22 Maj 2018

Thashemgjinjtë politikë të veshur me petkun e shoqërisë civile

Shkruar nga Bahri Bivolaku


A ka ardhur koha që të ecet me kandil të ndezur për t’u mos përplasur me arrogantët e fjalës së lirë, apo të gjithë t’i fikim kandilet e të përplasemi?

Në shtetet, shoqërit e të cialve aspirojnë demokracisë, bërja e politikës me thashethëme është vërtetë një hap që e kthen prapa. E njohur si spiune Mata Hari, e fashme nuk u bë se kishte një histori të dokumentuar të veprimtarisë a zhvilluar ndonjë aktivitet të spiunazhit ndaj akcilit vend a komb. Ajo u shqua dhe dallua pas ekzekutimit të saj në mënyrë dramatike, por që mëvonë u kuptua se ishte viktimë e presionit të opinionit medial për të treguar se “shoqëria civile” po bënë diçka dhe po zhvillon aktivitet, mbase arsyetuar fondet e marra diku. Kështu po ndodhë sot edhe në Kosovë. Sa herë që të preferuarit politikë të tyre dëshirojnë të faktorizohen, të tillët zgjohen nga gjumi i thellë, nga mosveprimi në kohë e hapësirë dhe gjejnë si adresë etiketimin nga thashethëmet, një parti të caktuar dhe drejtuesit e saj. Fundja, thashethëmet në Kosovë janë bërë modë e veprimit politik dhee etiketimeve. Lëvizja e tillë buron nga një pjesë e shoqërisë civile që fillimisht bëhen opinonistë a publicist, e fundi u dihet, u kthehen padronëve që i kanë paguar.
“Thashethëmet janë arti i të thënit hiç gjë, në atë mënyrë që nuk ke asgjë pa thënë.” – thotë një thënie e e cila tregon se kur përdoret si mjet i politikës, lodhë qytetarin dhe e mbushë me zemërim. Mbase edhe ky mund të jetë synimi në kohën kur hapësira u lejohet për shpifje e etiketime. Dikush nga këta thashemgjinjë po botom libra dhe reklamat për to ne jemi të detyruar t’i ndjekim së paku pesë herë brenda ditës.


Etiketon ky lloj publicisti i dështuar në politikë, personalitete me lloj-lloj epitetesh si gorilla, të pashkollë, gjarpërinjë etj; fare lirshëm, pasiqë përgjegjegjësia për fjalën publike në vendin tonë është minimale. Sikur të kishim prokurorë të përgjegjshëm, me siguri se të tillët nuk do të shpërndanin thashethëme në opinion. Se pse ai i reklamon së paku pesë herë në ditë në kohë më të frekuentuar televizive, mbase dihet. Gënjeshtra e përsëritur qindra herë shndërrohet në të vërtetë të pjesshme e pastaj zhvillohet. Thonë që në SHBA jeta pa rregulla dhe respektim të tyre në përpikëmëri, sot do t’i ngjasonte kohës së kaubojëve e jo një jete në demokraci. Mendoj që ka ardhur koha që edhe në shoqërinë tonë të zgjohen prokurorët nga gjumi i thellë që i ka zënë dhe respektojnë rregullat, e veçanërisht ato që rregullojnë sferën e shoqërisë civile dhe kodin e mirësjelljes së subjekteve politike. Konsideroj se edhe Gjykata Speciale është produkt i thashethemeve të ngritura për të kaluarën, po aq sa edhe i klithmave traumatizuese të së tashmes të po këtij lloji të veprimit politik.

Kriminalizimi i fjalës së lirë


Një filozof pyetë Homerin. “Ju jeni i verbër, pse ikni natën me fener?” Ai ia kthen: “Për t’u mos u përplasur me mua ata që ecin pa të.” Është kjo anekdotë e lexuar, e cila mendoj se më së mirë përshkruan përdorimin e gjuhës nga ca pjesëtarë të shoqërisë civile e politikanë në vendin tonë. A ka ardhur koha që të ecet me kandil të ndezur për t’u mos përplasur me arrogantët e fjalës së lirë, apo të gjithë t’i fikim kandilat e të përplasemi?
Dikush në Kosovë si duket tolerancë e ofruar e kuptoi për dobësi, e jo kulturë demokratike, duke rritur kështu dozën e thashethemeve, etiketimeve e demonizimeve dhe harruar se edhe të tjerët mund t’i fikin kandilat për t’u përplasur, nëpërmes mënyrës së njejtë.

