16 Dhjetor 2019

Kualiteti i programeve post-diplomike shumë i varfër

Prishtinë, 30 maj - ORCA konfirmon gjetjet e Komisionit Evropian i cili në Raportin për Kosovën 2019, i cili u publikua dje më 29 maj, ka theksuar dy çështje shumë me rëndësi për arsimin e lartë që lidhen me punën e drejtpërdrejtë të ORCA-s dhe partnerëve të saj.

1. Siç thuhet në raport “kualiteti i programeve post-diplomike që përgatisin për karrierë hulumtimi, janë të varfëra, ku të dyja llojet, institucionet publike dhe private, aplikojnë kritere jo të njejta për avancime të bazuara në hulumtim dhe publikim shkencor”.

ORCA i bën thirrje MAShT që ta adresojë këtë çështje duke rritur kriteret në udhëzimet administrative përkatëse si dhe duke detyruar institucionet private të arsimit të lartë t’u binden rregullativave në fuqi për avancime akademike, hulumtim shkencor dhe sigurim të cilësisë në përgjithësi.

2. Po ashtu ky raport thekson shqetësimin për avancime jomeritore si dhe për mungesë të transparencës në rekrutimin e stafit mësimdhënës në të gjitha nivelet. “Mediat dhe organizatat e shoqërisë civile vazhdimisht kanë ekspozuar rastet e plagjiaturës dhe avancimeve akademike bazuar në influencë politike dhe nepotizëm, përpara se në merita, shpesh duke involvuar profesorët në pozita të larta menaxheriale.” – thuhet në raport. “Mungesa e transparencës në rekrutimin e stafit mësimdhënës dhe stafit menaxherial mbetet çështje në të gjitha nivelet e arsimit” – vazhdon raporti në fjalë.

ORCA konsideron se jemi në momentin e fundit si shoqëri dhe institucione relevante të arsimit për ta ngritur cilësinë dhe për ta unifikuar atë në të dy sektoret. Me gjithë progresin e shënuar nga Universiteti i Prishtinës si lider i institucioneve të arsimit të lartë si në sektorin publik si në atë privat, ORCA i bën thirrje Universitetit që me rastin e ndryshimit të rregullores për avancime që do të ndodh javën e ardhshme, të ngris kriteret. Viti 2020 duhet ta gjejë UP-në me rregullativë dhe kritere të zbatueshme që i përshtaten targeteve evropiane, e po ashtu duke luajtur rolin e vet në shoqëri si institucioni më i vjetër, më i mirë e më i rëndësishëm i arsimit të lartë në vend.



 

Kalendari

Ngjarjet e datës 16 dhjetor 2019

- Policia e Kosovës, konkretisht Drejtoria e Policimit në Bashkësi dhe Preventivë dhe Komiteti Lokal për Siguri Publike nga komuna e Vushtrrisë organizon takimin e nëntëmbëdhjetë të Këshillit Ekzekutiv të Komiteteve Lokale për Siguri Publike. (Hotel Emerald, ora 10:00) 
 
- Komuna e Deçanit dhe Ministria e Arsimit vendosin gurthemelin për ndërtimin e objektit të ri të Shkollës Fillore të Mesme dhe të Ulët 'Lidhja e Prizerenit'. (Deçan, ora 12:00) 

 

- Mbahet ceremonia e dorëzimit të pajisjeve mjekësore për Klinikën e Neonatologjisë dhe Pediatrisë në Spitalin e Mitrovicës, pajisje keto të financuara nga partneri jonë Raiffeisen Bank në Kosovë.  (Spitali i Mitrovicës, Klinika e Neonatologjisë, ora 14:00)