23 Tetor 2018

Java e shkencës paraqet rrjetëzim të shkencëtarëve nga Kosova dhe rajoni

Prishtinë, 15 maj - Ka filluar punimet Konferenca jubilare „Java e shkencës 2018“, e cila pasqyron të arriturat e Kosovës dhe rajonit në fushën e shkencës për periudhën njëvjeçare.

Punimet e kësaj Konference do të zhvillohen në seanca të ndara në të cilat do të prezantohen punimet hulumtuese-shkencore edhe në tri ditët e ardhshme 16, 17 dhe 18 maj 2018.

Me këtë rast, ministri i Arsimit, Shyqiri Bytyqi, në fjalën e tij të hapjes uroi pjesëmarrësit të cilët me veprimtarinë e tyre hulumtuese-shkencore do të kontribuojnë në zhvillimin ekonomik të vendit.

Ministri Bytyqi tha se „Java e shkencës“ paraqet rrjetëzim të shkencëtarëve të rinjë nga Kosova dhe rajoni, të cilët po na bëjnë krenarë me paraqitjen e tyre çdo herë e më cilësore.

„Është shënuar rritje e vazhdueshme e pjesëmarrjes. Në vitin 2017 kishte rreth 320 autorë dhe bashkautorë nga shtatë vende të rajonit dhe Evropës. Masivizimi i tillë ka realizuar qëllimin e parë, ndërsa këtë vit dhe vitet në vijim fokusi do të përqendrohet në rritjen e cilësisë së punimeve shkencore të paraqitura dhe në ndërkombëtarizimin e kësaj ngjarje me vlerat e prezantimit“, ka thënë ministri Bytyqi.

Ministri Bytyqi ka thënë se, paraqitja dhe prezantimi i punimeve shkencore në të ardhmen do të bazohet në standardet ndërkombëtare, duke shtuar se, kontributi shkencor i kësaj Konference po shënon një ngritje të vazhdueshme vit pas vit, e  cila është arritur me anë të ngritjes së mekanizmave të recensentëve dhe vlerësimeve të Konferencës, si dhe mekanizmave për recensimin e kumtesave të cilat janë pjesë e këtyre prezantimeve.

Ministri Bytyqi po ashtu ka thënë se MAShT-i do të krijojë rrethana mbështetëse për veprimtarinë kërkimore-shkencore, duke përmirësuar bazën ligjore dhe nënligjore dhe ngritur nivelin e financimit të kësaj veprimtarie.

Ndërsa, presidenti i Kosovës, Hashim Thaqi tha se „Java e shkencës“ ka filluar të organizohet në një rrethanë të re, ndërkaq uroi që puna kërkimore- shkencore e cila prezantohet në këtë Konferencë të jetë në funksion të avancimit të dijes.

„Puna kërkimore dhe shkencore vlerësohet si mjeti më i fuqishëm i avancimit të zhvillimit ekonomik dhe shoqëror. Prandaj potenciali i juaj njerëzor, shkencor dhe kulturor si studiues, përbën një mbështetje të fuqishme për të gjitha proceset në të cilat po kalon shteti dhe shoqëria“, ka thënë presidenti Thaqi.

 

Kalendari

Ngjarjet e datës 23 tetor 2018  - Presidenti i Republikës së Kosovës, Hashim Thaçi, pret në takim deputetin e Parlamentit të Gjermanisë, Peter Beyer. (Kabineti i Presidentit, ora 9:00 - vetëm pamje)

- Ministri i Mbrojtjes të Malit të Zi, Predrag Boshkoviç viziton Ministrinë për Forcën e Sigurisë të Kosovës. (Ministria për Forcën e Sigurisë të Kosovës në Prishtinë, ora 9:25)

- Misioni i OSBE-së organizon punëtori për gazetarët me titull mediat në gjykatore në Gjykatat Themelore. (Gjykata Themelore në Prizren, ora 9:30)