Porosia e bacës Adem

Diku në mesin e viteve të 90’-ta, bashkë me bacin (Adem Demaçi) dhe të ndjerin Osman Dumoshi, udhëtonim drejtë qytetit tim për të zhvilluar një aktivitet politik dhe mobilizuar masën për ditët që vinin. Në veturë bisedonim për politikën dhe unë si më i ri në moshë që isha, insistoja që më fuqishëm të kritikohej pacifizmi i tepruar i filozofisë rugoviane dhe në një moment gjatë komunikacionit, mu deshtë që të hapë sinjalin e tejkalimit të një veture, ku edhe ndërhyri baci Adem, në kohën kur dy veturat shkonin paralel.  Bac, më tha, hape dritaren dhe shaje vozitësin se pse vetura nuk po i ecë më shpejtë. Unë ia ktheva: “Pse ta shajë?” Ai mu drejtua: “Edhe politika jonë është sikur ky pozicioni jonë në komunikacion. Nëse ti e shan e ai ta kthen nga dritarja, do të vazhdoni të fyheni gjersa të vjen një mjet më i madh komunikacioni e t’ju përplasë të dyve. Nëse e ke veturën më të mirë dhe dëshiron më shpejtë të arrish në cak, vozitë e mos shajë.” Konsideroj se në këtë gjendje të ecjes së dy veturave paralel kemi ardhur edhe në politikë dhe kemi hapur dritaret e po shahemi për fat të keq.

Kalendari

Ngjarjet e datës 22 Maj 2018 - Ministri i Arsimit, Shkencës dhe Teknologjisë, Shyqiri Bytyqi, do të vizitojë komunën e Kaçanikut, ku do të takohet me kryetarin e Komunës, Besim Ilazi. (Zyra e kryetarit Ilazi, ora 9:00)

- Ministri i Arsimit, Shkencës dhe Teknologjisë, Shyqiri Bytyqi, do të vizitojë shkollën fillore dhe të mesme të ulët “Jusuf Gërvalla” në Biqec. (Objekti i shkollës në Biqec, ora 9:45)

- Instituti për Politika Zhvillimore organizon tryezën ”Sistemi Pensional në Kosovë: sfidat dhe mundësitë”. (Hotel Sirius, ora 10:00)

- Në kuadër të kampanjës “Drejtësia dhe biznesi” Ministri i Drejtësisë, Abelard Tahiri, së bashku me përfaqësues nga KIESA dhe Oda Ekonomike Amerikane, do të takojnë bizneset nga rajoni i Mitrovicës. (Hotel Palace në Mitrovicë, ora 10:00)

- Mbahet mbledhja e Komisionit për Mbikëqyrjen e Financave Publike në të cilen do të behët shqyrtimi i raportit të Auditimit për PVF-të e Autoritetit të Aviacionit Civil, shqyrtimi i raportit të Auditimit për PVF-të e Organit Shqyrtues të Prokurimit, etj. (Ndërtesa e Kuvendit, salla N 303, ora 10:00)

- Komisioni për të Drejtat e Njeriut, Barazi, Gjinore, Persona të Pagjetur dhe Peticione, nesër, më 22 maj 2018, viziton Burgun e Dubravës, me rastin e shënimit të përvjetorit të masakrës së vitit 1999. (Dubravë​, ora 10:15)

- Ministri i Arsimit, Shkencës dhe Teknologjisë, Shyqiri Bytyqi, do të vizitojë shkollën e mesme “Feriz Guri dhe Vëllezërit Qaka”. (Objekti i shkollës, ora 10:30)

- Oda Ekonomike e Kosovës publikon studimin “Bottleneck” me qëllim identifikimin e barrierave që pengojnë të bërit biznes në vendin tonë. (Oda Ekonomike e Kosovës, ora 11:00)

