16 Janar 2018

A do ta hapin kësaj radhe parititë e dështuara kutinë e pandorës

Shkruar nga Xhemshi Berisha

Unë nuk dua të fyej e të përçmoj askënd! Kur dikush dëshiron të kalojë mbi mua sikur mbi një kufomë, atëherë ma trazon shpirtin dhe më bën Uragan!

Kosova nuk është bakllava që duhet ta hanë hajdutët e horrat, por është DJEPI që janë përkundër Unë, ti, ai dhe fëmijët tanë që janë dashuria dhe drita e syve tanë!

E pra si të bëj sehir kur shoh se në Kosovë i kanë hipur kalit revan dhe e ngasin nga bishti?!

Më thoni si mund ta duroj përbuzjen dhe nënçmimin e atyre që rrahin gjoks për vatan e deri dje ishin zagarë në gjah të gjuetarëve të UDB-së e të dreqit e të birit.

Po a ka mallkim më të madh se ta lësh fatin e vendit në duar dhe ndërgjegje kriminelësh!...që asnjë gjyq nuk mund t\'i lajë e pastrojë ndërgjegjet e tyre makrokriminele.

Në PDK ikin ujqit e vjetër e vijnë hijenat e reja që me soj e sorollup janë akoma më të katandisur.

NISMA që nuk është gjë tjetër veç se një lëmsh mjeranësh të deklasuar nga krerët e \"Luginës së ujqërve\" dhe të dështuar nga bëmat e tyre politike kriminale që hiqen dje dhe sot si të pafajshëm duke harruar ose heshtur faktin se deri para do kohë gatuanin nën një magje e hanin në një grazhd duke e tundur tlyenin e Kosovës në një fti,që pastaj ajkën e nxjerrë e ndanin në rrethin e tyre virtuoz në mënyrë hiper të rafinuar, po bashkë me ata që po ua pijnë gjakun popullit për çdo ditë dhe po ushqehen edhe vetë në gjahun e gatshëm nga viktimat e kreut të PDK-së.

Një avaz i vjetër ky rivaliteti i kampanjave politike të PDK-së, që s\'arritën kurrë të dalin në dritën e mediumeve publike. Këta ishin të pakënaqurit që kishin degëzuar zgabimthi nga linja e kampanjës së oligarkisë sunduese brenda PDK-së dhe për fatin e keq të tyre do të ndahen nga Torta e privilegjeve partiake duke ua hapur portën e largimit nga frustrimi dhe zemërimi i pa masë. Po ata të AAK-së?(!)

Tmerr i tmerreve, sepse sejmenët e Ramushit po e çojnë vetë Ramushin ta bëjnë prijës në luginën e ujqërve të tërbuar.

I mjeri Ramush do të dalë i përgjakur nga ajo luginë ujqërish. A do të mund ata ta stërkeqin Luanin e Dukagjinit për ta ndërsyer edhe atë të zhvatë pastërmën e Kosovës, mbetet të pritet e të shihet dhe të shihet burrëria dhe sinqeriteti i këtij njeriu të provave dhe sfidave të mëdha që më tëpër e kanë keqpërdorur se ia kam dhënë vendin E merituar!

Madje vetë rrethi i parisë së AAK-së i kanë ecur gjithmonë me lajka dhe hile, megjithë fajin që mban pashmangshëm edhe vetë Ramush Haradinaj.

Sikur të ishte distancuar që në fillim nga bëmat e parisë së AAK-së,të PDK-së dhe LDK-së si dhe ndaj Presidentit të kishte mbajtur qëndrim kritik dhe paditës, Ramush Haradinaj sot do të fitonte një profil politikani të kompletuar kombëtar që nuk do të kishte mundur ta konkuronte asnjë nga radhët e partive të përmendura.

Mjerisht këtë shansë historike me fajin e vet apo të dikujt tjetër e humbet duke u shprehur tepër kompromisës dhe pothuajse përulës.

AKR-ja që po hanë në koritën e të helmuarve nga mbeturinat më antishqiptare serbosllave që po t\'u vinte shansa do ta sillnin me dasëm Karagjorgjen, i ka hy valles politike sërish vetëmse jo me avanse si më parë.

Zotëri Pacolli që nuk është tjetër pos një fazan në politikë por kobra në biznes akoma po shpreson se përmes levës aktive në politikë do të mund të kamë me mjeshtrinë e Harrushanit resurset që kapin shumat maramendëse në Kosovë.

Kobra e biznesit ka durimin t\'i kafshojë Minierat më levërdisëse të Kosovës,po për fat të mirë nuk i ka ardhur shansa e arritjes së këtij qëllimi.

Ai ka siguruar të gjitha mekanizmat për ta lënë Serbia të qetë ta mihë Minierën e Trepçës ku si dëmshpërblim do t\'i paguante brenda 10 vjetësh 1 miliard Euro si kompenzim kthimi Kompanisë .

