23 Tetor 2020

ATK inkurajon nxënësit të marrin pjesë në garën digjitale rreth tatimeve

Prishtinë, 5 tetor - Gara digjitale për nxënësit e shkollave publike të arsimit fillor nga klasa e 6, 7, 8 dhe 9, është e hapur deri ditën e mërkurë të kësaj jave, andaj Administrata Tatimore e Kosovës (ATK) ka inkurajuar të gjithë nxënësit e interesuar që deri në këtë afat kohorë të dorëzojnë punimet e tyre në adresën edu.ta.ks@gmail.com ose në facebook https://www.facebook.com/TaxCompetitionKS.

"Deri më tani kemi një numër të konsiderueshëm të nxënësve, të cilët kanë dorëzuar punime e tyre të realizuara sipas kritereve të parapara, ku për të gjithë ata nxënës të cilët nuk kanë arritur të informohen, ATK ju ri-kujtojmë se kriteret për tu bërë pjesë e kësaj gare, nxënësit duhet të punojnë në idenë e tyre, të cilat mund të konkretizohen në video (jo më e gjatë se 1 minutë), poster kreativ (një faqe),  fotografi (një fotografi), ose në PowerPoint", njofton ATK.

Procesi i votimit fillon ditën e enjte të kësaj jave dhe përfundon të dielën në ora 23:59, ku pesë (5) finalistët,  të cilët marrin pëlqime më së shumti përmes Facebook-ut të garës, do të jenë pjesë e votimit.

ATK në bashkëpunim me Bankën Botërore dhe Deutsche Gesellschaft für Internationale Zusammenarbeit (GIZ)- Projekti Qeverisja Financiare e Mirë,  kanë lansuar këtë garë  me qëllim që të mësohet më shumë se si fëmijët i perceptojnë tatimet, si mendojnë që tatimet ndikojnë në mirëqenën e tyre dhe shoqërisë në përgjithësi.

Kjo garë është e organizuar në dy raunde, i pari është gjatë muajit shtator, ndërsa raundi i dytë do të jetë në sezonin e dimrit.

Në raundin e parë do të mund të marrin pjesë nxënësit e shkollave publike të këtyre komunave: Dragash, Gjakovë, Gllogoc, Graçanicë, Istog, Junik, Mamushë, Mitrovicë, Novobërdë, Pejë, Prizren, Rahovec, Shtërpcë, Shtime, Skenderaj, Viti, Vushtrri, Zubin Potok dhe Zveçan.

 

Kalendari

Ngjarjet e datës 23 Tetor 2020

- Komisioni Qendror i Zgjedhjeve mban mbledhjen e radhës. (ndërtesa e KQZ-së në, kati i parë, ora 10:00) 

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviziton ministrin e Ekonomisë dhe Ambientit; Blerim Kuçi. (Ndërtesa e Kuvendit, salla N204, ora 11:00)

- Në kuadër të përmbylljes së “Javës  Evropiane për Siguri dhe Shëndet në Punë”, ministri i MPMS-së, Skender Reçica viziton fabrikën “NewCo Ferronikeli”. (Drenas, ora 11:00)

- Kryetari i Komunës së Prizrenit, Mytaher Haskuka do të merr pjesë në përurimin e “Memorialit të Komandant Drinit - Ekrem Rexha. (Tek parku përballë Shtëpisë së Bardhë, ora 11:00)

-  Komisioni Hetimor Parlamentar lidhur me procesin e privatizimit në Kosovë interviston ish- Zëvendës kryesuesin e Bordit të Agjencisë së Privatizimit, Naser Osmani. (Ndërtesa e Kuvendit, salla N10, ora 12:00)

-  Komisioni për Integrim Evropian takohet me Shefin e Zyrës dhe Përfaqësuesin Special të BE-së në Kosovës, Tomáš Szunyog në lidhje me Raportin për Kosovën 2020 të publikuar nga Komisioni Evropian. (Ndërtesa e Kuvendit, salla C301, ora 12:00)

-  Komisioni Hetimor Parlamentar lidhur me procesin e privatizimit në Kosovë ish Ministër i Ekonomisë dhe Financave, Haki Shatri. (Ndërtesa e Kuvendit, salla N10, ora 13:00)

- Kryeministri i Qeverisë së Republikës së Kosovës, Avdullah Hoti pritet me një ceremoni zyrtare kryeministri i Maqedonisë së Veriut Zoran Zaev. (Para Qeverisë së Republikës së Maqedonisë së Veriut në Shkup, ora 14:00)

- Kryeministri i Qeverisë së Republikës së Kosovës, Avdullah Hoti dhe kryeministri i Maqedonisë së Veriut Zoran Zaev mbajnë konferencë për media. (Konferenca do të përcillet online, ora 15:05)

- Fondacioni Shtatëmbëdhjetë organizon bisedën “Off the record: Gjendja e hapësirave të braktisura”. (Kino Armata, ora 15:00)

- Kryeministri i Qeverisë së Republikës së Kosovës, Avdullah Hoti takohet me Presidentin e Maqedonisë së Veriut, Stevo Pendarovski. (Ndërtesa e Presidencës në Shkup, ora 15:35)

- Kryeministri i Qeverisë së Republikës së Kosovës, Avdullah Hoti takohet me Kryetarin e Kuvendit të Maqedonisë së Veriut, Talat Xhaferi. (Kabineti i Kryetarit të Kuvendit në Shkup, ora 16:10)

- Kryeministri i Qeverisë së Republikës së Kosovës, Avdullah Hoti takohet me Artan Grubi, Zëvendës Kryeministër i parë i shoqëruar edhe Ali Ahmeti, Kryetar i BDI-së. (Ndërtesa e Kuvendit në Shkup, ora 16:35)

- Nënshkruhet MoU për krijimin e rrjeteve të pastra 5G në mes të Qeverisë së Republikës së Kosovës dhe Departamentit të SHBA-ve. (Ambasada e Republikës së Kosovës në Shkup, ora 17:15)

- Kryeministri i Qeverisë së Republikës së Kosovës, Avdullah Hoti takohet me Udhëheqësit e partive politike si Ziadin Sela nga Aleanca për Shqiptarët, Bilall Kasami nga Lëvizja Besa,  Afrim Gashi nga Alternativa dhe Menduh Thaqi nga PDSH. (Ambasada e Republikës së Kosovës në Shkup, ora 17:40)