23 Mars 2019

Anulohet greva e SBASHK-ut

Prishtinë, 11 prill - Sindikata e Bashkuar e Arsimit, Shkencës dhe Kulturës ka anuluar grevën e paralajmëruar me 13 prill pasi sot Qeveria e Kosovës e ka proceduar në Kuvendin e Kosovës projektligjin për statusin e punëtorëve të arsimit në vitet 1990-1999.

Kryetari i SBASHK-ut, Rrahman Jashari në një prononcim për KosovaPress tha se lajmin për procedimin e këtij projektligji drejt Kuvendit të Kosovës e ka marrë vetëm nga mediat, pasi ende nuk ka marrë asgjë zyrtare.

Duke e përgëzuar Qeverinë Haradinaj për vendimin e saj, Jashari tha se pasi sot Qeveria i ka dhënë ‘dritën e gjelbër’ për në Kuvend projektligjit për statusin e punëtorëve të arsimit në vitet 1990-1999, greva e 13 prillit anulohet.

“E përgëzoj më në fund Qeverinë Haradinaj  dhe po them me veprimin e sotëm, me votimin e projektligjit për statusin e punëtorëve të arsimit shqip të Republikës së Kosovës u dha ‘drita e gjelbër’ nga Qeveria që ai pastaj të shkoi me procedurat e rregullta në parlament."

"Kjo ishte kërkesa më sublime e anëtarësisë sonë dhe me tejkalimin e këtij problemi pra me aprovimin e këtij ligji nga Qeveria, dhe karshi kësaj duke parë se edhe në kërkesat tona tjera hap pas hapi jemi duke punuar me ministritë gjegjëse në konsultim me kryetarët e nivele komunale dhe të universitetit e konsideruam se arsyeja për grevë është tejkaluar, që nënkupton se greva e 13 prillit anulohet, nuk do të mbahet , ngase kërkesa sublime e mësimdhënëseve për të Kosovës për vitet më të ndritura u bë realitet”, tha ai.

Jashari tha se presin nga Qeveria e Kosovës që t’i përfillin kërkesat tjera të SBASHK-ut që lidhen me ligjin e punës dhe pagave.

Ndryshe, SBASHK-u ka mbajtur edhe dy greva në muajin shkurt dhe një në muajin mars, duke kërkuar që projektligji për statusin e punëtorëve të arsimit të viteve 1990-1999 të kalojë për miratim në Kuvend.

Kalendari

Ngjarjet e datës 23 mars 2019 - Federata e pingpongut të Kosovës në bashkëpunim me Kpp Vitia nën patronatin e Komunës së Vitisë do të organizoj Turneun për senior Flakadani i Karadakut. (Salla e Shkollës së Mesme Teknike 'Jonuz Zejnullahu' në Vitiora, ora 9:30)

- Shoqata "Miqtë e Amerikës" do ta bëjë zëvendsimin e flamurit amerikan te shtatorja e Bill Clintonit në Prishtinë, me një të ri. (Shtatorja e Bill Clintonit, ora 11:00)

- Gjimnazi “Hasan Nahi”, në kuadër të Fondacionit për Arsim dhe Kulturë “Atmosfera”, organizon edicionin e gjashtë me radhë - Garën e Inteligjencës "Eureka 6". (Ambienti i Gjimnazit “Hasan Nahi” në Prishtinë, ora 11:00)

- Kryeparlamentari Kadri Veseli merr pjesë në shënimin e 30-vjetorit të demostratave të 23 marsit 1989 me nismëtare gratë dhe vajzat e Balajve. (Teatri “Adriana” - Ferizaj, ora 11:00)

- UBT dhe Raiffeisen Bank mbajnë garën më të madhe në vend “Data Science Hackathon”. (Kampusi i UBT-së në Lipjan, ora 11:00)

- Kryeministri Ramush Haradinaj bënë homazhe te Pllaka Memoriale e ushtarëve të KFOR-it, të rënë gjatë shërbimit në Kosovë. (Sheshi “Nëna Terezë”, ora 12:00)

- Kryeministri Ramush Haradinaj bënë homazhe te Pllaka Përkujtimore me emrat e ushtarëve britanikë, që humbën jetën në shërbim në Kosovë. (Sheshi “Edit Durham”, afër Hotelit Grand, ora 12:10)