Hapni sytë ju lutem se këta të fundit janë me shumë palë maska të paçjerra!?! Po meqë u doli shpejt boja e kanë të vështirë ta shesin veten për heronj, veq mund të vrapojnë si zagarë pas gjahut me gjyetarin. E

dhe këta pijnë si verën gjakun e popullit ndoshta në përmasa të kuçedrave të pangopura e si mos më keq!

Të dashur miq e dashamirë zgjedhni e merrni! Për të zitë e kokës tuaj! PO MË VJEN KEQ SE FËMIJËT TANË DO TË NA MALLKOJNË

 

Kalendari

Ngjarjet e datës 17 Janar 2018 - Mbahet mbledhje e Komisionit për Shëndetësi, Punë dhe Mirëqenie Sociale në të cilën do të behët shqyrtimi i projektligjit për ndërmarrjet sociale. (Ndërtesa e Kuvendit, sallaN 303, ora 10:00)

- Në kuadër të organizimeve në 550-vjetorin e vdekjes së Skënderbeut dhe Vitit Mbarëkombëtar të Skënderbeut, nesër më 17 janar 2018, zhvillohen homazhe te shtatorja e Skënderbeut. (Shtatorja e Skënderbeut, ora 10:00)

- Mbahet mbledhja e Komisionit për Administratë Publike, Qeverisje Lokale dhe Media në të cilën do të behët shqyrtimi i raportit të punës së Komisionit, për vitin 2017 si dhe shqyrtimi i draft-planit të punës së Komisionit, për vitin 2018. (Ndërtesa e Kuvendit, salla N204, ora 10:00)

- Për nder të 18 vjetorit të themelimit të Administratës Tatimore të Kosovës, do të mbahet shënimin simbolik të këtij përvjetori, në të cilin pjesëmarrës do të jenë Kryeministri i Republikës së Kosovës Ramush Haradinaj, Ministri i Financave Bedri Hamza, palët e interesit dhe donatorët. (Qendra e Shërbimit të Tatimpaguesve, ish-ndërtesa e Gërmisë, ora 11:00) 

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit,  salla  C 301, ora 11:00)

- Prezantohen projektet e studentëve, të cilët do të pasqyrojnë punën që është bërë gjatë semestrit dimëror 2017/18. (Fakulteti i Edukimit, ora 11:00)

- Mbahet mbledhje e Komisionit për të Drejtat, Interesat e Komuniteteve dhe për Kthim në të cilën do të behët shqyrtimi i Projektligjit për Tatimin në Pronën e Paluejtshme, me raport amandamente të Komisionit funksional për Buxhet dhe Finanaca. (Ndërtesa e Kuvendit, salla N 303, ora 12:00)

- Ministri i Ministrisë së Inovacionit dhe Ndërmarrësisë, Besim Beqaj do të vizitojë kompaninë e prodhimit të produkteve farmaceutike “Trepharm”. (Hapësirat e “Trepharm” në Sllatinë, ora 12:30)

- Komuna e Gjilanit ben zbulimin e bustit te heroit Gjergj Kastrioti - Skenderbeu. (Sheshi kryesore para zyres se kryetarit ne Gjilan, ora 13:00)

- Mbahet Akademi kushtuar 550 vjetorit të Skënderbeut, me ç ‘rast do të promovohet pulla postare e Postës së Kosovës dhe Postës së Maqedonisë në të cilen do të nderohen edhe figurat e shquara të shqiptarëve, Jusuf e Bardhosh Gërvalla dhe Kadri Zeka, në 36-vjetorin e vrasjes së tyre. (Teatri Kombëtar të Kosovës, ora  15:00)

- Komuna e Gjilanit organizon akademin e Flakes se Janarit 2018, qe i kushtohet 550 vjetorit te vdekjes se heroit kombetar Skenderbeu dhe 50 vjetorit te protestave masive per flamurin kombetar. (Teatri i Qytetit, ora 16:00)

- Muzeu i Kosovës, me nismën e "Museum Illyricum" - Zvicër, organizojnë ekspozitë me libra; pulla dhe bankënota nga mesjeta e deri në vitet '30-ta. (Lapidariumin e Muzeut të Kosovës, ora 18:00)

- Hapet ekspozitë 55 portrete për 550-vjetorin e vdekjes së Skënderbeut dhe Vitit Mbarëkombëtar të Skënderbeut. (Swiss Diamond Hotel, ora 18:00)

- Në 550 vjetorin e vdekjes së heroit kombëtar Skenderbeu dhe 50 vjetorit të protestave masive për flamurin kombëtar organizon aktivitetin Peneli i Flakes. (Teatri i Qytetit të Gjilanit, ora 19:00)