20 Janar 2020

MASHT i jep prioritet procesit të teksteve të reja shkollore

Prishtinë, 25 prill - Ministri i Arsimit, Shkencës dhe Teknologjisë, Shyqiri Bytyqi mbajti konferencë për media lidhur me procesin e teksteve të reja shkollore, me ç’rast janë dhënë informata për ecurinë e procesit në të dy fazat, të cilat janë zhvilluar në formë të Kampusit.

Ministri Bytyqi në fjalën e tij ka bërë të ditur se, MAShT ka bërë thirrje publike për recenzentët e dorëshkrimeve edhe pse në bazë të ligjit, recenzentët mund të emërohen në mënyrë direkte dhe për këtë është formuar një komison profesional.

Ministri Bytyqi theksoi se, të gjitha dorëshkrimet të cilat kanë qenë pjesë e këtij procesi kanë qenë të koduara dhe do të vazhdojnë të jenë deri në përfundim të procesit, ndërkaq shtoi se tesktet e përzgjedhura fillimisht do të pilotohen.

Ministi Bytyqi po ashtu bëri të ditur se, organizmi i kampuseve ku është bërë vlerësimi i dorëshkrimeve nuk kanë tejkaluar planifikimin buxhetor.

“Buxhetimi nga ana e KEPSh ka rezultuar pozitiv, jemi nën koston e buxhetimit i cili ka qenë i planifikuar. Kemi shpenzuar shumë më pak se sa kemi planifikuar dhe në mënyrën më të mirë është ruajtuar paraja pubilike. Jemi munduar të krijiojmë kushte sa më të mira për recenzentë. Faza e parë ku është punuar në tekstet e klasave 1, 6 dhe 10 ka kushtuar 27 mijë e 480 euro, faza e dytë ku është punuar me tektet e klasave 2, 7 dhe 11 ka kushtuar 34 260 euro, ndërsa faza e tretë i cili është organizuar në Emerald ka kushtuar 12 564”, ka thënë ministri Bytyqi.

Ministri Bytyqi gjithashtu ka thënë se, MAShT ka marrë të gjitha masat profesionale dhe logjistike që procesi të shkojë sa më mirë dhe mbarë, duke qenë të vetëdijshëm për ndjeshmërinë e procesit.

 

Kalendari

Ngjarjet e datës 21 janar 2020 - Komuna e Rahovecit mban mbledhjen e parë të rregullt të Komiteti për Politik dhe Financ. (Salla e mbledhjeve të Kuvendit Komunal të Rahovecit, ora 10:00)

- Me rastin e 14-vjetorit të vdekjes së Presidentit Historik Dr. Ibrahim Rugova bëjnë homazhe te varri i tij. (Velani, ora 10:30) 

- Kryeministri në detyrë Ramush Haradinaj bën homazhe te varri i ish-Presidentit të Kosovës, Ibrahim Rugova, në përvjetorin e vdekjes së tij. (Velani, ora 10:30)

- Anëtarë të Kryesisë së Lidhjes Demokratike vizitojnë Familjen Rugova. (Velani, ora 10:45)

- Qendra e Lëvizjes në Prishtinë mban konferencë për media në lidhje me projektet e ndërtimit në Liqenin e Badovcit. (Qendra e Lëvizjes në Prishtinë, ora 11:00)

- Komuna e Prishtinës shënon Ditën e Arkivit me promovimin e katallogut të dokumenteve Osmane në Arkivin Komunal të Prishtinës. (Salla e Kuvendit Komunal, ndërtesa e vjeter e Komunës, ora 11:00)

- Prokuroria Themelore në Prizren mban konferencë për media ku do të prezantohet raporti i punës për vitin 2019 dhe objektivat e kësaj prokurorie për vitin 2020. (Zyra e Kryeprokurorit në Prokurorinë Themelore në Prizren, rruga William Walker, ora 11:00)

- Lidhja Demokratike e Kosovës organizon Akademi Përkujtimore për Presidentin Historik Dr. Ibrahim Rugova. (Hotel Emerald, ora 12:00)

- Mbahet mbledhja e Kryesisë të Lidhjes Demokratike e Kosovës. (Selia e LDK-së, ora 14:00)

- Fondacioni Kosovar Trashëgimia Kulturore pa Kufij, CHwB Kosova organizon prezantimin e librit "Qyteti në Miniaturë". (Shkolla speciale për të verbër në Pejë, ora 14:00)

- Komuna e Gjilanit organizon Akademi Përkujtimore për Presidentin Historik Dr. Ibrahim Rugova. (Teatri i qytetit te Gjilanit, ora 16:30)

- Komuna e Rahovecit organizon debat publik me banor të fshatit Opterushë dhe fshatrave për rreth për krijimin e Zonës Ekonomike. (Objekti i Shkollës Fillore të Mesme të Ulët ”Lidhja e Prizrenit” në fshatin Opterushë, ora 17:00)