18 Janar 2018

MBPZHR dhe Telekomi i Kosovës mbështesin platformën ‘Bujku’

Prishtinë, 11 prill -  Ministria e Bujqësisë, Pylltarisë dhe Zhvillimit Rural ka nënshkruar marrëveshje bashkëpunimi me Telekomin e Kosovës, me qëllim të realizimit të platformës teknologjike “Bujku”.
 
Me këtë marrëveshje bashkëpunimi të dyja institucionet do të japin mbështetjen e tyre në zhvillimin e mëtejmë të këtij aplikacioni, i cili do të ju sigurojë fermerëve anë e mbanë vendit që të qasen në informata të ndryshme për sektorin e bujqësisë, qoftë për aplikimet për grante, rezultatet, por më e rëndësishmja qasjen në treg, përmes gjetjes së blerësve dhe shitësve.

Më rastin e nënshkrimit të kësaj marrëveshje, ministri i Bujqësisë, Pylltarisë dhe Zhvillimit Rural, Memli Krasniqi, tha se një aplikacion i tillë është i domosdoshëm për fermerët dhe sipas tij ai do të ndikojë në zhvillimin e bujqësisë dhe avancimin e njohurive të fermerëve dhe një menaxhim më të mirë të fermës.
 
“Platforma Bujku do të zhvillohet në vazhdimësi, duke u pasuruar me informata për shpalljet e ministrisë për përkrahje përmes subvencioneve dhe granteve, si dhe aty do të ketë edhe këshilla të ndryshme bujqësore për sektorin e bujqësisë. E kjo platformë do të ketë mbështetjen institucionale të dy partnerëve Ministrisë së Bujqësisë dhe Valës”, tha ministri Krasniqi.

“Platforma e quajtur Bujku do të ketë një karakter institucional nga PTK-ja dhe Ministria. Ne do ta ndihmojmë këtë projekt duke dhënë informata për shpallje subvencione e këshilla të ndryshme”, ka thënë ministri Krasniqi.
 
Ndërkaq, drejtori i Telekomit të Kosovës, Agron Mustafa, ka treguar se kanë ofruar gjithë infrastrukturën e kësaj ndërmarrje në kuadër të aplikacionit që ka për qëllim në lehtësimin e bujqësisë në mbledhjen e informatave.

Ai tha se marrëveshja është një kurorëzim institucional i një iniciative të nisur më herët. Mustafa njoftoi se aplikacioni për një kohë do të jetë falas për fermerët.
 
‘Bujku’ është e qasshme qysh tani në sistemin android, ndërkaq është duke u zhvilluar edhe për sistemin iOS. 

Kalendari

Ngjarjet e datës 18 Janar 2018 - Ministri i Arsimit,Shkencës dhe Teknologjisë, Shyqiri Bytyqi do të zhvilloi një takim me kryetarin e komunës Gazmend Muhaxheri. (Rezidenca e kryetarit Muhaxheri në Pejë, ora 9:30)

- Mbahet mbledhja e Kuvendit Komunal të Prishtinës, ku do të formohet Komiteti për Politikë dhe Financa si dhe do të caktohen anëtarët e komisioneve të aksionarëve nëpër ndërmarrjet publike komunale. (Objekti i Komunës, ora 10:00)

- Demokracia Plus në bashkëpunim me CoDe organizon tryezën me temë “Roli i Grupeve Jo formale të Grave në Politik Bërje – Shkëmbimi i përvojave në mes të grupeve jo formale të grave në nivel lokal dhe institucioneve qendrore”. (Hotel Sirius, ora 10:00)

- Koalicioni i OJQ–ve për Mbrojtjen e Fëmijëve në Kosovë - KOMF organizon konferencën e lançimit kombëtar të Indeksit për Mbrojtjen e Fëmijës 2.0. (Hotel Sirius, ora 10:00)

- Hapen punimet e punëtorisë me temë  “ Profilizimi i mësimdhënësve të klasave  I -V ”,  të organizuar nga MAShT dhe ku do të jenë të pranishëm drejtorët e Drejtorive Komunale të Arsimit në rajonin e Pejës  si dhe të gjithë drejtorët e Sh.F.M.U-ve së bashku me dy mësimdhënës të klasave  I –V dhe nga një mësimdhënës i shkollave të fshatrave. (Shkolla fillore “Shaban Spahija “ në Pejë, ora 10:00)

- Ministri i Infsrastrukturës, Pal Lekaj, do të zhvillojë vizitë inspektuese në Autostradën “Arbën Xhaferi”. (Autostrada në fshatin Doganaj, ora 10:30)

- Në kuadër të lansimit të programit Zhvillim Rajonal, Ministria për Zhvillim Rajonal,  nesër më 18 janar, 2018,  nga ora 13:30, organizon takimin me kryetarët e Komunave të Republikës së Kosovës me qëllim të informimit të komunave lidhur me këtë programin për Zhvillim Rajonal dhe mundësit e zhvillimit socio- ekonomik rajonal. (Ndërtesa e Qeverisë, salla e takimeve P-38 në, ora 13:30) 

- Mbahet mbledhja për themelimin e komisionit për bashkëpunim ndërkombëtar dhe kordinim vendor në fushën e Shkencës së Astronomisë në kuadër të Asociacionit për Mbështetjen e Arsimit dhe Aftësimit Profesional të Republikës së Kosovës. (Ministria e Arsimit, Shkencës dhe Teknologjisë, ora 15:00)