10 Gusht 2020

Konstituohet Këshilli për Arsim dhe Aftësim Profesional

Prishtinë, 12 korrik - Këshilli për Arsim dhe Aftësim Profesional është konstituuar sot në mbledhjen e parë, me një përbërje të re.

Ragip Gjoshi, këshilltar i ministrit, ka përshëndetur formimin e Këshillit dhe ka thënë se funksionalizimi i këtij këshilli është më se i domosdoshëm, ngase ky këshill do të rishikojë çështjet e zhvillimit të arsimit dhe aftësimit profesional.

Këshilli që përbëhet nga 15 anëtarë të profileve të ndryshme ka zgjedhur edhe organet e veta, si dhe ka themeluar grupin punues për rishikimin dhe plotësimin e rregullores së KAAP dhe grupin për hartimin e planit të punës.

Kryetar i këtij këshilli është zgjedhur Ragip Gjoshi, ndërsa nënkryetar Besim Mustafa nga Oda Ekonomike e Kosovës.

Ndryshe, KAAP do të rishikojë çështjet e zhvillimit të arsimit dhe aftësimit profesional, do të japë këshilla, propozime dhe rekomandime MAShT-it, përfshirë propozimet për ligjet dhe dokumentet tjera zyrtare lidhur me arsimin profesional.

Gjithashtu, do të sigurojë një forum gjithëpërfshirës për harmonizimin e politikave dhe qasjeve përgjatë tërë sistemit të arsimit dhe aftësimit profesional, nëpërmjet angazhimit të partnerëve shoqërorë dhe bartësve tjerë me interes.

Kalendari

Ngjarjet e datës 9 Gusht 2020

- Qendra në Shtetet e Bashkuara të Amerikës organizon Tubimin e parë interaktiv virtual me Kryeministrin e katërt të Republikës së Kosovës, Albin Kurti, për të diskutuar situatën aktuale politike në Republikën e Kosovës dhe rolin që mund të luajnë shqiptaro-amerikanët dhe shqiptaro-kanadezët në zgjedhjet e ardhshme. (Virtualisht në Zoom:  https://bit.ly/LVVShBAAug9, 13:00)

- Komisioni për Shëndetësi dhe Mirëqenie Sociale, mban dëgjim publik për Projektligjin për parandalimin dhe luftimin e Pandemisë COVID-19 në territorin e Republikës së Kosovës. (Kuvendi salla C 301, ora 13:00)

- Partia Demokratike mban konferencë për media. (Selia qendrore e PDK-së, ora 16:00)