- Mbahet mbledhja e Komisionit për Punë të Brendshme, Siguri dhe Mbikëqyrjen e Forcës së Sigurisë së Kosovës në të cilën do të behët formimi i grupeve punuese për Projektligjin për Ministrinë e Mbrojtjes, Projektligjin për Forcën e Sigurisë së Kosovës dhe Projektligjin për Shërbimin në Forcën e Sigurisë së Kosovës. (Ndërtesa e Kuvendit, salla N204, ora 10:00)

- Presidenti i Republikës së Kosovës, Hashim Thaçi pret në takim zëvendës-ndihmës sekretarin e shtetit amerikan, Matthew Palmer.  (Kabineti i Presidentit, ora 10:00 - vetëm pamje)

- Me rastin e vizitës së zotit Peter Beyer, deputet në Bundestag, në Kosovë, Ambasada Gjermane organizon një takim me gazetarë. (Ambasada Gjermane, ora 10:00)

- Policia e Kosovës organizon hapjen e  fushatës së titulluar “Dhuna nuk arsyetohet”.  (Sheshi ”Zahir Pajaziti”, ora 10:00)

 - Mbahet mbledhja e Komisionit për Mbikëqyrjen e Agjencisë së Kosovës për Inteligjencë në të cilën do të behët shqyrtimi i propozimit për mbështetjen e punës së AKI-së. (Ndërtesa e Kuvendit, salla N 10, ora 10:00)

- Grupi për Studime Juridike dhe Politike organizon panelin e diskutimit me temë “Performanca e sistemit gjyqësor dhe prokurorial sipas këndvështrimit dhe vlerësimit të qytetarëve". (Hotel Swiss Diamond, ora 10:30)

- Kryeministri i Republikës së Kosovës pret në takim zëvendës ndihmës Sekretarin e Shtetit Amerikan, Matthew Palmer. (Ndërtesa e Qeverisë, ora 10:45)

- Ministri për Forcën e Sigurisë të Kosovës, Rrustem Berisha dhe Ministri i Mbrojtjes të Malit të Zi, Predrag Boshkoviç mbajnë konferencë për media. (Ndërtesa e Ministrisë se FSK-së, ora 10:50)

- Mbahet mbledhja e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të behët shqyrtimi i Propozim - vendimit të Qeverisë për kandidatet për kryesues të Bordit të ZRRE-së. (Ndërtesa e Kuvendit, salla N 303, ora 11:00)

- Instituti Demokratik i Kosovës mban konferencën për media në të cilën do të paraqiten rekomandimet e KDI-së, lidhur me të drejtat e punëtorëve në sektorin privat dhe rreziqet me të cilat përballen në vendin e punës. (Zyrat e KDI-së, ora 11:00)

- Presidenti i Republikës së Kosovës, Hashim Thaçi, pret në takim Ministrin e Mbrojtjes të Malit të Zi,  Predrag Bošković. (Kabineti i Presidentit, ora 11:20 - vetëm pamje) 

- Qendra për Paqe dhe Tolerancë në përkrahje nga OSBE dhe në bashkëpunim me Komunën e Vitisë dhe me shkollat e mesme në këtë komunë organizon aktivitetin e pastrimit të Parkut të Qytetit në Viti. (Parku i Qytetit në Viti, ora 13:00)

 - Mbahet mbledhja e Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit në të cilën do të behët shqyrtimi i kërkesave të Këshillit Gjyqësor të Kosovës dhe Këshillit Prokurorial të Kosovës lidhur me Projektligjin për Pagat dhe Zyrtarët Publik. (Ndërtesa e Kuvendit, salla N204, ora 13:00)

- Lëvizja Vetëvendosje mban konferencë për media. (Zyrët qendrore të Vetëvendosjes, ora 14:00)

- Kryeministri Ramush Haradinaj merr pjesë në mbledhjen e Qeverisë së Republikës së Kosovës. (Ndërtesa e Qeverisë, ora 14:00)

- Mbahet ceremonia e diplomimit të gjeneratës së parë të Shkollës së Lartë Profesionale - Cacttus Education. (Hotel Sirius, ora 15:00)