21 Shtator 2018

Kryeministri kërkoi angazhim të përgjithshëm në përgatitjet për Testin PISA

Prishtinë, 3 janar - Ministri i  Arsimit, Shkencës dhe Teknologjisë, Shyqiri Bytyqi priti sot në takim kryeministrin e Republikës së Kosovës, Ramush Haradinaj, me ç’rast biseduan për zhvillimet e aktuale në fushën e arsimit, sfidat dhe vështirësitë me të cilat ballafaqohet ky sektor, me theks të veçantë përgatitjet për testin PISA 2018.

Kryeministri Haradinaj dhe ministri Bytyqi u shprehën se, gjendja në arsim nuk është në nivel të kënaqshëm, njëherësh theksuan nevojën e angazhimit të të gjithë akterëve në arritjen e rezultateve më të mira në testin PISA 2018, i cili do të mbahet në fund të muajit prill.

Kryeministri Haradinaj ka thënë se, duhet të merret me seriozitet të plotë rëndësia e Testit PISA dhe për këtë një pjesë të madhe të përgjegjësisë do ta kenë edhe kryetarët e komunave dhe drejtorët e Drejtorive Komunale të Arsimit.

Kryeministri kërkoi angazhim të përgjithshëm në përgatitjet për Testin PISA 2018, me qëllim që të mos përsëriten rezultatet e testit paraprak.

Ndërsa,  ministri Bytyqi fillimisht shpehu kënaqësinë e tij për vizitën e kryeministrit Haradinaj në ditën e parë të punës në vitin 2018 dhe tha se kjo tregon që kryeministri dhe Qeveria e Kosovës është duke i kushtuar rëndësi të madhe arsimit.

Ministri Bytyqi tha se, jemi të përkushtuar që gjendja në arsim të përmirësohet në mënyrë graduale dhe të sigurtë, e cila edhe do të ofronte mundësi për një arsim cilësor për të rinjtë tanë.

Ministri Bytyqi po ashtu e ka siguruar kryeministrin Haradinaj se do të merren të gjitha përgjegjësitë, që vërtetë kësaj radhe rezultatet në Testin PISA të jenë më të mira se sa ato të vitit 2015.

 “Në kuadër të shumë temave të cilat i diskutuam, morëm përkrahjen e jashtëzakonshme të kryeministrit për testin PISA. Jemi duke punuar që të jemi sa më të përgatitur në këtë test që do të ndodh në fund të muajit prill. Ne e njoftuam kryeministrin për detajet e Komisionit PISA dhe angazhimet e përgjithshme për punën dinamike që do të bëhen deri në këtë datë”, u shpreh ministri Bytyqi.

Gjatë vizitës të cilën kryeministri Haradinaj i bëri Ministrisë së Arsimit, ministri Bytyqi shpalosi disa nga prioritet dhe objektivat të cilat ka për synim ti realizojë gjatë mandatit të tij, për çka mori mbështetjen nga kryeministri, ndërkaq u diskutua edhe për çështjen e sigurisë në shkollat e Kosovës. 

Kalendari

Ngajrjet e datës 21 shtator 2018

- Kolegji “Tempulli” i mbeshtetur nga Oda Ekonomike Gjermane dhe Asociacioni Kosovar i Motorizimit organizojnë tryezë diskutimi për të shënuar Ditën Evropiane pa Viktima në Rrugë. (Ndërtesa e OEGJK, në Zonën Industriale në Fushë Kosovë, ora 9:00)

- Let’s Do It Kosova organizon aksioni i radhës në kuadër të fushatës “Ta Pastrojmë Kosovën”. (Pranë stadiumit “Fadil Vokrri”, ora 9:00)

- Kryeministri Ramush Haradinaj merr pjesë në aksionin e pastrimit në kuadër të Task Forcës “Ta pastrojmë Kosovën”. (Deponia pranë Stadium “Fadil Vokrri”, ora 9:00)

- Universiteti “Kadri Zeka” në Gjilan organizon provimin pranues për studentë të rinj. (Universiteti i Gjilanit, ora 9:00)

-  Oda Ekonomike Amerikane në Kosovë organizon tryezën e titulluar “Disponueshmëria e Fuqisë Punëtore në Kosovë”. (Salla e Konferencave Orion, ora 10:00)

- Projekti rajonal "Rrjeti i Veprimit për Ndërtimin e Ripërtritjes Urbane në Evropën Juglindore" organizon një ceremoni nënshkrimi të Marrëveshjes Ndër - Komunale për themelimin e rrjetit "Ripërtëritja nga Fatkeqësitë për komunat e Istogut, Klinës, Malishevës dhe Pejës”. (Hotel Swiss Diamond, ora 10:00)

- Në Kuvendin e Republikës së Kosovës bëhen homazhe me rastin e rivarrimit të Kolonel Ahmet Krasniqi dhe Qazim Jakupi. (Holli i Kuvendit, ora 10:00)

- Kryeparlamentari Kadri Veseli bënë homazhe me rastin e rivarrimit të dëshmorit Ahmet Krasniqi. (Holli i Kuvendit, ora 10:00)

- Kryeministri Ramush Haradinaj bënë homazhe pranë arkivolit të Dëshmorëve të Kombit, Kolonel Ahmet Krasniqi dhe Qazim Jakupi. (Holli i Kuvendit të Kosovës, ora 10:00)

- Ushtrues i Detyrës së Ministrit të Mjedisit dhe Planifikimit Hapësinor, Fatmir Matoshi  do të vizitojë Komunën e Prizrenit, ku së bashku me kryetarin e kësaj komune, Mytaher Haskuka do të nënshkruajnë një memorandum bashkëpunimi për ndërtimin e deponisë së mbeturinave inerte. (Ndërtesa e komunës se Prizrenit, ora 10:15) 

-  Promovohet raporti 'Stafi Akademik i UP-së - studimet, angazhimet tjera, plagjiaturat, vlerësimet e profesorëve dhe përpjesa staf-studentë e studentë-hapësirë', mes tjerash, do të publikohen rastet e 16 profesorëve të Universitetit të Prishtinës që ndër vite kanë kryer plagjiaturë. (Qendra Informative Kulturore e BE-së, ora 11:00)

- Kryeparlamentari Kadri Veseli merr pjesë në manifestimin për 20 vjetorin e rënies së Dr. Lec Gradica. (Fshati Gradicë në Drenas, ora 12:00)

- Kryeministri Ramush Haradinaj merr pjesë në Akademinë Përkujtimore për Dëshmorët e Kombit, Kolonel Ahmet Krasniqi dhe Qazim Jakupi. (Teatri Kombëtar, ora 12:30)

- Kryeministri Ramush Haradinaj merr pjesë në Rivarrimin e Dëshmorëve të Kombit, Kolonel Ahmet Krasniqi dhe Qazim Jakupi. (Varrezat e Dëshmorëve, ora 14:00)

- Mbahet ceremonia e nënshkrimit të Memorandumit të Mirëkuptimit në mes të Universitetit të Prishtinës “Hasan Prishtina” dhe EuroMetal-it. (Rektorati i UPHP-së, ora 14:00)

- Academic English Center KS  organizon ngjarjen e promovimit të librit të parë me thënje në gjuhën angleze, botim i parë i këtij lloji me autor kosovar i lindur në Libi. (Ambientin e qendrës Academic English Center KS, afër sheshit “Zahir Pajaziti” , mbrapa bankës TEB, ora 19:00)