20 Prill 2018

Kamenica model i promovimit të grave me pozita kyçe

Kamenicë, 19 maj - Ministrja e Integrimit Evropian, Znj Mimoza Ahmetaj ka vizituar komunën e Kamenicës ku është takuar me kryetarin e Komunës Begzad Sinani.

Me këtë rast Ministrja Ahmetaj shprehu kënaqësinë dhe përgëzoj kryetarin Sinani për punën e deritanishme, në veçanti për efikasitetin në investimet kapitale dhe nxitjen e zhvillimit të bizneseve të reja.

 “Është për tu vlerësuar dhe të mirret si model nga komunat tjera, fakti që kryetari Sinani ka promovuar gratë me pozita kyçe në komunën e Kamenicës.\"

\"Në vazhdim të vizitës time, pata rastin të takohem me ndërmarrës dhe të rinjë të këtij qyteti, të cilët i njoftova për mundësitë e tërheqjes së fondeve dhe studimeve jashtë vendit.\"

\"Përmes fondeve të IPA II, programeve të Bashkimit Evropian dhe skemave të bursave mund të përfitojnë komunat, bizneset, të rinjtë, shoqëria civile dhe komunitete tjera”, ka theksuar Ahmetaj.

Ndërkohë Kryetari Sinani fillimisht falënderoi Ministren Ahmetaj për vizitën, duke shprehur lartë që komunikimi dhe bashkëpunimi në mes të nivelit qendror dhe lokal është i domosdoshëm në përmirësimin e jetës se qytetarëve.

Gjithashtu Kryetari Sinani shprehu gatishmërinë për më shumë përkushtim në tërheqjen e fondeve dhe pjesëmarrjen në programet e Bashkimit Evropian.

Më tej Ministrja Ahmetaj shtoj se vizita në komunën e Kamenicës por edhe vizitat në komunat tjera, kanë për qëllim komunikimin dhe shpalosjen e mundësive të cilat Ministria e Integrimit Evropian ofron.

Duke e ditur rëndësinë e zhvillimit të komunave, potencialin real që kanë për zhvillim, si Ministre e Integrimit Evropian jam e vendosur që të jap kontributin tim në përmirësimin e jetës së qytetarëve tonë.

 

Kalendari

Ngjarjet e datës 20 Prill 2018

- Ministria e Shëndetësisë, me mbështetjen e Organizatës Botërore të Shëndetësisë-Zyra në Prishtinë, shënon Ditën Botërore të Shëndetit me temën: “Mbulimi shëndetësor i përgjithshëm: për të gjithë, kudo”. (Ndërtesa e Qeverisë, Salla P-38, ora 9:00)

- Kryeministri i Republikës së Kosovës, Ramush Haradinaj, merr pjesë në shënimin e Ditës Botërore të Shëndetit. (Ndërtesa e Qeverisë, salla P-38, ora 9:00)

- Ministrja e Mjedisit dhe Planifikimit Hapësinor, Albena Reshitaj do t’i bashkohet përseri aksionit të komunës së Suharekës për largimin e mbeturinave përgjatë rrugëve kryesore dhe lokale, shesheve dhe hapësirave publike të kësaj komune. (Objekti i komunës së Suharekës, ora 9:30)

- Mbahet Mbledhja e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të behët shqyrimit Raportit Vjetor i Zyrës së Rregullatorit të Energjisë dhe shqyrtimi i Raportit te Projektligjit për Mbrojtjen e Konsumatorit. (Ndërtesa e Kuvendit, salla N 10, ora 10:00)

- Ministri i Drejtësisë, Abelard Tahiri, së bashku me përfaqësues e Odës Ekonomike e Kosovës dhe Odës Ekonomike Amerikane do të takojnë bizneset nga rajoni i Pejës në kuadër të kampanjës “Drejtësia dhe biznesi”. (Restorant “Univers” në Pejë, ora 10:00)

 - Zyra e Bashkimit Evropian dhe Ministria e Integrimit Evropian organizojnë prezantimin e 45 përfituesve të granteve të përzgjedhur në raundin XI të projektit të Skemës së Qelizave të Reja për të ndjekur studimet për Master një vjeçar në universitetet e BE-së. (Hotel Sirius, ora 10:30)

 - Ministria e Infrastrukturës do të mbajë ceremoninë e inaugurimit të fillimit të punimeve për ndërtimin e “Rrugës Rajonale R102, Komoran-Skenderaj, Segmenti Komoran-Morinë”. (Fshati Polluzhë te rreth - rrotullimi, ora 11:00)

- Mbahet manifestim për nderë të 70-të vjetorit  të themelimit të SHFMU 'Isa Boletini". (Ambientet e Shkollës 'Isa Boletini' në Isniq, ora 11:00)

- Ministria e Infrastrukturës do të mbajë ceremoninë e inaugurimit të fillimit të punimeve për ndërtimin e “Rrugës Rajonale R102, Komoran-Skenderaj, Segmenti Komoran-Morinë”. (Fshati Polluzhë te​ rreth - rrotullimi, ora 11:00)

- Mbahet konferenca e rregullt javore e Grupit Parlamentar të Lidhjes Demokratike të Kosovës. (Selia qendrore e LDK-së, te Qafa, ora 11.00)

- Mbahet seanca e jashtëzakonshme e Kuvendit të Republikës së Kosovës në të cilën do të mbahet debat parlamentar lidhur me Raportin e Progresit për Republikën e Kosovës.. (Kuvendi i Kosovës, ora 12:00)

-  Aleanca Kosovare e Bizneseve mban konferencë për media me temë 'Publikimi i dokumentave zyrtare të Bosnjës dhe Herecegovinës që paraqesin shtet Republikën e Kosovës'. (Zyret e AKB-së, ora 13:30) 

- Ministri i Kulturës, Rinisë dhe Sportit, Kujtim Gashi, do të marrë pjesë në konferencën e organizuar me rastin e pjesëmarrjes së Republikës së Kosovës në edicionin e 16-të të Ekspozitës Ndërkombëtare, Bienalen e Venedikut. (Galerinë Kombëtare të Kosovës, ora 13:45)

- Qendra për Hulumtime Psiko-Sociale dhe Mjekësore organizon 'Evidence Based Future'. (Hotel Grand, ora 14:00)

- Agjensioni i Përkrahjes së Punësimit Kosovë mbanë takimin përmbyllës me 61 punëkërkuesit kosovarë të cilët në fillim të shtatorit do të fillojnë shkollimin dhe aftësimin trevjeçar profesional në profesionin “Përkujdesës/e ndaj të moshuarve” në Gjermani. (Salla e konferencave, objekti i APPK-së, ora 18:00)