25 Qershor 2018

Kampusi i ri universitar në Mitrovicë pritet të jetë gati në mars 2018

Mitrovicë, 3 nëntor - Kampusi i ri universitar në Mitrovicë pritet të jetë gati për studentët në mars të vitit të ardhshëm, respektvisht në 5-vjetorin e themelimit të Universitetit “Isa Boletini”. Ministri i Administratës Publike, Mahir Jagxhillar dhe rektori, Alush Musaj, e kanë vizituar të premten kampusin e ri, ku kanë marrë garancione nga punëkryesi se punët do të kryhen për disa muaj.

Ministri Jagxhillar, është interesuar për ecurinë e punës dhe sfidat sa i përket këtij projekti gjigand infrastukturor në Mitrovicë.

“Është një kampus model universitar, prandaj jemi shumë të përkushtuar që punët të kryhen me cilësinë më të lartë”, tha ai.

Sipas tij, tashmë pothuajse janë tejkaluar disa probleme të pazgjidhura pronësore që kanë qenë, prandaj projekti është në rrugë të mbarë.

“Jemi shumë të lumtur që po shohim objekte kaq të bukura që do të jenë në shërbim të studentëve dhe stafit akademik”, theksoi ai.

Ndërsa rektori i Universitetit “Isa Boletini” në Mitrovicë, Alush Musaj, falënderoi ministrin Jagxhillar për mbështetjen dhe interesim e vazhdueshëm për kampusin universitar.

“Po presim me padurim dhe jemi duke marrë të gjitha masat e duhura që të vendosemi në objektet e reja sapo të jenë gati. Këto hapësira do të krijojnë kushte jashtëzakonisht të mira për studentët, stafin akademik dhe stafin administrativ”.

Ai tha se mungesa e hapësirës ka qenë sfida kryesore për Universitetin “Isa Boletini”, meqë është punuar në disa ojekte të improvizuara të ndërrmarrjes “Trepça”.

 “Punët janë duke ecur mirë, prandaj shpresojmë që gjithçka të shkoj mirë dhe në 5-vjetorin e themelimit të Universitetit, të vendosemi në objektet e reja”.

Kampusi i ri është i shtrirë në një hapësirë prej 17 hektarësh, ku tashmë vetëm sa ka pëfunduar një objekt universitar, ndërsa një tjetër dhe rektorati janë në përfundim.

Në kuadër të këtij projekti ka amfiteatro moderne, laboratorë, salla dhe gjithçka kërkohet prej njën objekti modern univëersitar.

Në ndërftim e sipër është edhe rregullimi i një parku brenda hapësirës universitare, ndërsa më vonë planifikohet edhe ndërtimi i konviktegeve dhe mensës. 

  
       

 

Kalendari

Ngjarjet e datës 26 Qershor 2018 - Ministria e Drejtësisë, me mbështetjen e Zyrës së Bashkimit Evropian në Kosovë, organizon tryezën e kampanjës informuese ”Kodi Civil modern qëndron për diversitet dhe mundësi”. (Shtëpia e Kulturës në Mitrovicë, ora 10:30)

- Komisioni për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi mban dëgjim publik lidhur me Projektligjin  për statusin e punëtorëve të arsimit shqip të Republikës së Kosovës nga viti shkollor 1990/91 deri në vitin shkollor 1998/99. (Ndërtesa e Kuvendit, salla N204, ora 11:00)

- Ish punëtorët e ndërmarrjes shoqërore “Ramiz Sadiku” organizojn protestë. (Përpara Prokurorit të Shtetit në rrugën Luan Haradinaj, ora 11:00)

- Mbahet mbledhja e komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të behët shqyrtimi i Projektligjit për rratifikimin e Marrëveshjes ndërmjet Kosovës dhe Bashkimit Evropian mbi pjesëmarrjen e Kosovës në Programin e Unionit "Konkurrenca e Ndërmarrjeve të Vogla dhe të Mesme", etj. (Ndërtesa e Kuvendit, salla N 10, ora 11:00)

- Drejtori i Kadastrit, Sadudin Berisha nga Komuna e Gjilanti mban konferencë të jashtëzakonshme për mediat, për sqaruar dhe faktuar çështjen e pronës së rrethrrotullimit prapa palestrës së sporteve “Bashkim Selishta”. (Këndi i konferencave në Komunën e Gjilanit, ora 11:00)

- Grupi i Grave Deputete të Kuvendit të Republikës së Kosovës do të mbajë takim në Kaçanik, në të cilin do të diskutohet lidhur me shkëmbimin e përvojave në mes nivelit qendror dhe lokal. (Ndërtesa e Komunës së Kaçanikut, ora 11:00)

 - Mbahet mbledhja e komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit në të cilën do të behët shqyrtimi Projektligjit për plotesimin dhe ndryshimin e Ligjit për Patentë Shofer, etj. (Ndërtesa e Kuvendit, salla N 225, ora 13:00)

 - Mbahet mbledhja e komisionit për Bujqësi, Pylltari, Zhvillim Rural, Mjedis e Planifikim Hapësinor në të cilën do të behët shqyrtimi i Projektligjit për kompleksin memorial Adem jashari në Prekaz, etj. (Ndërtesa e Kuvendit, sallaN 302, ora 13:00)

- Birn dhe Internews Kosova do ta publikojnë Raportin Vjetor të Monitorimit të Gjykatave për vitin 2017. (Ambientet e Objektit A të Pallatit të Drejtësisë, ora 13:30)