22 Janar 2020

Këshilli Shtetëror i Cilësisë institucioni i vetëm kompetent për akreditim

Prishtinë, 7 qershor - ORCA ka organizuar një tryezë me temën “Akreditimi në Kosovë – Sfidat dhe Planet”. Në këtë tryezë morën pjesë shumë akterë të arsimit të lartë, duke përfshirë përfaqësuesit e Këshillit Shtetëror të Cilësisë, përfaqësues të institucioneve të arsimit të lartë publik dhe privat, përfaqësues të Ministrisë së Arsimit, përfaqësues të shoqërisë civile, dhe studentë.

Në këtë tryezë, ORCA ka prezantuar një letër informuese për procesin e akreditimit në Kosovë, bazuar në monitorimet e saj të mbledhjeve të Këshillit Shtetëror të Cilësisë (bordi i Agjencisë të Kosovës për Akreditim). Gjithashtu, anëtarë të KShC-së prezantuan punën e tyre gjatë vitit të fundit, dhe sfidat me të cilat përballen ata, lidhur me akreditimin, monitorimin, dhe ankimimin e vendimeve të tyre për programet e institucioneve të arsimit të lartë.

Për sa i përket çështjes së Komisionit të Ankesave i cili së fundmi ka dalë nga kompetencat e veta duke kryer praktikisht akreditim në Kosovë, ORCA ritheksoi qëndrimin e saj se i vetmi institucion kompetent për kryerjen e akreditimit në Kosovë mbetet Këshilli Shtetëror i Cilësisë i votuar nga Kuvendi i Republikës me 76 vota dhe i përcaktuar me Ligjin për Arsimin e Lartë. Ky qëndrim u përkrah nga shumica e pjesëmarrësve, dhe nuk pati kundërshtime.
 

Kalendari

Ngjarjet e datës 22 janar 2020 - Agjencia për Mbrojtjen e Mjedisit të Kosovës organizon diten e dytë të takimit rajonal për Ndryshime Klimatike dhe Integrime Evropiane “Zhvillimi i një propozim projekti për ngritjen e kapaciteteve në sektorin e Mjedisit, Integrimeve Evropian dhe Ndryshimeve Klimatike”. (Hotel Sirius, ora 9:30)

- Me rastin e 22 vjetorit të sulmit të dytë të forcave serbe mbi familjen Jashari, Komuna e Skenderajt në bashkëpunim me Shoqatat e dala nga lufta e UÇK-së,  do të organizojnë homazhe në Kompleksin Memorial “Adem Jashari” në Prekaz, në shenjë kujtimi e nderimi të luftës së shenjtë çlirimtare të familjes Jashari. (Prekaz, ora 10:00)

- Mbahet mbledhja e rregullt e Komitetit për Politikë dhe Financa në Komunën e Mitrovicës. (Sallën e Mediave të Komunën se Mitrovicës, ora 10:00)

- Klubi i Prodhuesve organizon tryezën e diskutimit për diskutimin e efekteve të tarifës 100% në ekonominë  e vendit një vit pas vendosjes së kësaj takse. (Orion Conference Centre, ora 10:00)

- Koordinatori Nacional për Kulturë, Rini dhe Sport, Rexhep Hoti, do të bëjë shpërndarjen e librave për nxënësit fitues të nivelit komunal të garës nacionale në Dituri dhe Kreativitet Kulturor e Mendim Kritik në komunën e Vushtrrisë. (Qendr Rinore në Vushtrri, ora 11:00)

- Kryetari Shpend Ahmeti do të nënshkruajë Marrëveshjen e Mirëkuptimit me USAID për zbatimin e Programit per trajtimin e ndertimeve pa leje. (Komuna e Prishtinës, ora 11:00)

- Mbahet mbledhja e Qeverisë së Kosovës në detyrë. (Ndërtesa e Qeverisë, ora 13:00)

- Koordinatori Nacional për Kulturë, Rini dhe Sport, Rexhep Hoti, do të bëjë shpërndarjen e librave për nxënësit fitues të nivelit komunal të garës nacionale në Dituri dhe Kreativitet Kulturor e Mendim Kritik në komunën e Kaçanikut. (Shtëpia e Kulturës "Xheladin Kurtaj" në Kaçanik, ora 14:00)

- Mbahet Festivali i Dramës Origjinale Shqipe “Talia e Flakës 2020”, ku do të marrin pjesë teatrot me shfaqjet më të mira dhe dramat e tyre origjinale shqipe nga Kosova. (Teatri i Qytetit të Gjilanit, ora 19:00)