15 Gusht 2020

KMDLNJ: Përgjegjësi për dështimet në provimin e maturës

Prishtinë, 6 korrik - Për dallim nga viti i kaluar, testi i maturës këtë vit u nda në dy pjesë dhe u dyfishua numri i pyetjeve mbase me qëllim të rritet numri i nxënësve me rezultate pozitive. U bënë përpjekje që organizimi i testit të maturës të përmirësohet.


Në një reagim të KMDLNJ, theksohet se rezultatet e publikuara treguan se nuk është arritur asnjë qëllim. Shkalla e kalueshmërisë mbetet e ulët ndërsa edhe organizimi është i dobët, lejimi i celularëve, kopjimi në njëqind mënyra e zbehin edhe këtë përqindje të kalueshmërisë e cila nuk është pasqyrë e vërtetë e dijes së nxënësve që iu nënshtruan testit të maturës.

KMDLNJ konstaton se gjendja në arsim përkatësisht cilësia e nxënies së dijes është shumë e ulët, në të gjitha nivelet, nga ai fillor deri te ai universitar.

Ministria e Arsimit duhet të rishikojë politikat në arsim e në kontekst të kësaj arsyshmërinë e mbajtjes së testit të maturës ku 50% e nxënësve ngelin në rrugë pa të drejtë studimi. Për këto dështime dikush duhet të japë përgjegjësi, thuhet në një komunikatë të KMDLNJ.

KMDLNJ gjithashtu fuqishëm e kundërshton mënyrën se si po zgjidhet rektori i Universitetit të Prishtinës e që haptazi është imponues apo marrëveshje politike.

Personat të cilët kandidojnë apo që zgjedhen në postin e rektorit të UP së duhet të jenë jashtë çdo ndikimi politik dhe së paku 3-4 vite të fundit të mos jenë në pozita të larta politike.

Kështu, qysh tash,dihet se kush do të zgjidhet rektor i Universitetit të Prishtinës e që nënkupton degradimin dhe rrënimin e mëtutjeshëm të këtij institucioni të rëndësishëm arsimor.

Sepse emërtimi politik i rektorit të UP së po e shndërron atë në komisar politik të subjektit të caktuar politik dhe për pasoj po e politizon skajshëm universitetin duke shkaktuar përçarje edhe midis studentëve të UP së.


Kalendari

Ngjarjet e datës 15 Gusht 2020

Me rastin e 22 vjetorit të rënies së dëshmorit të kombit, Remzi Ademaj - Komandant Petriti, Komuna e Prizrenit në bashkëpunim me Shoqatën e Veteranëve të Luftës organizon aktivitete përkujtimore.

10:00 - Homazhe në varrezat e dëshmorëve në Landovicë

10:30 - Homazhe tek vendi i rënies në Nashec

11:00 - Homazhe tek monumenti i Lirisë

11:30 - Dhënia vullnetare e gjakut në repartin e transfuzionit të gjakut në Spitalin Rajonal të Prizrenit.

Për shkak të distancës nga qyteti, për këtë aktivitet do të ketë transport të organizuar nga ana e Komunës. Nisja do të bëhet në ora 9:15 nga Shtëpia e Bardhë.