18 Janar 2018

Ari dhe Argjendi arrijnë vlera rekorde

New York, 21 janar - Paqartësia në Lindjen e Mesme, shqetësimi ndaj inflacionit dhe dollari i dobët, ka rritur interesin ndaj metaleve me vlerë.

Çmimi i floririt, duke u rritur edhe pak ka kapur shifrën 1 mijë e 400 dollar, ndërsa argjendi ka arritur vlerën më të madhe të 30 viteve të fundit.

Floriri që vitin e shkuar u rrit me 30%, këtë vit ka humbur 2.5% të vlerës. Floriri që theu rekordin në dhjetor 2010 me 1 mijë e 431 dollar, sot shitet me 1 mijë e 385 dollarë.

Rritja rekord e përjetuar vitin e kaluar, u ndikua edhe nga kërkesa e lartë që erdhi nga Kina dhe India. Edhe vlerësimi në raportin e Këshillit Botëror të Floririt ishte në këtë drejtim.

Ndërkohë që përdorimi i floririt u rrit me 47% rritje në Indi, kjo shifër në çerekun e fundit të vitit arriti në 210 ton, ndërsa në Kinë, duke u rritur me 26% shkoi në 116 ton.

Nga ana tjetër argjendi përjetoi një rritje të shpejtë duke shënuar vlerën 31.97 dollar për ons.

Ky ishte regjistrimi më i lartë që në vitin 1980. Rekordi i mëparshëm ishte 31.69 dollar për ons. 

Kalendari

Ngjarjet e datës 18 Janar 2018 - Ministri i Arsimit,Shkencës dhe Teknologjisë, Shyqiri Bytyqi do të zhvilloi një takim me kryetarin e komunës Gazmend Muhaxheri. (Rezidenca e kryetarit Muhaxheri në Pejë, ora 9:30)

- Mbahet mbledhja e Kuvendit Komunal të Prishtinës, ku do të formohet Komiteti për Politikë dhe Financa si dhe do të caktohen anëtarët e komisioneve të aksionarëve nëpër ndërmarrjet publike komunale. (Objekti i Komunës, ora 10:00)

- Demokracia Plus në bashkëpunim me CoDe organizon tryezën me temë “Roli i Grupeve Jo formale të Grave në Politik Bërje – Shkëmbimi i përvojave në mes të grupeve jo formale të grave në nivel lokal dhe institucioneve qendrore”. (Hotel Sirius, ora 10:00)

- Koalicioni i OJQ–ve për Mbrojtjen e Fëmijëve në Kosovë - KOMF organizon konferencën e lançimit kombëtar të Indeksit për Mbrojtjen e Fëmijës 2.0. (Hotel Sirius, ora 10:00)

- Hapen punimet e punëtorisë me temë  “ Profilizimi i mësimdhënësve të klasave  I -V ”,  të organizuar nga MAShT dhe ku do të jenë të pranishëm drejtorët e Drejtorive Komunale të Arsimit në rajonin e Pejës  si dhe të gjithë drejtorët e Sh.F.M.U-ve së bashku me dy mësimdhënës të klasave  I –V dhe nga një mësimdhënës i shkollave të fshatrave. (Shkolla fillore “Shaban Spahija “ në Pejë, ora 10:00)

- Ministri i Infsrastrukturës, Pal Lekaj, do të zhvillojë vizitë inspektuese në Autostradën “Arbën Xhaferi”. (Autostrada në fshatin Doganaj, ora 10:30)

- Në kuadër të lansimit të programit Zhvillim Rajonal, Ministria për Zhvillim Rajonal,  nesër më 18 janar, 2018,  nga ora 13:30, organizon takimin me kryetarët e Komunave të Republikës së Kosovës me qëllim të informimit të komunave lidhur me këtë programin për Zhvillim Rajonal dhe mundësit e zhvillimit socio- ekonomik rajonal. (Ndërtesa e Qeverisë, salla e takimeve P-38 në, ora 13:30) 

- Mbahet mbledhja për themelimin e komisionit për bashkëpunim ndërkombëtar dhe kordinim vendor në fushën e Shkencës së Astronomisë në kuadër të Asociacionit për Mbështetjen e Arsimit dhe Aftësimit Profesional të Republikës së Kosovës. (Ministria e Arsimit, Shkencës dhe Teknologjisë, ora 15:00)