27 Shtator 2020

Ambasada Franceze organizon një 'Lojë Shpëtimi' në disa shkolla në Prishtinë

Prishtinë, 26 shtator - Ambasada Franceze në Kosovë, Aleanca Française e Prishtinës, Goethe Zentrum dhe Cluster Eunic Prishtina organizojnë një Escape game apo 'Lojë Shpëtimi' për disa shkolla në Prishtinë për të festuar Ditën Europiane të Gjuhëve.

Ky aktivitet argëtues duke nënvizuar diversitetin gjuhësor europian dhe potencialin turistik të Prishtinës do të fillojë në Goethe Zentrum dhe do të përfundojë në Aleancën Franzese në Prishtinë.

Disa gatime europiane të përgaditura nga shefi i kuzhinës franceze Christophe Dovergne do të ofrohen në fund të pasdites.

Dita do të përfundojë me një shfaqje në Aleancën Franceze në Prishtinë me dokumentarin “ Fëmijët tanë do të na akuzojnë” që tregon lidhjen midis ushqimit, mjedisit dhe shëndetit të fëmijëve.

Kjo shfaqje, është pjesë e programit të Javës së Diplomacisë së Klimës së Bashkimit Europian, dhe do të pasohet nga një diskutim me publikun.

Kalendari

Ngjarjet e datës 27 Shtator 2020

- Kryetari i Komunës së Prizrenit, Mytaher Haskuka do të merr pjesë në aktivitetin “Race for the Cure” të organizuar nga OJQ “Renesansa”, në mbështetje të të mbijetuarve nga kanceri i gjirit, ku të pranishëm do të jenë edhe kryetarja e Kuvendit të Kosovës, Vjosa Osmani dhe përfaqësuesit nga misione të huaja në Kosovë. (Sheshin e Dëshmorëve në Prizren, ora 10:00)

- Organizata X40 dhe Fondacioni Kosovar për Shoqëri Civile organizojnë tryezën e diskutimit “Lum Lumi” në të cilën do të diskutohet për dëmtimin e lumenjëve nga hidrocentralet në Kosovë. (Kino Lumbardhi Prizren, ora 11:00)
 
- Për nder të Ditës Botërore të Turizmit, nën organizimin e Drejtorisë së Turizmit dhe Zhvillimit Ekonomik të Komunës së Prizrenit do të bëhet përurimi i projektit “Shenjëzimi i 10 shtigjeve të ecjes”, projekt i bashkëfinancuar nga Bashkimi Evropian. (Në afërsi të fshatit Mushnikovë, afër Hotel Gold në Prizren, ora 13:00)

- Në ditën e tretë të edicionit të festivalit Lahuta, Okarina Polifionia mbahet kongresi i Lahutareve te trojeve shqiptare. (Ambientet e Qendrës për zhvillimin e kultures tradicionale në Prishtinë, ora 15:00)

- Platformës Bashkë-krijuese organizon ekspediten e gastronimise shqiptare. (Kino Bahçe, te Lumbardhi në Prizren, ora 18:00)