- Nënshkruhet memorandum bashkëpunimi mes MKRS-së dhe OJQ George Williams Youth Association in Kosovo me qëllim financimi në projektin “Qendra e edukimit jo-formal për rini” me lokacion në fshatin Pjetërshan në komunën e Gjakovës. (Ministria e Kultures, Rinise dhe Sportit, ora 11:00)

- Mbahet mbledhja e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilen do të behët shqyrtimi i Raportit vjetor të Komisionit të Pavarur për Miniera dhe Minerale, shqyrtimi i Projektligjit për Masat Mbrojtëse në Importe, etj. (Ndërtesa e Kuvendit, salla N204, ora 11:00)

- Me rastin e shënimit të 19-vjetorit të masakrës së Dubravës bëhen homazhe në nderim të burgosurve të vrarë në burgun e Dubravës nga forcat paramilitare serbe. (Dubravë, ora 11:00)

- Kryetari i Gjilanit, Lutfi Haziri, pret në takim futbollistët e FC Drita, të cilët të dielën u shpallën kampion. (Zyra e Kryetarit, objekti i ish-gjykatës, ora 12:00)

- Ambasadori i Republikës së Shqipërisë në  Kosovë, Qemal Minxhozi viziton komunën e Dragashit, ku do të pritet nga kryetari i komunës, z. Shaban Shabani (Komuna e Dragashit, ora 12:30)

-  Ministri për Punë dhe Mirëqenie Sociale, Skender Reçica dhe Ministri për Komunitete dhe Kthim, Dalibor Jetviq raportojn para Komisionit për të Drejtat, Interesat e Komuniteteve dhe për Kthim lidhur me implementimin e projektit për ndërtimin e shtëpive për komunitetin joshumicë. (Ndërtesa e Kuvendit, salla N 303, ora 13:00)

- Ministrja e Mjedisit dhe Planifikimit Hapësinor Albena Reshitaj do të vizitojë komunën e Vitisë, ku bashkë me kryetarin e komunës do të nënshkruajnë një memorandum bashkëpunimi për realizimin e një projekti në fushën e mjedisit. (Objekti i komunës së Vitisë, ora 13:00)

- Zëvendëskryeministri i Kosovës, Fatmir Limaj bashkë me shefen e Zyrës së BE-së në Kosovë, Natalyia Apostolova dhe Ambasadorin e Republikës së Shqipërisë në Kosovë, Qemal Minxhozi, marrin pjesë më inaugurimin e rrugës Krushevë-Shishtavec, e financuar nga BE.. (Krushevë, Komuna Dragashit, ora 15:00)

- Shefja e Zyrës së BE-së në Kosovë, Natalia Apostolova së bashku me autoritetet e Kosovës do të përurojnë rrugën e ndërtuar rishtas midis Krushevës dhe Shishtavecit, që lidh Kosovën dhe Shqipërinë, të financuar nga Bashkimi Evropian. (Vendkalimi kufitar mes fshtarave Krushevë dhe Shishtavec Komuna e Dragashit, ora 15:00)

- Drejtori i misionit të USAID-it Xhejms Houp do të flasë me rastin e ceremonisë zyrtare që do të shënojë partneritetin me Cacttus Education. (Cacttus Education, rr. Bashkim Fehmiu. Arberia 3, BC2/11, nr. 4,  ora 16:45)

- Dega e OVL te UÇK-së në Kaçanik në bashkëpunim me SHIL, SHFD, institucionet komunale organizon orë përkujtimore me rastin e 19 të rënies heroike të dëshmorëve: Danush Kurtaj, Mejdi Dalloshi, Tefik Raka, Avdylgafurr Luma dhe Suad Brava, të rënë në Masakrën e Dubravës së Istogut me 22 maj ’99. (Shtëpia e Kulturës “Xheladin Kurtaj” në Kaçanik, ora 17:00)

- Bëhen homazhe me rastin e 19 të rënies heroike të dëshmorëve të rënë në Masakrën e Dubravës së Istogut me 22 maj ’99. (Varrezat e dëshmorëve dhe martirëve, ora 18:30)