17 Janar 2018

Hapet “Parku i Aventurave” në Pejë

Pejë, 10 maj- Me një ceremoni solemne u shënua sot hapja e “Parkut të Aventurave” në lagjen Zatra në Pejë.  Në ceremoni morën fjalën Kryetari i Komunës së Pejës Gazmend Muhaxheri, Menaxherja e Projektit Promovimi i Punësimit në Sektorin Privat – Swisscontact Sigrid Meijer dhe një nga përfaqësuesit e familjes që e kanë këtë biznes, Bekim Gashi.

“Parku i Aventurave” është i pari vend argëtimi dhe aventure i kësaj natyre në Kosovë, por edhe në rajon. Në këtë park vizitorët kanë mundësinë të shijojnë një sërë platformash ajrore të kategorizuara sipas nivelit të vështirësisë, luhajën e madhe (big swing) me lartësi prej 17 metrash, ecjen në shkallë me litarë, kalërimin dhe aktivitete të tjera në natyrë.

“Parku i Aventurave” është pjesë e Shtëpisë Alpike Ranch, që po ashtu është restorant i certifikuar me ushqime bio.  

“Të argëtojmë miliona njerëz”. Kjo është motoja që udhëheq punën e familjes Gashi që i ka dhënë jetë “Parkut të Aventurave” dhe kanë bërë të mundur që tani e tutje që vizitorët të kenë një eksperiencë ndryshe në ditët e tyre të lira duke shijuar pamjet mahnitëse të Pejës në të njëjtën kohë.

“Parku i Aventurave” ndodhet në lartësinë mbidetare rreth 780 metra. Ai ndodhet 2 kilometra larg qendrës së Pejës dhe është i hapur gjatë gjithë ditëve të javës, në orarin 11:00 – 20:00.

“Parku i Aventurave” është biznes privat i familjes Gashi nga Peja, që do të rrisë vlerën e ofertës turistike të rajonit. Për këtë projekt, ata kanë patur përkrahjen e Komunës së Pejës dhe projektit PPSE që financohet nga Agjencia Zvicerane për Bashkëpunim dhe Zhvillim në Kosovë.

Kalendari

Ngjarjet e datës 17 Janar 2018 - Mbahet mbledhje e Komisionit për Shëndetësi, Punë dhe Mirëqenie Sociale në të cilën do të behët shqyrtimi i projektligjit për ndërmarrjet sociale. (Ndërtesa e Kuvendit, sallaN 303, ora 10:00)

- Në kuadër të organizimeve në 550-vjetorin e vdekjes së Skënderbeut dhe Vitit Mbarëkombëtar të Skënderbeut, nesër më 17 janar 2018, zhvillohen homazhe te shtatorja e Skënderbeut. (Shtatorja e Skënderbeut, ora 10:00)

- Mbahet mbledhja e Komisionit për Administratë Publike, Qeverisje Lokale dhe Media në të cilën do të behët shqyrtimi i raportit të punës së Komisionit, për vitin 2017 si dhe shqyrtimi i draft-planit të punës së Komisionit, për vitin 2018. (Ndërtesa e Kuvendit, salla N204, ora 10:00)

- Për nder të 18 vjetorit të themelimit të Administratës Tatimore të Kosovës, do të mbahet shënimin simbolik të këtij përvjetori, në të cilin pjesëmarrës do të jenë Kryeministri i Republikës së Kosovës Ramush Haradinaj, Ministri i Financave Bedri Hamza, palët e interesit dhe donatorët. (Qendra e Shërbimit të Tatimpaguesve, ish-ndërtesa e Gërmisë, ora 11:00) 

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit,  salla  C 301, ora 11:00)

- Prezantohen projektet e studentëve, të cilët do të pasqyrojnë punën që është bërë gjatë semestrit dimëror 2017/18. (Fakulteti i Edukimit, ora 11:00)

- Mbahet mbledhje e Komisionit për të Drejtat, Interesat e Komuniteteve dhe për Kthim në të cilën do të behët shqyrtimi i Projektligjit për Tatimin në Pronën e Paluejtshme, me raport amandamente të Komisionit funksional për Buxhet dhe Finanaca. (Ndërtesa e Kuvendit, salla N 303, ora 12:00)

- Ministri i Ministrisë së Inovacionit dhe Ndërmarrësisë, Besim Beqaj do të vizitojë kompaninë e prodhimit të produkteve farmaceutike “Trepharm”. (Hapësirat e “Trepharm” në Sllatinë, ora 12:30)

- Komuna e Gjilanit ben zbulimin e bustit te heroit Gjergj Kastrioti - Skenderbeu. (Sheshi kryesore para zyres se kryetarit ne Gjilan, ora 13:00)

- Mbahet Akademi kushtuar 550 vjetorit të Skënderbeut, me ç ‘rast do të promovohet pulla postare e Postës së Kosovës dhe Postës së Maqedonisë në të cilen do të nderohen edhe figurat e shquara të shqiptarëve, Jusuf e Bardhosh Gërvalla dhe Kadri Zeka, në 36-vjetorin e vrasjes së tyre. (Teatri Kombëtar të Kosovës, ora  15:00)

- Komuna e Gjilanit organizon akademin e Flakes se Janarit 2018, qe i kushtohet 550 vjetorit te vdekjes se heroit kombetar Skenderbeu dhe 50 vjetorit te protestave masive per flamurin kombetar. (Teatri i Qytetit, ora 16:00)

- Muzeu i Kosovës, me nismën e "Museum Illyricum" - Zvicër, organizojnë ekspozitë me libra; pulla dhe bankënota nga mesjeta e deri në vitet '30-ta. (Lapidariumin e Muzeut të Kosovës, ora 18:00)

- Hapet ekspozitë 55 portrete për 550-vjetorin e vdekjes së Skënderbeut dhe Vitit Mbarëkombëtar të Skënderbeut. (Swiss Diamond Hotel, ora 18:00)

- Në 550 vjetorin e vdekjes së heroit kombëtar Skenderbeu dhe 50 vjetorit të protestave masive për flamurin kombëtar organizon aktivitetin Peneli i Flakes. (Teatri i Qytetit të Gjilanit, ora 19:00)