22 Gusht 2017

Nisin punimet për asfaltimin e një rrugë në fshatin Shtupel të Klinës

Klinë, 18 maj - Infrastruktura rrugore në zonat urbane dhe rurale të Komunës së Klinës çdo ditë e më tepër po rregullohet.

Sot, kryetari i Komunës së Klinës, Sokol Bashota ka përcjellë nga afër fillimin e punimeve për asfaltimin e rrugës në lagjen “Bakaja” të fshatit Shtupel të Klinës, e cila do të krijojë lehtësi në qarkullim për 40 familje të kësaj lagje.

Rruga është e gjatë 1.3 km dhe ka kushtuar 61 mijë euro. Banorët i janë gëzuar asfaltimit të rrugës, pasi që sipas tyre ka pasur telashe të mëdha në lëvizje sidomos gjatë stinës së dimrit. Kryetari i Komunës së Klinës, Sokol Bashota, ka uruar banorët për këtë projekt.

“Ky investim do të lehtësojë qarkullimin e automjeteve në këtë zone, duke përmirësuar edhe komunikimin mes disa rrugëve. Asfaltimi i kësaj rrugë i financuar nga Komuna e Klinës ka një rëndësi të madhe për ju. Pushteti lokal ka vizionin e qartë, zhvillimin ekonomik, qeverisje efektive në shërbim të qytetarëve. Ky përurim është vetëm simbolik, për të treguar se asnjë fshat i komunës së Klinës nuk do të mbetët pasdore ”, ka thënë Bashota.

Në komunën e Klinës se shpejti pritet të fillojnë edhe disa projekte për rregullimin e infrastrukturës rrugore.    

 

Kalendari

Ngjarjet e datës 22 Gusht 2017

 - Arritja e Arkivolit të ish kryeministrit te Kosovës, Bajram Rexhepi. (Aeroporti Ndërkombëtar "Adem Jashari", ora 8:30)

- Komisioni i Veçantë për organizimin e ceremonisë mortore organizon homazhe për ish-Kryeministrin e Kosovës, Bajram Rexhepi. (Holli i Kuvendit të Republikës së Kosovës, ora 10:00)

- Nën Patronatin e Kryeministrit të Kosovës, Isa Mustafa mbahet mbledhje Komemorative për ish-Kryeministrin Rexhepi. (Teatrin Kombëtar, ora 12:00)

  - Arritja e Arkivolit të ish kryeministrit te Kosovës, Bajram Rexhepi qëndron në shtëpi të të ndjerit. (Suhodoll, ora 13:30)

- Kuvendi Komunal të Mitrovicës organizon homazhe për ish kryeministrin Rexhepi. (Kuvendi Komunal i Mitrovicës, ora 15:00)

- Nisja e Arkivolit nga Kuvendi Komunal i Mitrovicës për te varrezat në Shipol. (Shipol, ora16:00)

- Nën Patronatin e Kryeministrit të Kosovës, Isa Mustafa mbahet Ceremonia e varrimit te ish kryeminsitrit Rexhepi. (Shipol, ora 16:30)