25 Maj 2018

Kosova dhe Shqipëria angazhohen për mësimin e gjuhës shqipe në diasporë

Tiranë, 14 shkurt - Në Tiranë është mbajtur takim i përbashkët i Ministrisë së Arsimit , Shkencës dhe Teknologjisë, e përfaqësuar nga zëvendësministri i Arsimit, Heset Sahiti, Ministrisë për Diasporë dhe Investimeve Strategjike të Kosovës, e përfaqësuar nga ministri Dardan Gashi, Ministrisë për Diasporë të Shqipërisë, e përfaqësuar nga ministri Pandeli Majko, Ministrisë së Arsimit, Shkencës, Rinisë dhe Sportit të Shqipërisë, e përfaqësuar nga ministrja Lindita Nikolla dhe zëvendësministrja Besa Shahini.

Në këtë takim, u fol për sukseset dhe sfidat  lidhur me organizimin e mësimit plotësues në diasporë, ndërsa u theksua nevoja për thellimin e bashkëpunimit ndërshtetëror  dhe koordinimin e aktiviteteve në këtë drejtim.

Po ashtu, gjatë këtij takimi, u shqyrtuan mundësitë dhe modalitetet e implementimit të marrëveshjeve të Qeverisë së Kosovës dhe asaj të Shqipërisë të nënshkruara nga ministrat përkatës në vitin 2015  dhe 2017 lidhur me bashkëpunimin e ndërsjellë, financimin dhe organizimin e përbashkët të mësimit të gjuhës shqipe dhe kulturës shqiptare në diasporë.

Zyrtarët e lartë të dy shteteve, vendosën që të themelohet një këshill, apo qendër e përbashkët koordinuese, me qendër në Prishtinë, me qëllim të rritjes së efikasitetit të veprimit konkret në të ardhmen.

Gjatë këtij takimi, u bisedua edhe për finalizimin e kurrikulës së përbashkët për diasporë, tekstet mësimore dhe Seminarin tradicional për mësimdhënësit e diasporës dhe aktivitete tjera të përbashkëta.

Gjatë ditës së sotme janë mbajtur edhe takime të grupeve punuese, ekspertëve për hartimin e kurrikulës së përbashkët për diasporë,  e cila së shpejti do të finalizohet.

 

Kalendari

Ngjarjet e datës 25 Maj 2018 - Nën organizimin e Drejtorisë për Kulturë, Rini dhe Sport në Gjilan, Drejtorisë së Arsimit dhe Komitetit Olimpik të Kosovës mbahet aktiviteti i vrapimit të fëmijëve të lindur në vitin e shpalljes së Pavarësisë së Republikës së Kosovës, në shënim të Dites Olimpike. (Kazerma e FSK, ora 9:00)

- Agjencia e Punësimit në bashkëpunim më Programin e Kombeve të Bashkuara për Zhvillim mban ceremoninë e nënshkrimit të marrëveshjeve në mes të përfituesve të programeve aktive të tregut të punës, ku do të përfitojnë 270 punëkërkues. (Hotel Sirius, ora 10:00)

- Përfaqësues të Agjencisë për Menaxhimin e Komplekseve Memoriale dhe Komisionit Qeveritar për Persona të Zhdukur raportojn para Komisionit për të Drejtat e Njeriut, Barazi Gjinore, për Persona të Pagjetur dhe Peticione lidhur me gjendjen e memorialëve të Kosovës. (Ndërtesa e Kuvendit, salla N 303, ora 10:00)

- Nënkryetari i Komunës së Gjilanit, Arbër Ismajli merr pjesë në shpërndarjen e 90 pakove ushqimore për familjet në nevojë nga ana e organizatës Islamic Relief Kosova. (Gjilan, ora 11:00)

- Kryeministri Ramush Haradinaj pret në takim përfaqësues të klubit të futbollit “Drita” të Gjilanit, kampione e sivjetme. (Ndërtesa e Qeverisë, ora 11:00)

- Lidhja Demokratike e Kosovës mbanë konferencën e rregullt javore. (Selia qendrore e LDK-së, te Qafa, ora 11:00)

- Art and Community Center - Artpolis mban konferencë për medie lidhur me organizimin e edicionit të 6-të të festivalit më të madh feminist në Ballkan, FemArt. (Rings Restaurant, ora 12:00)

- Mbahet "Kumihimo Workshop"! në të cilen Hoko Tokoro, prezanton teknikën tradicionale Japoneze të quajtur Kumihimo, për krijimin e gërshetave me ngjyra nga fijet e mëndafshit. (Ambientet e Muzeut të Kosovësora 13:30)

- Lëvizja Vetëvendosje! do të organizojë tryezën e titulluar "Zgjidhja nëpërmjet zgjedhjeve", ku do jenë të ftuara subjektet politike në Kosovë. (Ambientet e Kuvendit)