07 Korrik 2020

Akreditohet Qendra për Studime Universitare e FSK-së

 Prishtinë, 17 tetor - Këshilli Drejtues i Autoritetit Kombëtar të Kualifikimeve (KD i AKK) ka nxjerrë vendim me rastin e procesit të validimit dhe akreditimit të Qendrës për Studime Universitare të Forcës së Sigurisë të Kosovës.

KD i AKK- së, në vendimin e lëshuar, njofton se „validohet dhe akreditohet Qendra për Studime Universitare e Forcës së Sigurisë së Kosovës (QSU), me adresë Kazerma „Adem Jashari“ në Prishtinë, për periudhën tri vjeçare 30.09.2019 deri 30.09.2022 me kualifikimin: „Nëntoger në Forcat e Armatosura, Niveli V sipas KKK me 120 kredi të AAP“.

Forca e Sigurisë e Kosovës në kuadër të mandatit të ri për ngritjen e kapaciteteve profesionale të edukimit ushtarak ka rishikuar dhe zhvilluar plan-programin e QSU-së, për fillimin e procesit të akreditimit bazuar në nenin 23, pika 6 e Ligjit nr. 06/L-123 për Forcën e  Sigurisë së Kosovës, andaj si rezultat i një pune profesionale të KDS-së dhe QSU-së, është marr vendim mbi akreditimin e profesionit të ushtarakut nga Autoriteti Kombëtar i Kualifikimeve (KD i AKK).

Kjo nënkupton që kadetët që studiojnë në QSU, tashmë diplomohen në dy programe të akredituara njëkohësisht, programi profesional „Nëntoger në Forcat e Armatosura“ i akredituar nga Autoriteti Kombëtar i Kualifikimeve (AKK) dhe ai civil me titullin „Baçelor i Shkencave“ i akredituar nga Agjencia e Kosovës për Akreditim (AKA).

Këto dy diploma janë kriter bazë për emërimin si nëntoger në FSK apo Forcat e Armatosura të vendeve tjera.

Akreditimi i QSU-së si institucion edukativo-arsimor ushtarak dhe validimi i programit të saj, është një hap i rëndësishëm për të ardhmen e FSK-së.

Ky proces do të ndikojë në masë të madhe që kadetët të aftësohen në mënyrë më të strukturuar dhe më cilësore. Ndërsa, në anën tjetër kjo kërkon nga stafi akademik që të jenë në hap me zhvillimet ushtarake dhe të përdorin teknikat më moderne të mësimdhënies.

 Vizioni i FSK-se është që në të ardhmen të avancojë edhe më tej QSU-në dhe të zhvillohet si institucion ushtarak rajonal, me vlera standarde dhe parime bashkëkohore për përgatitjen e gjeneratave të reja në ballafaqim me sfidat e së ardhmes.

 

Kalendari

Ngjarjet e datës 7 Korrik 2020 - Dr. Basri Sejdiu do të mbajë konferencë për media lidhur me vendimin e Bordit Drejtues për shkarkimin nga detyra e drejtorit të përgjithshëm të SHSKUK. (QKUK, ora 11:00)

- Ministri i Drejtësisë Selim Selimi do të vizitoje Komunën e Prishtinës. (Ndërtesa e Komunës së Prishtinës, ora 11:00)

- Kryetari i Sindikatës së Pavarur të Sektorit Privat të Kosovës, Jusuf Azemi do të mbaj takim me Ministren e financave, znj. Hikmete Bajrami me të cilën do të bisedoj lidhur me pagesën e pagave të  punëtorëve nga pakoja emergjente, tërheqjen e mjeteve për punëtorë nga fondi i kursimeve si dhe eliminimin e gabimeve teknikeve gjatë  aplikimit për pakon fiskale emergjente. (Kabineti i ministres Bajrami, ora 11:00)

- Kryetari i Sindikatës së Pavarur të Sektorit Privat të Kosovës, Jusuf Azemi pas takimit me Ministren e financave, znj. Hikmete Bajrami do të mbaj konferencë për shtyp, ku do të ju njoftojë lidhur me këtë takim. (Zyret e Sindikatës në objektin e ish Gërmisë, ora 11:45)

- Lëvizja Vetëvendosje! mban konferencë për media në të cilën flet nënkryetari Besnik Bislimi. (Zyret e LV-së në Arbëri, ora 12:00)

- Ministri i Drejtësisë, Selim Selimi, do të  mbajë konferencë për media për Kodin Civil. (Holli i Ministrisë së Drejtësisë, ora 14:00)

- Organizatat e dala nga Lufta e UÇK-së dhe Shoqata e ish të Burgosurve Politik, që janë Këshill Organizues i Protestave mbajnë sot konferencë për medie. (Selia qendrore e Organizatës së Veteranëve të Luftës së UÇK-së në Prishtinë, ora 14:00)

- Me hapjen e ekspozitës multimediale në hapësirat e SENSE Qendrës në Pulë, Qendra për Drejtësi Tranzicionale në bashkëpunim me Fondin për të Drejtën Humanitare Kosovë nisin kampanjën me titull: Srebrenica 25: Së bashku kundër virusit të mohimit në ditën kur në vitin 1995 ka rënë Srebrenica. (Transmetim direkt livestream http://srebrenica.sensecentar.org, ora 17:00)

- Komuna e Rahovecit mban dëgjim publik me banorët të fshatrave Malësi e Vogël dhe Gexhë. (Objekti i Shkollës Fillore të Mesme të Ulët “Skender Kastrati” në fshatin Malësi e Vogël, ora 19:00)

- Komuna e Rahovecit mban dëgjim publik me banorët të fshatrave Ratkoc, Dejnë, Vrajak dhe Bratotin. (Objekti i Shkollës  Fillore të Mesme të Ulët “4 Dëshmorët” në fshatin Ratkoc, ora 20:00)