20 Shtator 2017

KGJK pranon vendimin e Kushtetueses per emërimin e kryetarit të Supremes

Prishtinë, 17 korrik - Këshilli Gjyqësor i Kosovës (KGJK) ka pranuar Aktgjykimin e Gjykatës Kushtetuese të Republikës së Kosovës që ka të bëjë me Vendimin e Këshillit Gjyqësor, të datës 17 korrik 2017, në lidhje me emërimin e Kryetarit të Gjykatës së Apelit.

Kryesuesi i Këshillit Gjyqësor, Nehat Idrizi, thekson se KGJK është duke analizuar këtë vendim dhe vendimin e datës 12 qershor 2017 të Gjykatës Kushtetuese në lidhje me emërimin e Kryetarit të Gjykatës Supreme, dhe sa më shpejtë që është e mundur do të përcaktojë veprimet që duhet të ndërmerren për zbatimin e tyre.

Këshilli Gjyqësor i Kosovës shprehet se është i përkushtuar, siç ka qenë gjithmonë, që të sigurojë sundim të ligjit.

Kryetarja e Komisionit Qendror Zgjedhor Valdete Daka ka deponuar muaj më parë ankesë në Gjykatën Kushtetuese të Kosovës lidhur me zgjedhjen e Kryetarit të Gjykatës Supreme.

Me 6 mars të këtij viti, kryetar i Gjykatës Supreme të Kosovës u zgjodh Enver Peci, me 6 vota pro dhe 4 abstenime.
 

Kalendari

Ngjarjet e datës 21 Shtator 2017 - Programi "Kërko Drejtësi” i financuar nga Departamenti i SHBA-së në bashkëpunim me Odën e Avokatëve të Kosovës mbajn takimin e fundit të programit D4J. (Hotel Emerald, ora 9:15)

- Drejtori i Misionit të USAID-it Xhejms Houp do të merr pjesë në hapjen e punëtorive të programit të USAID-it për Përkrahje Adoleshentëve pas mësimit të rregullt. (Auditoriumi i Fakultetit të Edukimit, Universiteti i Prishtinës, ora 9:30)

- Kolegji i Shkencave të Aplikuara Teknike “Tempulli” dhe Asociacioni Kosovar i Motorizimit “AMRKS” organizon tryezë diskutimi për shënimin e Ditës Evropiane pa viktima në rrugë. (Ndërtesa e Kolegjit “Tempulli” në Prishtinë,  ora 10:00) 

- Ministri i Kulturës, Rinisë dhe Sportit, Kujtim Gashi do të vizitojë Komunën e Vushtrisë dhe do të takohet me kryetarin e Komunës Bajram Mulaku. (Ambientet e komunës, ora 13:00)

- Në kuadër të konferencës ndërkombëtare “Kultura dhe Paqja në Ballkan - Roli i Parlamentarëve” zhvillohet aktiviteti “Udha e Paqes”. (Sheshi “Zahir Pajaziti”, ora 14:00)

- Ministri i Kulturës, Rinisë dhe Sportit, Kujtim Gashi do të vizitojë Kalanë e Harilaqit, në Fushë Kosovë. (Kalaja e Harilaqit, ora 15:00)

- Lidhja Demokratike e Kosovës ju njofton do ta hapë fushatën zgjedhore për Zgjedhjet Lokale 2017, ku do të prezantojë kandidatët për kryetar komunash. (Salla “1 Tetori” në Prishtinë, ora 17:00)

- Fondacioni Aksioni për Nëna dhe Fëmijë dhe Crimson Capital organizon ngjarjen tradicionale e përvitshme në skenën e filantropisë në Kosovë “Të vallëzojmë për nënat dhe fëmijët – Let’s Dance”. (Duplex, ora 20:00)