokurorial në luftën kundër korrupsionit dhe krimit ekonomik?". (Hotelin Swiss Diamond, ora 10:30)

- Ministria e Kulturës, Rinisë dhe Sportit mban ceremonin e ndarjes së certifikatave për të rinj për shkathtësitë e buta. (Salla e konferencave Orion, përballë Kino ABC, ora 10:30)

- Në kuadër të Javës së Sportit Evripian Federate e çiklizimit te Kosovës organizon garën e hapur çiklistike për të gjitha kategoritë dhe grupmoshat nga 20 deri 100 km. (Gjilan, ora 11:00)

- Ministri i Arsimit, Shkencës dhe Teknologjisë, Shyqiri Bytyqi do të shoqëroj Drejtoreshën e Korpusit të Paqës, Dr. Darlene Grant, gjatë vizitës ku ata do të përcjellin një Vullnetare të Korpusit të Paqës në punë në shkollën e saj në një fshat të Kosovës. (Shkolla fillore “Nëna Tereza”, fshati Vranidoll, ora 11:15)

- Organizata ETEA, në bashkëpunim me Komunën e Prishtinës, do ta organizojë “Ditën e Librit të Ndaluar” me temën “Librat digjen, (por) idetë jo”, si përgjigje ndaj cenzurës, me theks të veçantë te cenzurimi i librave. (Sheshi “Zahir Pajaziti”, ora 12:00)

- Mbahet mbledhja e Komisionit për Shëndetësi, Punë dhe Mirëqenie Sociale në të cilën do të behët shqyrtimi i Projektligjit për ratifikimin e Marrëveshjes për sigurime sociale ndërmjet Republikës së Kosovës dhe Konfederatës së Zvicrës, ndërmjet Republikës së Kosovës dhe Mbretërisë së Belgjikës. (Ndërtesa e Kuvendit, salla N 302, ora 13:00)

- Ministri i Financave Bedri Hamza dhe drejtoresha për Eksport në UniCredit Bank Austria AG Sabina Eder do të nënshkruajnë marrëveshjen për kredi në vlerë prej 5.349 milionë euro për financimin e projektit të trajtimit të ujërave të zeza në Komunën e Podujevës. (Ndërtesa e  Qeverisë, kati 11, ora 15:00)

- Mbahet diskutim i hapur me shkrimtarin dhe publicistin Veton Surroi mbi temën “Librat digjen, (por) idetë jo” me moderim nga Liridona Sijarina. (Lapidariumi i Muzeut Kombëtar të Kosovës, ora 15:00)

- Anëtarët e Komisionit për të Drejtat e Njeriut, Barazi Gjinore, për Persona të Pagjetur dhe Peticione takohen me Robert Gajda, Komisioner për Mbrojtjen nga Diskriminimi në Republikën e Shqipërisë.  (Ndërtesa e Kuvendit, salla N 302, ora 15:00)

- Organizohet shfaqja e filmit “Fahrenheit 451” në bashkëpunim me “Film n’park”. (Parku i Qytetit të Prishtinës, ora 19:00)