22 Janar 2020

Don Bosko investim i mirë për të ardhmen e fëmijëve

Gjilan, 3 qershor –  Kryetari i Komunës së Gjilanit, Lutfi Haziri, i shoqëruar nga bashkëpunëtorët, ka vizituar shkollën private “Don Bosko”, ke e ka përgëzuar menaxhmentin për punën dhe sukseset që kanë treguar.  

“Don Bosko” na bën krenar në Gjilan dhe regjion për shkollën më të mirë, jo vetëm për shkak të infrastrukturës dhe kushteve, por edhe për shkak të kualitetit të mësim nxënies dhe profilit të nxënësve që po nxjerr shkolla çdo vit. Ajo që më gëzon më së shumti është se investimi në nxënës është falënderimi i madh që sot ia bëj Don Dominik Qerimit dhe personelit”, ka thënë Haziri.

Kurse, drejtori i shkollës “Don Bosko”, Don Dominik Qerimi, e ka falënderuar Komunën për vlerësimin dhe mbështetjen e vazhdueshme ndaj këtij institucioni.

“E falënderoj shumë Komunën për gatishmërinë që këto vite kanë pasur dhe mirënjohjen për punën e kësaj shkolle. Ne jemi këtu për të shëruar një nga plagët më të thella në shoqërinë e Kosovës që është fusha e arsimit. Jemi në pjesën e fundit të infrastrukturës, që është ndërtimi i sallës sportive, një mense dhe një kuzhine në do të jenë në gatishmëri për nxënësit e Gjilanit”, tha deklaruar Qerimi. 
 

Kalendari

Ngjarjet e datës 22 janar 2020 - Agjencia për Mbrojtjen e Mjedisit të Kosovës organizon diten e dytë të takimit rajonal për Ndryshime Klimatike dhe Integrime Evropiane “Zhvillimi i një propozim projekti për ngritjen e kapaciteteve në sektorin e Mjedisit, Integrimeve Evropian dhe Ndryshimeve Klimatike”. (Hotel Sirius, ora 9:30)

- Me rastin e 22 vjetorit të sulmit të dytë të forcave serbe mbi familjen Jashari, Komuna e Skenderajt në bashkëpunim me Shoqatat e dala nga lufta e UÇK-së,  do të organizojnë homazhe në Kompleksin Memorial “Adem Jashari” në Prekaz, në shenjë kujtimi e nderimi të luftës së shenjtë çlirimtare të familjes Jashari. (Prekaz, ora 10:00)

- Mbahet mbledhja e rregullt e Komitetit për Politikë dhe Financa në Komunën e Mitrovicës. (Sallën e Mediave të Komunën se Mitrovicës, ora 10:00)

- Klubi i Prodhuesve organizon tryezën e diskutimit për diskutimin e efekteve të tarifës 100% në ekonominë  e vendit një vit pas vendosjes së kësaj takse. (Orion Conference Centre, ora 10:00)

- Koordinatori Nacional për Kulturë, Rini dhe Sport, Rexhep Hoti, do të bëjë shpërndarjen e librave për nxënësit fitues të nivelit komunal të garës nacionale në Dituri dhe Kreativitet Kulturor e Mendim Kritik në komunën e Vushtrrisë. (Qendr Rinore në Vushtrri, ora 11:00)

- Kryetari Shpend Ahmeti do të nënshkruajë Marrëveshjen e Mirëkuptimit me USAID për zbatimin e Programit per trajtimin e ndertimeve pa leje. (Komuna e Prishtinës, ora 11:00)

- Mbahet mbledhja e Qeverisë së Kosovës në detyrë. (Ndërtesa e Qeverisë, ora 13:00)

- Koordinatori Nacional për Kulturë, Rini dhe Sport, Rexhep Hoti, do të bëjë shpërndarjen e librave për nxënësit fitues të nivelit komunal të garës nacionale në Dituri dhe Kreativitet Kulturor e Mendim Kritik në komunën e Kaçanikut. (Shtëpia e Kulturës "Xheladin Kurtaj" në Kaçanik, ora 14:00)

- Mbahet Festivali i Dramës Origjinale Shqipe “Talia e Flakës 2020”, ku do të marrin pjesë teatrot me shfaqjet më të mira dhe dramat e tyre origjinale shqipe nga Kosova. (Teatri i Qytetit të Gjilanit, ora 19:00)