24 Shtator 2018

Komiteti i Arsimit kërkon largimin e përmbajtjeve ofenduese nga tekstet shkollore

Gjilan, 1 nëntor - Komiteti i Arsimit i Komunës së Gjilanit ka mbajtur mbledhjen e fundit për këtë mandat, ku ka diskutuar disa prej çështjeve aktuale në fushën e arsimit, duke kërkuar që sa më parë të funksionalizohet çerdhja e re në lagjen “Dardania I”, ndërkohë që përfaqësuesit e Drejtorisë së Arsimit kanë dhënë njoftime në lidhje me konkurset e fundit për disa drejtorë të shkollave.

Komiteti ka kërkuar që sa më parë të pajisen me ditarë pune të gjithë mësimdhënësit dhe të mos kërkohet prej tyre që të blejnë  fletore pune si zëvendësim të ditarëve, që është obligim i Komunës t`i sigurojë.

Kryesuesi i kësaj trupe komunale, Arben Mehmeti, ka thënë se Komiteti i Arsimit ka reaguar publikisht ndaj përmbajtjes së disa teksteve shkollore, ku diskreditohen fëmijët me sindromën down dhe ka kërkuar nga Ministria e Arsimit që urgjentisht të merret me këtë problematikë dhe të mënjanojë përmbajtjet e tilla skandaloze, sepse të gjithë fëmijët, pa dallim janë pjesë e barabartë e shoqërisë.

Përndryshe, në këtë takim, të fundit për këtë përbërje, anëtarët e Komitetit u shprehën në mënyrë afirmative për punën e kësaj trupe komunale, e cila nga shoqëria civile është vlerësuar si një nga komitetet më të suksesshme në nivel vendi, meqë ka dhënë rekomandime, udhëzime e sugjerime profesionale, përmbajtjesore e konsensuale në shumicën e rasteve.

“Këto parime të punës së kësaj trupe komunale, kanë qenë model se si duhet të funksionojë një ekip profesional në kryerjen e obligimeve të veta”, ka thënë Arben Mehmeti, kryesues i Komitetit të Arsimit.
 

Kalendari

Ngajrjet e datës 24 shtator 2018

- Mbahet mbledhja e Komisionit për Administratë Publike, Qeverisje Lokale dhe Media në të cilën do të behët shqyrtimi i Projektligjit për Transmetuesin Publik të Kosovës, shqyrtimi i Projektligjit për Pagat në Sektorin Publik, etj. (Ndërtesa e Kuvendit, salla N204, ora 10:00)

- Misioni i OSBE-së do të publikojë dy raporte që kanë të bëjnë me legjislacionin dygjuhësh dhe respektimin e të drejtave gjuhësore në Policinë e Kosovës, në kuadër të aktiviteteve të shumta për shënimin e Ditës Evropiane të Gjuhëve. (Swiss Diamond Hotel, ora 10:30)

- Grupi për Studime Juridike dhe Politike organizon tryezën e Diskutimit me temë "Monitorimi i Planit Strategjik të KPK-së: Ku po qëndron sistemi prokurorial në luftën kundër korrupsionit dhe krimit ekonomik?". (Hotelin Swiss Diamond, ora 10:30)

- Ministria e Kulturës, Rinisë dhe Sportit mban ceremonin e ndarjes së certifikatave për të rinj për shkathtësitë e buta. (Salla e konferencave Orion, përballë Kino ABC, ora 10:30)

- Në kuadër të Javës së Sportit Evripian Federate e çiklizimit te Kosovës organizon garën e hapur çiklistike për të gjitha kategoritë dhe grupmoshat nga 20 deri 100 km. (Gjilan, ora 11:00)

- Ministri i Arsimit, Shkencës dhe Teknologjisë, Shyqiri Bytyqi do të shoqëroj Drejtoreshën e Korpusit të Paqës, Dr. Darlene Grant, gjatë vizitës ku ata do të përcjellin një Vullnetare të Korpusit të Paqës në punë në shkollën e saj në një fshat të Kosovës. (Shkolla fillore “Nëna Tereza”, fshati Vranidoll, ora 11:15)

- Organizata ETEA, në bashkëpunim me Komunën e Prishtinës, do ta organizojë “Ditën e Librit të Ndaluar” me temën “Librat digjen, (por) idetë jo”, si përgjigje ndaj cenzurës, me theks të veçantë te cenzurimi i librave. (Sheshi “Zahir Pajaziti”, ora 12:00)

- Kryetari i LDK-së, Isa Mustafa mban mbledhje me Grupin Parlamentar të LDK-së. (Hotel Sirius, ora 12:00)

- Mbahet mbledhja e Komisionit për Shëndetësi, Punë dhe Mirëqenie Sociale në të cilën do të behët shqyrtimi i Projektligjit për ratifikimin e Marrëveshjes për sigurime sociale ndërmjet Republikës së Kosovës dhe Konfederatës së Zvicrës, ndërmjet Republikës së Kosovës dhe Mbretërisë së Belgjikës. (Ndërtesa e Kuvendit, salla N 302, ora 13:00)

- Kryetari i LDK-së, Isa Mustafa mban mbledhje me kryesinë e LDK-së. (Hotel Sirius, ora 14:00)

- Ministri i Financave Bedri Hamza dhe drejtoresha për Eksport në UniCredit Bank Austria AG Sabina Eder do të nënshkruajnë marrëveshjen për kredi në vlerë prej 5.349 milionë euro për financimin e projektit të trajtimit të ujërave të zeza në Komunën e Podujevës. (Ndërtesa e  Qeverisë, kati 11, ora 15:00)

- Mbahet diskutim i hapur me shkrimtarin dhe publicistin Veton Surroi mbi temën “Librat digjen, (por) idetë jo” me moderim nga Liridona Sijarina. (Lapidariumi i Muzeut Kombëtar të Kosovës, ora 15:00)

- Anëtarët e Komisionit për të Drejtat e Njeriut, Barazi Gjinore, për Persona të Pagjetur dhe Peticione takohen me Robert Gajda, Komisioner për Mbrojtjen nga Diskriminimi në Republikën e Shqipërisë.  (Ndërtesa e Kuvendit, salla N 302, ora 15:00)

- Partia Socialdemokrate bën hapjen e zyrave në qytetin e Mitrovicës. (Zyrat gjenden në afërsi të Raiffeisen Bank dhe IPKO-s, ora 18:00)

- Organizohet shfaqja e filmit “Fahrenheit 451” në bashkëpunim me “Film n’park”. (Parku i Qytetit të Prishtinës, ora 19:00)