21 Janar 2020

AR Katana ndan 110 bursa për studentët e Gjilanit

Gjilan, 14 maj – Komuna e Gjilanit në partneritet me Klubin Rotarian Gjilani, ka filluar sot zbatimin e fondit për studentët e Gjilanit, ku Muhamet Ajrullahu, pronar i ndërmarrjes ‘AR Katana’ ishte zotuar se do të ndante 100 bursa, premtim të cilin e ka tejkaluar.

Kryetari i Komunës së Gjilanit, Lutfi Haziri, tha se ky është shembulli më i mirë dhe donacioni më i madh i dhënë në mbrëmjen e humanitare ‘Pak nga ne, shumë për ata’.

“Është donatori më i madh në gala mbrëmjen humanitare “Pak nga ne, shumë për ata”, të organizuar në fund të vitit të kaluar, ku donacioni më i madh ka qenë nga Muhamet Ajrullahu, pronar i ndërmarrjes ‘AR Katana’, bashkatdhetar i yni i kthyer para 5 vitesh nga Gjermania, për të filluar investimet e tij në Komunën e Gjilanit. Konfirmohet se sot janë të mbuluara të gjitha kërkesat për bursa që janë drejtuar në adresën e Komunës. Ai ka përmbushur zotimin e tij dhe njëkohësisht edhe ka tejkaluar atë në kërkesa të veçanta, për çka në emër të qytetarëve të Gjilanit e fëlënderoj shumë”, ka thënë kryetari Haziri.

Kryetari Haziri gjithashtu ka konfirmuar se AR Katana, ka qenë donator më i madh i asaj mbrëmjeje.

“Përpos bursave që ka ndar AR Katana, ku studentët përfitues kanë marrë mjetet financiare, Komuna e Gjilanit, zotimin e vet prej 10 mijë euro do ta transferoj në fondin ‘Pak nga ne shumë, për ata’ që të bëjmë shpërndarjen pastaj në bazë të kërkesave të studentëve që studiojnë në universitetet brenda dhe jashtë Kosovës dhe poashtu edhe ndarjen e mjeteve përmes fondit të ekselencës për studentët e dalluar në lëmi të ndryshme”, ka theksuar kryetari i Gjilanit, Lutfi Haziri.

Ndërsa, Muhamet Ajrullahu, pronar i AR Katana, ka thënë se deklarimi im ka qenë për 100 bursa me nga 138 euro, por këtë e kemi tejkaluar duke vepruar në bazë të rëndësisë që ka investimi në rininë e vendit.

“Kemi arritur që zotimin e dhënë në mbrëmjen humanitare ta bëjmë realitet dhe të përmbyllim në një listë prej 110 studentëve përfitues. Deri më tani kemi mbështetur të gjitha kërkesat e ardhura, në mënyrë që t’i mbështesim të gjithë të rinjtë në rrugëtimin e tyre akademik”, ka thënë pronari, Ajrullahu.

Nazim Gagica, drejtor i arsimit në Gjilan, veprën e Muhamet Ajrullahu e theksoi se është vepër e madhe e dimensionit filantropik, i kujdesit të biznesit për shoqërinë, i bazuar në përgjegjsinë morale dhe etikën e të bërit biznes që sot në botë është një trend, ku korporatat e mëdha mbështesin rininë dhe studentët në veçanti.

Në emër të studentëve, Fjolla Hajdari, apsolvente e menagjmentit, ka fëlënderuar donatorin ‘AR Katana’ dhe Komunën e Gjilanit për kujdesin që kanë ndaj studentëve dhe për mundësinë e dhënë në rrugën e tyre të profesionalizmit.
 

Kalendari

Ngjarjet e datës 21 janar 2020 - Agjencia për Mbrojtjen e Mjedisit të Kosovës organizon takimin rajonal për Ndryshime Klimatike dhe Integrime Evropiane “Zhvillimi i një propozim projekti për ngritjen e kapaciteteve në sektorin e Mjedisit, Integrimeve Evropian dhe Ndryshimeve Klimatike”. (Hotel Sirius, ora 9:30)

- Komuna e Rahovecit mban mbledhjen e parë të rregullt të Komiteti për Politik dhe Financ. (Salla e mbledhjeve të Kuvendit Komunal të Rahovecit, ora 10:00)

- Me rastin e 14-vjetorit të vdekjes së Presidentit Historik Dr. Ibrahim Rugova bëjnë homazhe te varri i tij. (Velani, ora 10:30)

- Kryeministri në detyrë Ramush Haradinaj bën homazhe te varri i ish-Presidentit të Kosovës, Ibrahim Rugova, në përvjetorin e vdekjes së tij. (Velani, ora 10:30)

- Anëtarë të Kryesisë së Lidhjes Demokratike vizitojnë Familjen Rugova. (Velani, ora 10:45)

- Qendra e Lëvizjes në Prishtinë mban konferencë për media në lidhje me projektet e ndërtimit në Liqenin e Badovcit. (Qendra e Lëvizjes në Prishtinë, ora 11:00)

- Komuna e Prishtinës shënon Ditën e Arkivit me promovimin e katallogut të dokumenteve Osmane në Arkivin Komunal të Prishtinës. (Salla e Kuvendit Komunal, ndërtesa e vjeter e Komunës, ora 11:00)

- Prokuroria Themelore në Prizren mban konferencë për media ku do të prezantohet raporti i punës për vitin 2019 dhe objektivat e kësaj prokurorie për vitin 2020. (Zyra e Kryeprokurorit në Prokurorinë Themelore në Prizren, rruga William Walker, ora 11:00)

- Lidhja Demokratike e Kosovës organizon Akademi Përkujtimore për Presidentin Historik Dr. Ibrahim Rugova. (Hotel Emerald, ora 12:00)

- Mbahet mbledhja e Kryesisë të Lidhjes Demokratike e Kosovës. (Selia e LDK-së, ora 14:00)

- Fondacioni Kosovar Trashëgimia Kulturore pa Kufij, CHwB Kosova organizon prezantimin e librit "Qyteti në Miniaturë". (Shkolla speciale për të verbër në Pejë, ora 14:00)

- Me rastin e vdekjes së ish Kryetarit të Kuvendit të Komunës së Rahovecit, Esat Haxhijaha, kryesuesi i Kuvendit Komunal të Rahovecit Afrim Dina, organizon mbledhjen komomerative, në nderim të jetës dhe veprës së tij. (Salla e mbledhjeve të Kuvendit Komunal të Rahoveci, ora 15:00)

- Komuna e Gjilanit organizon Akademi Përkujtimore për Presidentin Historik Dr. Ibrahim Rugova. (Teatri i qytetit te Gjilanit, ora 16:30)

- Komuna e Rahovecit organizon debat publik me banor të fshatit Opterushë dhe fshatrave për rreth për krijimin e Zonës Ekonomike. (Objekti i Shkollës Fillore të Mesme të Ulët ”Lidhja e Prizrenit” në fshatin Opterushë, ora 17:00)